ଲମତାପୁଟ: ଲମତାପୁଟ ପୋଲିସକୁ ବଡ ସଫଳତା ମିଳିଛି । ୨୫ କେଜି ଗଞ୍ଜେଇ ସହ ଦୁଇ ମାଫିଆଙ୍କୁ ଗିରଫ କରିଛି ପୋଲିସ । ଏମିତି କିଛି ଘଟଣା ଦେଖିବାକୁ ମିଳିଛି କୋରାପୁଟ ଜିଲ୍ଲା ଜଲାପୁଟ ଅଞ୍ଚଳରେ । ଜଲାପୁଟ ରୁ ବାଣରାଶିକୁ ବେଆଇନ ଗଞ୍ଜେଇ ଚୋରାଚାଲାଣ ହେଉଥିବାବେଳେ ପୋଲିସ ଏକ ଗଞ୍ଜେଇ ବୋଝେଇ କାରକୁ ଅଟକାଇଥିଲା । ମାତ୍ର କାର ଡ୍ରାଇଭର ଜଣକ ଖସି ଯିବାକୁ ଉଦ୍ୟମ କରିଥିଲେ ।
ଫଳରେ ପୋଲିସ କାରଟିର ପିଛା କରି ଶେଷରେ ଲିମାପୁଟ ଗାଁ ନିକଟରେ କାରଟିକୁ ଅଟକାଇଥିଲେ । ପରେ କାରଟିକୁ ଯାଞ୍ଚ କରିବାରୁ ସେଥିରୁ ୨୫ କେଜି ଗଞ୍ଜେଇ ଜବତ କରିଥିଲେ । ଏବଂ ଦୁଇ ଜଣ ଗଞ୍ଜେଇ ମାଫିଆଙ୍କୁ କାବୁ କରିବାରେ ସଫଳ ହୋଇଥିଲା । ଅଭିଯୁକ୍ତ ଦୁଇ ଜଣ ବୀର ବାହାଦୂର ସିଂ ଏବଂ ସୌଥବ ସିଂ ବୋଲି ଜଣାପଡିଛି ।