ଉତରାଖଣ୍ଡରେ ହାଇ ଡ୍ରାମା: ଆପରେ ଯୋଗ ଦେଲେ ୩ କଂଗ୍ରେସ ନେତା

ଡେରାଡୁନ: ଉତରାଖଣ୍ଡରେ ଦିନକୁ ଦିନ କଂଗ୍ରେସ ଦୁର୍ବଳ ହେବାରେ ଲାଗିଛି । ମଙ୍ଗଳବାର ୩ କଂଗ୍ରେସ ନେତା ହଠାତ ଆମ ଆଦମୀ ପାର୍ଟିରେ ଯୋଗ ଦେବା ରାଜନୈତିକ ବାତାବରଣକୁ ଚଳଚଂଚଳ କରି ଦେଇଛି । ଏହି ୩ଜଣ ହେଲେ ରାଜେନ୍ଦ୍ର ପ୍ରସାଦ ରତୁରୀ, କମଲେଶ ରମଣ ଓ କୁଲଦୀପ ଚୌଧୁରୀ । ଦିଲ୍ଲୀର ଉପ ମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କ ଉପସ୍ଥିତିରେ ସେମାନେ ଆପରେ ସାମିଲ ହୋଇଥିଲେ । ଏହା ପରେ ହରେକ ସିଂଙ୍କ ଘରେ କଂଗ୍ରେସର ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ପୂର୍ବତନ ମୁଖ୍ୟମନ୍ତ୍ରୀ ହରୀଶ ରାୱତ ଏହି ବୈଠକରେ ଯୋଗ ଦେଇ ନ ଥିଲେ । ୨୦୧୭ରେ ବିଧାନସଭା ନିର୍ବାଚନ ପୂର୍ବରୁ ୯ଜଣ ବିଜେପିରେ ଯୋଗ ଦେଇଥିଲେ । ୨୦୨୨ ବିଫଳତା ଦଳର ନେତାମାନଙ୍କୁ ଅନ୍ୟ ପାର୍ଟି ପ୍ରତି ମୁହାଁଇବାକୁ ବାଧ୍ୟ କରୁଛି । ଆପ ଆଗାମୀ ନିର୍ବାଚନରେ ହିମାଚଳପ୍ରଦେଶରେ ଭଲ ପ୍ରଦର୍ଶନ ନେଇ ଆଶାୟୀ ଅଛି ।