ମୁମ୍ବାଇ ଛାଡିଲେ କଙ୍ଗନା

ମୁମ୍ବାଇ: ଶେଷରେ ମୁମ୍ବାଇ ଛାଡିଲେ ବଲିଉଡ କଂଟ୍ରଭର୍ସି କୁଇନ୍ କଙ୍ଗନା । ମନଦୁଃଖରେ ସେ ଆଜି ନିଜ ହୋମ ଟାଉନ୍ ମନାଲୀକୁ ଫେରିଛନ୍ତି । ଯେଉଁଠି ତାଙ୍କ ପରିବାର ରହନ୍ତି । ତେବେ ମୁମ୍ବାଇ ଛାଡିବା ପୂର୍ବରୁ ସେ ଏକ ଟ୍ୱିଟ୍ କରିଛନ୍ତି ।

ଏଥିରେ ସେ ଭାରାକ୍ରାନ୍ତ ମନରେ ମୁମ୍ବାଇ ଛାଡି ଯାଉଥିବା କଥା ଲେଖିଛନ୍ତି । ଏଥିସହ ଗତ କିଛିଦିନ ହେବ ତାଙ୍କୁ କିଭଳି ହଇରାଣ କରାଯାଉଛି ତାହା ମଧ୍ୟ ସେ ଟ୍ୱିଟ୍‌ରେ ଉଲ୍ଲେଖ କରିଛନ୍ତି । ସେହିପରି ମୁମ୍ବାକୁ ପାକିସ୍ତାନ ଅଧିକୃତ କାଶ୍ମୀର ସହ ତୁଳନା କରିବା କିଛି ଭୁଲ ନଥିଲା ବୋଲି କଙ୍ଗନା କହିଛନ୍ତି । ଅନ୍ୟଏକ ଟ୍ୱିଟ୍ କରି କଙ୍ଗନା କହିଛନ୍ତି, ରକ୍ଷକ ଏବେ ଭକ୍ଷକ ସାଜିଛି । ଗଣତନ୍ତ୍ରକୁ ନଷ୍ଟ କରୁଛନ୍ତି । ତେବେ ସେମାନେ ତାଙ୍କୁ ଦୁର୍ବଳ ଭାବି ଭୁଲ୍ କରୁଛନ୍ତି ।

जब रक्षक ही भक्षक होने का एलान कर रहे हैं धड़ियाल बन लोकतंत्र का चीरहरण कर रहे हैं,
मुझे कमज़ोर समझ कर
बहुत बड़ी भूल कर रहे हैं!
एक महिला को डरा कर उसे नीचा दिखाकर,
अपनी इमेज को धूल कर रहे हैं!!

— Kangana Ranaut (@KanganaTeam) September 14, 2020

ସୂଚନାଯୋଗ୍ୟ ଯେ, ମୁମ୍ବାଇକୁ କଙ୍ଗନା ପିଓକେ ସହ ତୁଳନା କରିବା ପରେ ଶିବସେନା ଏହାକୁ ନେଇ ତାଙ୍କୁ ଟାର୍ଗେଟ କରିଛି । ଚାଲିଛି ଜୋରଦାର ହଙ୍ଗାମା । ବିଏମ୍‌ସି କଙ୍ଗନାଙ୍କ ଅଫିସ୍‌କୁ ବେଆଇନ୍ ଦର୍ଶାଇ ଭାଙ୍ଗି ଦେଇଛି । ଏହି ଘର ଭଙ୍ଗାକୁ ନେଇ ଏବେ ରାଜନୀତି ଜୋର୍ ଧରିଛି । ଏହାକୁ ବିଜେପି ସମେତ ଅନେକ ବିରୋଧୀ ବିରୋଧ କରୁଛନ୍ତି ।