ଦୁବାଇ: ଆଇପିଏଲର ଦୁଇଟି ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଳୁରୁ ସୁପର ଓଭରରେ ବିଜୟୀ ହୋଇଛି । ଗୋଟିଏ ୨୦୧୩ରେ ଖେଳାଯାଇଥିଲା । ଆଉ ଗୋଟିଏ ମ୍ୟାଚ୍ ଚଳିତ ସିଜିନର ଗତକାଲିର ମୁକାବିଲାରେ ବିଜୟୀ ହୋଇଛି ବେଙ୍ଗାଳୁରୁ ।
ଦିଲ୍ଲୀ ବନାମ ବେଙ୍ଗାଳୁରୁ (୨୦୧୩ IPL)
୨୦୧୩ IPL ସୁପର ଓଭର ମ୍ୟାଚ୍
ଆଇପିଏଲ୍ ଷଷ୍ଠ ସିନିରେ ବେଙ୍ଗାଳୁରୁ ଓ ଦିଲ୍ଲୀ ମ୍ୟାଚରେ ସୁପର ଓଭର ଖେଳାଯାଇଥିଲା । ପ୍ରଥମେ ବ୍ୟାଟିଂ କରି ଦିଲ୍ଲୀ ନିର୍ଦ୍ଧାରିତ ଓଭରରେ କରିଥିଲା ୧୫୨ ରନ୍ । ୧୫୩ ରନ୍ ବିଜୟ ଲକ୍ଷ୍ୟର ପିଛା କରି ବେଙ୍ଗାଳୁରୁ ସମାନ ୧୫୨ ରନ୍ କରିଥିଲା । ସୁପର ଓଭରରେ ରବି ରାମପଲ ୨ଟି ଓ୍ୱିକେଟ ନେଇ ଆରସିବିକୁ ବିଜୟୀ କରାଇଥିଲେ ।
ମୁମ୍ବାଇ ବନାମ ବେଙ୍ଗାଳୁରୁ (୨୦୨୦ IPL)
୨୦୨୦ IPL ସୁପର ଓଭର ମ୍ୟାଚ୍
ଚଳିତ ସିଜିନରେ ଗତକାଲି ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସୁପର ଓଭରରେ ବିଜୟୀ ହୋଇଛି ରୟାଲ ଚ୍ୟାଲେଞ୍ଜର୍ସ ବେଙ୍ଗାଳୁରୁ । ପ୍ରଥମେ ବ୍ୟାଟିଂ କରି ଆରସିବି ୩ ଓ୍ୱିକେଟରେ ୨୦୧ ରନ୍ କରିଥିଲା । ଜବାବରେ ମୁମ୍ବାଇ ଧୂଆଁଧାର ବ୍ୟାଟିଂ କରିଥିଲେ ବି ଟାଇ ହୋଇଥିଲା ମ୍ୟାଚ୍ । ସୁପର ଓଭରରେ ମୁମ୍ବାଇ ଗୋଟିଏ ଓ୍ୱିକେଟ ହରାଇ ୭ ରନ୍ କରିଥିଲା । ବେଙ୍ଗାଳୁରୁ ଶେଷ ବଲରେ ବିନା ଓ୍ୱିକେଟରେ ଜିତି ନେଇଥିଲା ମ୍ୟାଚ୍ ।
ଆଇପିଏଲର ଚଳିତ ସିଜିନରେ ବର୍ତ୍ତମାନ ସୁଦ୍ଧା ଦୁଇଟି ସୁପର ଓଭର ମ୍ୟାଚ୍ ଦେଖିବାକୁ ମିଳିଛି । ଗୋଟିଏ କିଙ୍ଗସ ଇଲେଭେନ୍ ପଞ୍ଜାବ ଓ ଦିଲ୍ଲୀ କ୍ୟାପିଟାଲ୍ସ ଭିତରେ ଖେଳାଯାଇଥିଲା । ଗତକାଲି ବେଙ୍ଗାଳୁରୁ ଓ ମୁମ୍ବାଇ ଭିତରେ ଖେଳାଯାଇଥିଲା ଦ୍ୱିତୀୟ ସୁପର ଓଭର ମ୍ୟାଚ୍ ।
