ନୂଆଦିଲ୍ଲୀ: ରାଜପଥରେ ଗାଡ଼ିଗୁଡ଼ିକର ଲାଗି ରହିଥିବା ଲମ୍ବା ଲାଇନରୁ ଏବେ ମୁକ୍ତି ମିଳିବ। ଜାନୁଆରୀ ୧ରୁ ସମସ୍ତ ଯାନଗୁଡ଼ିକରେ FASTag ଲଗାଇବାକୁ ବାଧ୍ୟତାମୂଳକ କରାଯାଇଛି। ବର୍ତ୍ତମାନ କେବଳ FASTag ଜରିଆରେ ହିଁ ଟୋଲ୍ ସଂଗ୍ରହ କରାଯାଇପାରିବ। ଏହା ପରେ ଟୋଲରେ କାହାଠାରୁ କୌଣସି ନଗଦ ଟଙ୍କା ନିଆଯିବ ନାହିଁ। ଟୋଲ ସଂଗ୍ରହ ବୃଦ୍ଧି କରିବାକୁ କେନ୍ଦ୍ର ସରକାର ଲକ୍ଷ୍ୟ ରଖିଛନ୍ତି। ସରକାର ଟୋଲରୁ ପ୍ରତିଦିନ ୯୩ କୋଟି ଟଙ୍କା ରୋଜଗାର କରୁଥିବା ବେଳେ ବର୍ତ୍ତମାନ ସରକାର ଏହାକୁ ୧୦୦ କୋଟିରେ ପହଞ୍ଚାଇବାକୁ ଚାହୁଁଛନ୍ତି।
FASTag ହେଉଛି ଏକ ଟ୍ୟାଗ୍ ଏବଂ ଷ୍ଟିକର୍ ଯାହା କାରର ଆଗରେ ଲଗାଯାଇଥାଏ। ଏଥି ସହିତ, ରାଜପଥରେ ଥିବା ଟୋଲ୍ ପ୍ଲାଜାରେ ସ୍କାର୍ନରଗୁଡ଼ିକ ଗାଡିରେ ଥିବା ଷ୍ଟିକରରୁ ରେଡିଓ ଫ୍ରିକ୍ୱେନ୍ସି ଆଇଡେଣ୍ଟିଫିକେସନ୍ (RFID) ଟେକ୍ନୋଲୋଜି ସହିତ ଡିଭାଇସ୍ ସ୍କାନ୍ କରିଥାଏ ଏବଂ ଅବସ୍ଥାନ ଅନୁଯାୟୀ ବ୍ୟାଙ୍କ ଆକାଉଣ୍ଟରୁ ଟଙ୍କା ସ୍ୱୟଂଚାଳିତ ଭାବରେ ଆଦାୟ କରାଯାଇଥାଏ। ଏହା ବହୁତ ସୁବିଧାଜନକ ହୋଇଥାଏ। ଏହା ମାଧ୍ୟମରେ ଟୋଲରେ ଯାନ ଅଟକାଇବାର କୌଣସି ଆବଶ୍ୟକତା ପଡ଼ିବ ନାହିଁ। ଯଦି FASTag କୌଣସି ପ୍ରିପେଡ୍ ଆକାଉଣ୍ଟ୍ କିମ୍ବା ଡେବିଟ୍ / କ୍ରେଡିଟ୍ କାର୍ଡ ସହିତ ଲିଙ୍କ୍ ହୋଇନାହିଁ, ତେବେ ଆପଣଙ୍କୁ ଏହାକୁ ରିଚାର୍ଜ କରିବାକୁ ପଡିବ।
ଏନ୍ଏଚ୍ଏଆଇ ଅନୁଯାୟୀ FASTag ର ମୂଲ୍ୟ ୨୦୦ ଟଙ୍କା। ଏଥିରେ, ଆପଣ ଅତିକମରେ ୧୦୦ ଟଙ୍କା ରିଚାର୍ଜ କରିପାରିବେ। ଯେପର୍ଯ୍ୟନ୍ତ FASTag ସ୍କାନରକୁ ସ୍କାନ୍ କରେ ସେପର୍ଯ୍ୟନ୍ତ ଏହା କାମ କରିବ।