ନୂଆଦିଲ୍ଲୀ: ଆମେରିକାରେ ଏପରି ଏକ ସହର ଅଛି ଯେଉଁଠାରେ ଲୋକମାନେ ଦୁଇମାସ ପର୍ଯ୍ୟନ୍ତ ସୂର୍ଯ୍ୟଙ୍କ ରଶ୍ମି ଦେଖିପାରିବେ ନାହିଁ। ଆମେରିକାର ଆଲାସ୍କାର ଲୋକମାନେ ଆସନ୍ତା ୨ ମାସ ପାଇଁ ଅନ୍ଧକାରରେ ରହିବେ। ଏହି ସହରରେ ଜାନୁଆରୀ ୨୩ରେ, ସ୍ଥାନୀୟ ସମୟ ଅପରାହ୍ନ ୧ ଟାରେ ସୂର୍ଯ୍ୟୋଦୟ ହେବ। ୬୫ ଦିନ ପାଇଁ ସ୍ଥାନୀୟ ସରକାର ଆନୁଷ୍ଠାନିକ ଭାବେ ଏହି ଅଞ୍ଚଳକୁ ଅନ୍ଧକାରମୟ ରହିବ ବୋଲି ଘୋଷଣା କରିଛନ୍ତି।
ବାସ୍ତବରେ, ଆଲାସ୍କା ଧ୍ରୁବୀୟ ଅଞ୍ଚଳରେ ପଡେ, ସୂର୍ଯ୍ୟ ଏଠାରେ ୨୩ ଜାନୁଆରୀରେ ଦେଖାଯିବେ। ଉତ୍ତର ମେରୁରେ ଶୀତଦିନେ କିଛି ସ୍ଥାନରେ ଦିନ ଏତେ କମ୍ ଯେ ସେଠାରେ ଆଲୋକ ରଶ୍ମି ପଡେ ନାହିଁ। ଶୀତ ଦିନରେ ମଧ୍ୟ ଅନ୍ଧାର ରହିଥାଏ, କାରଣ ଆର୍କଟିକ୍ ସର୍କଲର ଉଚ୍ଚତାରେ ଅବସ୍ଥିତ ହେତୁ ସୂର୍ଯ୍ୟ ବଳ୍ୟ ଉପରକୁ ଉଠିବାରେ ସକ୍ଷମ ହୋଇନଥାଏ। ଏହି ଅବସ୍ଥାକୁ ‘ପୋଲାର ନାଇଟ୍’ କୁହାଯାଏ।
ରିପୋର୍ଟ ଅନୁଯାୟୀ, ଆଲାସ୍କାରେ ଶେଷ ସୂର୍ଯ୍ୟୋଦୟ ଲୋକେ ୧୮ ନଭେମ୍ବରରେ ଦେଖିଥିଲେ। ଏହାପରେ ୨୩ ଜାନୁଆରୀରେ ପୁଣି ଥରେ ସୂର୍ଯ୍ୟୋଦୟ ହେବ।
୪ ହଜାର ଜନସଂଖ୍ୟା ବିଶିଷ୍ଟ ଉତକିଆଗିକ୍ ରେ ସୂର୍ଯ୍ୟ ଏବଂ ଆଲୋକ ବିନା ପାଗ ଅତ୍ୟଧିକ ଥଣ୍ଡା ରହିଥାଏ। ଅନେକ ଥର ଏଠାରେ ତାପମାତ୍ରା ମାଇନସ୍ ୧୦ ରୁ ୨୯୦ ଡିଗ୍ରୀରେ ପହଞ୍ଚେ। ଦୁଇମାସ ଅନ୍ଧକାରରେ ସହରର ହାରାହାରି ତାପମାତ୍ରା ମଧ୍ୟ ମାଇନସ୍ ଡିଗ୍ରୀ ତଳେ ରହିଥାଏ।
ଆମେରିକାରେ ଆଲାସ୍କା, ଋଷିଆ, ସ୍ୱିଡେନ, ଫିନଲ୍ୟାଣ୍ଡ, ଗ୍ରୀସ୍ ଏବଂ କାନାଡାର କେତେକ ସହରରେ ପୋଲାର ନାଇଟ୍ ମଧ୍ୟ ଦେଖାଯାଏ। ଗ୍ରୀସରେ, କାନାଡାର ଫାୟୋର୍ଡରେ ୧୦୦ ଦିନ ପର୍ଯ୍ୟନ୍ତ ସମଗ୍ର ସ୍ଥାନ ଅନ୍ଧକାରମୟ ଅବସ୍ଥାରେ ରହିଥାଏ।