ଆରପାରିରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଭାଣିଜୀ ଚିତ୍ରା ଘୋଷ

କୋଲକାତା: ଆଉ ନାହାନ୍ତି ଶରତ ଚନ୍ଦ୍ର ବୋଷଙ୍କ ଝିଅ ତଥା ନେତାଜୀ ସୁଭାଷ ଚନ୍ଦ୍ର୍ର ବୋଷଙ୍କ ଭାଣିଜୀ ଚିତ୍ରା ଘୋଷ । ଶେଷ ସମୟରେ ଚିତ୍ରା ଘୋଷ ପଶ୍ଚିମବଙ୍ଗରେ ରହୁଥିଲାବେଳେ ଗତକାଲି ତାଙ୍କର ନିଧନ ହୋଇଥିଲା ।

Professor Chitra Ghosh made pioneering contributions to academics and community service. I recall my interaction with her, when we discussed many subjects including declassification of files relating to Netaji Bose. Saddened by her demise. Condolences to her family. Om Shanti. pic.twitter.com/2sflRB8mPb

— Narendra Modi (@narendramodi) January 8, 2021

ଚିତ୍ରା ଘୋଷଙ୍କ ନିଧନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକ ପ୍ରକାଶ କରିଛନ୍ତି । ରାଜନୈତିକ ବିଜ୍ଞାନ ଓ ଅର୍ଥନୀତିରେ ସୁଦକ୍ଷ ଚିତ୍ରା ଘୋଷ ପଶ୍ଚିମବଙ୍ଗ ସରକାରଙ୍କ ଶିକ୍ଷା ବିଭାଗରେ କାର୍ଯ୍ୟରତ ଥିଲେ । କୋଲକାତାର ଲେଡି ବ୍ରାବୋର୍ଣ୍ଣ କଲେଜରେ ସେ ରାଜନୈତିକ ବିଜ୍ଞାନ ବିଭାଗର ମୁଖ୍ୟ ଥିଲେ । ତା ଛଡା ଭିଜିଟିଂ ଅଧ୍ୟାପକ ଭାବେ ସେ ଅନେକ କଲେଜରେ ପାଠ ପଢାଇଥିଲେ । ଅଧ୍ୟାପନା ଛଡା ସେ ସାମାଜିକ ଓ ରାଜନୈତିକ ବିଜ୍ଞାନର ପ୍ରଫେସର ଭାବେ ନେତାଜୀ ଇନଷ୍ଟିଟ୍ୟୁଟ୍ ଫର୍ ଏସିୟାନ୍ ଷ୍ଟଡିସରେ ଯୋଗଦେଇଥିଲେ ।