ଭୁବନେଶ୍ବର : ଜେଲରେ ହେଉଛି ଚଢ଼ାଉ । ଜବତ ହେଉଛି ବିପୁଳ ସାମଗ୍ରୀ । ହେଲେ ପୁଣି ଜଏଦୀଙ୍କ ନିକଟରୁ ଜବତ ହେଉଛି ବେଆଇନ ସାମଗ୍ରୀ । ଆଜି ଝାରପଡ଼ା ଜେଲରୁ ମିଳିଛି ଆଉ ଏକ ମୋବାଇଲ । ଜେଲ୍ ଅଧିକ୍ଷକଙ୍କ ନେତୃତ୍ବରେ ହୋଇଥିବା ଚଢ଼ାଉ ବେଳେ ମୋବାଇଲ ଜବତ କରାଯାଇଛି । ମାଟି ତଳେ ପୋତା ହୋଇ ରହିଥିଲା ମୋବାଇଲ । ଏହାକୁ ଜବତ କରିଛି ପୋଲିସ । ଗୁରୁତ୍ବପୂର୍ଣ୍ଣ କଥା, ଗୋଟିଏ ମିନିଟକୁ ଶହେ ଟଙ୍କା ଦାମରେ ବାହାରକୁ ହେଉଥିଲା କଲ୍ । ଚିଟଫଣ୍ଡ ଅଭିଯୁକ୍ତଙ୍କ ସେଲ ନିକଟରୁ ଏହି ମୋବାଇଲ ଜବତ କରାଯାଇଛି । ଜେଲ୍ ଭିତରୁ ମୋବାଇଲ ଫୋନ ମିଳିବା ପରେ ଲକ୍ଷ୍ମୀସାଗର ଥାନାରେ ଏତଲା ଦେଇଛନ୍ତି ଝାରପଡ଼ା ଜେଲ କର୍ତ୍ତୃପକ୍ଷ । ପୂର୍ବରୁ ମଧ୍ୟ ଝାରପଡ଼ା ଜେଲରୁ ମୋବାଇଲ ଫୋନ୍ ଜବତ କରିଥିଲା ପୋଲିସ ।
Comments are closed.