ନୂଆଦିଲ୍ଲୀ: ବିରାଟ କୋହଲିଙ୍କ ନେତୃତ୍ୱରେ ଭାରତ ୱାର୍ଲ୍ଡ ଟେଷ୍ଟ ଚାମ୍ପିୟନଶିପ ଫାଇନାଲ ଓ ଇଂଲଣ୍ଡ ବିପକ୍ଷ ସିିରିଜ ଖେଳିବାକୁ ଯାଉଛି । କୋହଲି ଟେଷ୍ଟ ଚାମ୍ପିୟନଶିପ ଫାଇନାଲ ପାଇଁ ପଡିଆକୁ ଓହ୍ଲାଇବା ମାତ୍ରେ ଭାରତ ପକ୍ଷରୁ ସର୍ବାଧିକ ମ୍ୟାଚରେ ନେତୃତ୍ୱ କରିବା ଗୌରବ ଅର୍ଜନ କରିବେ । ସେ ଏବେ ୬୦ ମ୍ୟାଚରେ ଭାରତର ନେତୃତ୍ୱ ସୁଚାରୁରୂପେ ତୁଲାଇବା ସହ ମହେନ୍ଦ୍ର ସିଂ ଧୋନୀଙ୍କ ସହ ସମକକ୍ଷ ହୋଇପାରିଛନ୍ତି । ଏହା ବ୍ୟତୀତ କୋହଲି ଭାରତର ସବୁଠାରୁ ସଫଳ ଅଧିନାୟକ ମଧ୍ୟ ହେବ । ଧୋନୀଙ୍କ ଅଧିନାୟକତ୍ୱରେ ଭାରତ ୬୦ ମ୍ୟାଚରେ ୨୭ରେ ବିଜୟ ହାସଲ କରିଥିବା ବେଳେ କୋହଲି ସମାନ ସଂଖ୍ୟକ ଟେଷ୍ଟରୁ ୩୬ ବିଜୟ ହାସଲ କରିଛନ୍ତି ।
ସେହିପରି ଏହି ଇଂଲଣ୍ଡ ଗସ୍ତରେ କୋହଲି ଆଉ ଗୋଟିଏ ମ୍ୟାଚରେ ବିଜୟ ହାସଲ କଲେ ୱେଷ୍ଟଇଣ୍ଡିଜର ମହାନ ଖେଳାଳି କ୍ଲାଇଭ ଲୟଡଙ୍କୁ ପଛରେ ପକାଇ ୪ର୍ଥ ସଫଳ ଅଧିନାୟକ ହେବେ । ଲୟଡ ୭୪ ମ୍ୟାଚରେ ଦଳକୁ ୩୬ରେ ବିଜୟୀ କରାଇଛନ୍ତି । ସବୁଠାରୁ ସଫଳ ଅଧିନାୟକ ତାଲିକାରେ ଆଗରେ ରହିଛନ୍ତି ଦକ୍ଷିଣ ଆଫ୍ରିକାର ଗ୍ରେମ ସ୍ମିଥ । ସେ ୧୦୯ ମ୍ୟାଚରୁ ୫୩ରେ ଦଳକୁ ଜିତାଇଛନ୍ତି । ତାଙ୍କ ପଛକୁ ରିକି ପଂଟି ( ୭୭ ମ୍ୟାଚ, ୪୮ ବିଜୟ), ଷ୍ଟିଭ ୱ (୫୭ ମ୍ୟାଚ, ୪୧ ବିଜୟ) ରହିଛନ୍ତି ।
Comments are closed.