ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ଜୋ ବାଇଡେନ ସୋମବାର କରୋନାର ବୁଷ୍ଟର୍ ଡୋଜ ଗ୍ରହଣ କରିଛନ୍ତି।ଆମେରିକାର ଟିକାକରଣ ହାରରେ ଉନ୍ନତି ଆଣିବା ପାଇଁ ସେ ଲୋକଙ୍କୁ ଅଧିକ ଟିକାକରଣ କରିବାକୁ ଅନୁରୋଧ କରିଛନ୍ତି।
ବାଇଡେନ କହିଛନ୍ତି ଯେ ବୁଷ୍ଟର୍ ଡୋଜ୍ ଗୁରୁତ୍ୱପୂର୍ଣ୍ଣ, କିନ୍ତୁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଆମକୁ ଅଧିକ ଲୋକଙ୍କୁ ଟିକାକରଣ କରିବାକୁ ପଡିବ। ବାଇଡେନ୍ ତାଙ୍କ ବୁଷ୍ଟର୍ ଡୋଜ ନେବା ପୂର୍ବରୁ କହିଥିଲେ ଯେ ତାଙ୍କର ପ୍ରଥମ କିମ୍ବା ଦ୍ୱିତୀୟ ଡୋଜ ନେବା ପରେ କୌଣସି ପାର୍ଶ୍ୱ ପ୍ରତିକ୍ରିୟା ନଥିଲା ଏବଂ ତୃତୀୟ ଡୋଜ୍ ନେବା ସମୟରେ ମଧ୍ୟ ସମାନ ଅନୁଭୂତି ଥିଲା।
୭୮ ବର୍ଷୀୟ ବାଇଡେନ, ଡିସେମ୍ବର ୨୧ ରେ କରୋନା ଟିକା ର ପ୍ରଥମ ଡୋଜ ଗ୍ରହଣ କରିଥିଲେ ଏବଂ ତିନି ସପ୍ତାହ ପରେ ଜାନୁଆରୀ ୧୧ରେ ପତ୍ନୀଙ୍କ ସହ ଦ୍ୱିତୀୟ ଡୋଜ ନେଇଥିଲେ।
Comments are closed.