ପ୍ରଥମ ପର୍ଯ୍ୟାୟ ନିର୍ବାଚନ ପରେ ନବୀନ କହିଲେ ୨୦୧୪ ଠାରୁ ଏଥର ଫଳାଫଳ ଭଲ ହେବ

ଭୁବନେଶ୍ୱର: ଓଡ଼ିଶାରେ ୧ମ ପର୍ଯ୍ୟାୟ ନିର୍ବାଚନ ସରିବା ପରେ ବିଜେଡ଼ି ସଭାପତି ତଥା ରାଜ୍ୟର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଣମାଧ୍ୟମକୁ କହିଛନ୍ତି, ଏଥର ନିର୍ବାଚନରେ ଦଳର ଫଳାଫଳ ୨୦୧୪ ଅପେକ୍ଷା ଅଧିକ ଭଲ ହେବ ।

ସାଧାରଣ ନିର୍ବାଚନର ପ୍ରଥମ ପର୍ଯ୍ୟାୟରେ ବହୁଳ ସଂଖ୍ୟାରେ ମତଦାନ କରିଥିବାରୁ ସମସ୍ତଙ୍କୁ ମୋର ଧନ୍ୟବାଦ। ମୁଁ ଦୃଢ ନିଶ୍ଚିତ ଯେ, @bjd_odisha ୨୦୧୪ ନିର୍ବାଚନ ଠାରୁ ୨୦୧୯ ନିର୍ବାଚନରେ ଆହୁରି ଭଲ ପ୍ରଦର୍ଶନ କରିବ। #LokSabhaElections2019 #OdishaElections2019 pic.twitter.com/Rwgo6ESj52

— Naveen Patnaik (@Naveen_Odisha) April 11, 2019

ଗୁରୁବାର ଦିନ ଓଡ଼ିଶାରେ ୪ଟି ଲୋକସଭା ଓ ୨୮ଟି ବିଧାନସଭା ଆସନ ଲାଗି ଭୋଟଗ୍ରହଣ ହୋଇଥିଲା । ସନ୍ଧ୍ୟା ୬ଟା ସୁଦ୍ଧା ରାଜ୍ୟର ଭୋଟହାର ୬୮ % ହୋଇଥିବା ନିର୍ବାଚନ କମିଶନ ସୂଚନା ଦେଇଛନ୍ତି ।

ମତଦାନ ଭଲ ହୋଇଥିବା ଯୋଗୁଁ ନବୀନ ଓଡ଼ିଶାର ଜନସାଧାରଣଙ୍କୁ ଧନ୍ୟବାଦ ଅର୍ପଣ କରିଛନ୍ତି ।