ମୁମ୍ବାଇ: ଏସଏସ ରାଜମୌଲୀଙ୍କ ଆରଆରଆର ଫିଲ୍ମ ଆଜି ରିଲିଜ ହୋଇଛି । ସମୀକ୍ଷକ ଏବଂ ଦର୍ଶକମାନେ ଫିଲ୍ମକୁ ବେଶ ପସନ୍ଦ କରିଛନ୍ତି । ତେବେ ଦୁଃଖର କଥା ଫିଲ୍ମ ରିଲିଜ ହେବାର କିଛି ସମୟ ମଧ୍ୟରେ ଆରଆରଆର ଅନଲାଇନରେ ଲିକ ହୋଇ ଯାଇଥିଲା । ଏହା ଏକ ବଡ ବଜେଟ ଫିଲ୍ମ ହୋଇଥିବାରୁ କଲେକ୍ସନ ଉପରେ ନିଶ୍ଚୟ ପ୍ରଭାବ ପକାଇବ ବୋଲି ଅନୁମାନ କରାଯାଉଛି । ଅବଶ୍ୟ ୩୫୦ କୋଟି ବଜେଟର ଏହି ଫିଲ୍ମ ରିିଲିଜ ପୂର୍ବରୁ ବିଭିନ୍ନ ରାଇଟ୍ସ ବାବଦକୁ ୫୦୦ କୋଟି ଟଙ୍କା ଆୟ କରି ସାରିଛି ।
ବିଭିନ୍ନ ୱେବସାଇଟରେ ପ୍ରକାଶିତ ରିପୋର୍ଟ ଅନୁସାରେ ଫିଲ୍ମିର୍ୟାପ, ତାମିଲ ର୍ୟାକର୍ସ ଓ ମୁଭି ରୁଲଜରେ ଏହି ଫିଲ୍ମ ଲିକ ହୋଇଛି । ଅବଶ୍ୟ ଏ ନେଇ ମେକର୍ସଙ୍କ ପକ୍ଷରୁ ବିଧିବଦ୍ଧ ଭାବେ କୌଣସି ଘୋଷଣା କରାଯାଇ ନାହିଁ । ଆରଆରଆରରେ ରାମଚରଣ, ଜୁନିୟର ଏନଟିଆର, ଅଜୟ ଦେବଗାନଙ୍କ ପରି କଳାକାର ଅଭିନୟ କରୁଛନ୍ତି । ପୂର୍ବରୁ ରାଧେ ଶ୍ୟାମ, ୮୩ ଓ ପୁଷ୍ପା ପରି ଫିଲ୍ମ ଅନଲାଇନରେ ଲିକ ହୋଇ ଯାଇଥିଲା ।
Comments are closed.