ମୁମ୍ବାଇ: ୱିକେଟକିପର ବ୍ୟାଟ୍ସମ୍ୟାନ ରିଦ୍ଧିମାନ ଶାହଙ୍କୁ ଧମକାଇବା ଘଟଣାରେ ବିସିସିଆଇ ପତ୍ରକାର ତଥା ବାୟୋଗ୍ରାଫି ରାଇଟର ବୋରିୟା ମଜମୁଦାରଙ୍କୁ ବାସନ୍ଦ କରିବା ପାଇଁ ଚିନ୍ତା କରୁଛି । ଷ୍ଟାଡିୟମ ପ୍ରବେଶ ଉପରେ ମଧ୍ୟ ତାଙ୍କ ଉପରେ କଟକଣା ଲାଗିପାରେ । ଏଥିନେଇ ସମସ୍ତ ଷ୍ଟେଟ ୟୁନିୟନକୁ ଜଣାଇ ଦିଆଯିବ ବୋଲି ଜଣେ ଅଧିକାରୀ ତାଙ୍କ ନାମ ପ୍ରକାଶ ନ କରି କହିଛନ୍ତି । ଏହା ବ୍ୟତୀତ ବୋର୍ଡ ଆଇସିସି ନିକଟରେ ମଧ୍ୟ ତାଙ୍କୁ ବାସନ୍ଦ କରିବା ପାଇଁ ଅନୁରୋଧ କରିବ ।
ଫେବୃୟାରୀ ୧୯ରେ ଶାହ ଲେଖିଥିଲେ ଆମ ଦେଶର ପତ୍ରକାରିତା କେତେ ତଳକୁ ପଳାଇ ଗଲାଣି । ସେ ଏହାର ଏକ ସ୍କ୍ରିନ ଶଟ ମଧ୍ୟ ଶେୟାର କରିଥିଲେ । ଅପମାନକୁ ମୁଁ ସହଜରେ ଭୁଲେ ନାହିଁ, ତୁମକୁ ଭବିଷ୍ୟତରେ କେବେ ହେଲେ ସାକ୍ଷାତକାର ଦେବି ନାହିଁ ବୋଲି ଶାହା ଲେଖିଥିଲେ । ଏହା ପରେ ଅନ୍ୟ ସିନିୟର କ୍ରିକେଟର ପତ୍ରକାରଙ୍କ ନାମ ଜାଣିବାକୁ ଚାହିଁଥିଲେ ମଧ୍ୟ ସେ କହି ନ ଥିଲେ ।
Comments are closed.