ମୁମ୍ବାଇ: ଇଣ୍ଡିଆନ ପ୍ରିମିୟର ଲିଗ ପରେ ଭାରତୀୟ କ୍ରିକେଟ ଟିମ ନିକଟରେ ବ୍ୟସ୍ତବହୂଳ କାର୍ଯ୍ୟସୂଚୀ ରହିଛି । ଜୁନରେ ଭାରତ ଗସ୍ତରେ ଆସିବ ଦକ୍ଷିଣ ଆଫ୍ରିକା । ଏହା ପରେ ଟିମ ଇଣ୍ଡିଆ ୧ ଜୁଲାଇରୁ ୧୭ ପର୍ଯ୍ୟନ୍ତ ଇଂଲଣ୍ଡ ଯିବ । ଏହା ସମାପ୍ତ ହେଉ ହେଉ ଦଳ ୱେଷ୍ଟଇଣ୍ଡିଜ ଗସ୍ତରେ ଯିବ । ସେଠାରେ ମାତ୍ର ୨୦ ଦିନ ମଧ୍ୟରେ ୩ ଦିନିକିଆ ଓ ୫ ଟି୨୦ ମ୍ୟାଚ ଖେଳାଯିବ । ଅବଶ୍ୟ ଏହି ସିରିଜ ନେଇ ବିଧିବଦ୍ଧ କୌଣସି ଘୋଷଣା କରାଯାଇ ନାହିଁ ।
ଦିନିକିଆ ମ୍ୟାଚ ତ୍ରିନିଦାଦର କୁଇନ୍ସ ପାର୍କ ଓଭାଲରେ ୨୨, ୨୪ ଓ ୨୭ ଜୁଲାଇରେ ଖେଳାଯିବ । ଟି୨୦ ସିରିଜର ପ୍ରଥମ ମ୍ୟାଚ ୨୯ ଜୁଲାଇରେ ବ୍ରାଏନ ଚାର୍ଲ୍ସ ଲାରା ଷ୍ଟାଡିୟମରେ ଖେଳାଯିବ । ଅଗଷ୍ଟ ୧ ଓ ୨ରେ ଦ୍ୱିତୀୟ, ତୃତୀୟ ମ୍ୟାଚ ସେଂଟ କିଟ୍ସ ଓ ୱାର୍ଣ୍ଣର ପାର୍କରେ ଖେଳାଯିବ । ୬ ଓ ୭ ଅଗଷ୍ଟରେ ଫ୍ଲୋରିଡାର ଫୋର୍ଟ ଲୋଡେରଡେଲରେ ବାକି ୨ଟି ମ୍ୟାଚ ଖେଳାଯିବ । ୧୮ ଜୁଲାଇରେ ଭାରତ ଯେତେଦୂର ସମ୍ଭବ ତ୍ରିନିଦାଦ ଗସ୍ତରେ ଯାଇପାରେ ।
Comments are closed.