ତେଲ ଦର କମିବା ପରେ ବସ୍ ଭଡା କମିଲା

ଭୁବନେଶ୍ୱର: କେନ୍ଦ୍ର ସରକାର ତେଲ ଉପରୁ ଉତ୍ପାଦ ଶୁଳ୍କ ହ୍ରାସ କରିବା ପରେ ବିଭିନ୍ନ ସ୍ଥାନରେ ପେଟ୍ରୋଲ ଦର 9 ଟଙ୍କାରୁ ଅଧିକ ଏବଂ ଡିଜେଲ ଦର 7 ଟଙ୍କାରୁ ଅଧିକ ହ୍ରାସ ପାଇଛି। ଏହାପରେ ବିଭିନ୍ନ ଜିନିଷର ଦର ଦାମ କମୁଛି । ଏହି କ୍ରମରେ ରାଜ୍ୟରେ ବସ ଭଡା ମଧ୍ୟ କମିଛି ।

• ସାଧାରଣ ବସ୍ ଭଡା କିଲୋମିଟର ପିଛା 92 ପଇସାରୁ କମି 89 ପଇସାକୁ ହ୍ରାସ ପାଇଛି।
• ଏକ୍ସପ୍ରେସ ବସ୍ ଭଡା କିଲୋମିଟର ପିଛା 96 ପଇସାରୁ କମି 93 ପଇସା ହୋଇଛି ।
• ଡିଲକ୍ସ ବସ ଭଡା କିଲୋମିଟର ପିଛା 1.35 ପଇସାରୁ ହ୍ରାସ ପାଇ 1.29 ପଇସା ହୋଇଛି।
• ଏସି ଡିଲକ୍ସ ଭଡା କିଲୋମିଟର ପିଛା 1.63 ପଇସାରୁ ହ୍ରାସ ପାଇ 1.57 ପଇସା ହୋଇଛି।
• ସୁପର ପ୍ରିମିୟମ୍ ଭଡା କିଲୋମିଟର ପିଛା 2.53 ରୁ 2.44 ଟଙ୍କା ପର୍ଯ୍ୟନ୍ତ ହ୍ରାସ ହୋଇଛି ।

ଉଲ୍ଲେଖଯୋଗ୍ୟ, କଟକ-ଭୁବନେଶ୍ୱର-ଖୋର୍ଦ୍ଧା-ପୁରୀ ଏହି ଚାରି ସ୍ଥାନକୁ ପ୍ରାୟତଃ ପ୍ରତିଦିନ ଯିବା ଆସିବା ପାଇଁ ସାଧାରଣ ଲୋକେ ବସକୁ ବ୍ୟବହାର କରନ୍ତି। ସେହିପରି ଅଫିସ କିମ୍ବା ଅନ୍ୟାନ୍ୟ କାମ ପାଇଁ ବସ ଉପରେ ନିର୍ଭର କରୁଥିବା ଯାତ୍ରୀଙ୍କ ପାଇଁ ଟିକିଏ ଆଶ୍ୱସ୍ତି ଆଣିଦେଇଛି।