ନୂଆଦିଲ୍ଲୀ: ଟିମ ଇଣ୍ଡିଆର ସିନିୟର ୱିକେଟ କିପର ଦୀନେଶ କାର୍ତିକ ଭାରତୀୟ କ୍ରିକେଟ ଦଳର ପୂର୍ବତନ କୋଚ ରବି ଶାସ୍ତ୍ରୀଙ୍କୁ ନେଇ ଚାଂଚଲ୍ୟକର ବୟାନ ଦେଇଛନ୍ତି । କାର୍ତିକ କହିଛନ୍ତି ଶାସ୍ତ୍ରୀ ବିଫଳତାକୁ ସହଜରେ ହଜମ କରିପାରନ୍ତି ନାହିଁ । ଅବଶ୍ୟ ସେ ଖେଳାଳିମାନଙ୍କୁ ଭଲ ଖେଳିବା ପାଇଁ ପ୍ରେରଣା ଯୋଗାଇଥାନ୍ତି, ମାତ୍ର ପ୍ରଦର୍ଶନ ଖରାପ ହେଲେ ସେ ସହ୍ୟ କରିପାରନ୍ତି ନାହିଁ । ଯଦି ଜଣେ ଖେଳାଳି ନେଟ୍ସରେ ଭଲ କରୁଛି ଅଥଚ ମ୍ୟାଚରେ ଫେଲ ମାରୁଛି ତାହାହେଲେ ଶାସ୍ତ୍ରୀ ତାଙ୍କୁ ପସନ୍ଦ କରୁ ନ ଥିଲେ । ଅନ୍ୟ ଅର୍ଥରେ ଜଣେ ଖେଳାଳି ସବୁ ବେଳେ ଭଲ ପ୍ରଦର୍ଶନ କରିବନି କି ସମସ୍ତ ମ୍ୟାଚରେ ଆମେ ଜିତିପାରିବା ନାହିଁ । ଶାସ୍ତ୍ରୀ କେବଳ ଜିତିବାକୁ ଗୁରୁତ୍ୱ ଦେଉଥିଲେ । କାର୍ତିକ ଆହୁରି ମଧ୍ୟ କହିଛନ୍ତି ମୁଁ ବର୍ତମାନ କୋଚ ରାହୁଲ ଦ୍ରାବିଡ ଏବଂ ଅଧିନାୟକ ରୋହିତ ଶର୍ମାଙ୍କ ସହ ଖେଳିବା ନେଇ ମାନସିକ ଶାନ୍ତି ଅନୁଭବ କରୁଛିତ । କାର୍ତିକ କ୍ରିକବଜର ଏକ କାର୍ଯ୍ୟକ୍ରମ ସମର ଷ୍ଟେଲମେଂଟରେ ଏହା କହିଥିଲେ ।
Comments are closed.