Latest Odisha News

BREAKING NEWS

ରାତି ପାହିଲେ U17 ମହିଳା ଫିଫା ବିଶ୍ବକପ: ଭାରତ-ୟୁଏସ ମଧ୍ୟରେ ହେବ ମୁକାବିଲା

ଦେଶ ବିଦେଶଫିଚର
By ଓଡ଼ିଶା ସମ୍ବାଦ ବ୍ୟୁରୋ

ଭୁବନେଶ୍ବର: ରାତି ପାହିଲେ ଆରମ୍ଭ ହେବ ଅଣ୍ଡର -୧୭ ମହିଳା ଫିଫା ବିଶ୍ବକପ । ଖେଳ ଆରମ୍ଭ ହେବା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ପ୍ରଥମ ଥର ପାଇଁ ଓଡ଼ିଶାରେ ଫିଫା ବିଶ୍ବକପ ଭଳି ଏକ ଓ୍ବାଲ୍ଡ କ୍ଲାସ ଇଭେଣ୍ଟ ଆୟୋଜିତ ହେବାକୁ ଯାଉଛି । ଏଥିପାଇଁ ଫୁଟବଲ ପ୍ରେମୀମାନେ ରାଜଧାନୀରେ ଆସି ପହଁଚିଛନ୍ତି । ଭାରତ ମଧ୍ୟ ଆସନ୍ତା କାଲି ମ୍ୟାଚ ପାଇଁ ଅପେକ୍ଷାରେ ରହିଛି ।

ଉଦଘାଟନୀ ମ୍ୟାଚ ସହ ୬ଟି ମ୍ୟାଚ କଳିଙ୍ଗ ଷ୍ଟାଡ଼ିୟମରେ ଖେଳାଯିବା ପାଇଁ କାର୍ଯ୍ୟସୂଚୀ ରହିଛି । କଳିଙ୍ଗ ଷ୍ଟାଡିୟମ୍ ସହ ଏଠାକାର କ୍ରୀଡା ଭିତ୍ତିଭୂମି ମଧ୍ୟ ବିଶ୍ବସ୍ତରୀୟ ହୋଇଛି । ଖେଳାଳିଙ୍କ ପାଇଁ ଅଭ୍ୟାସ ଖେଳ ପଡ଼ିଆ ମଧ୍ୟ ନୂତନ ଭାବେ କରାଯାଇଛି । ରାଜ୍ୟ ସରକାରଙ୍କ କ୍ରୀଡ଼ା ଭିତ୍ତିଭୂମିକୁ ବିଭିନ୍ନ ଦେଶର ଖେଳାଳି ପ୍ରଶଂସା କରିଛନ୍ତି ।

ଟୁର୍ଣ୍ଣାମେଣ୍ଟରେ ଭାରତ ଭଲ ପ୍ରଦର୍ଶନ କରିବ । ପ୍ରଥମ ଥର ପାଇଁ ମହିଳା ଫୁଟବଲ୍ ବିଶ୍ବକପ୍‌ରେ ଭାରତୀୟ ଖେଳାଳିମାନେ ଭାଗ ନେଇଛନ୍ତି । ଆସନ୍ତାକାଲି ପ୍ରଥମ ମ୍ୟାଚ ୪ଟା ୩୦ରେ ମରକ୍କୋ-ବ୍ରାଜିଲ ମଧ୍ୟରେ ଅନୁଷ୍ଠିତ ହେବ । ରାତି ୮ଟାରେ ଭାରତ –ଆମେରିକା ମଧ୍ୟରେ ମୁକାବିଲା ହେବ । ଏହା ସହ ୧୪ ଓ ୧୭ ତାରିଖରେ ମଧ୍ୟ ମ୍ୟାଚ୍ କଳିଙ୍ଗ ଷ୍ଟାଡିୟମ୍‌ରେ ହେବ ।

 

ଭାରତ ଓ ୟୁଏସଏ ମଧ୍ୟରେ ଖେଳାଯିବାକୁ ଥିବା ମ୍ୟାଚ ପାଇଁ ପ୍ରଶଂସକମାନେ ଉତ୍ସାହିତ ଅଛନ୍ତି । ଅନ୍ୟପଟେ ଫିପା ଫୁଟବଲ୍ ବିଶ୍ବକପ ପାଇଁ ଚାରିସ୍ତରୀୟ ସୁରକ୍ଷା ବଳୟରେ ରହିଛି କଳିଙ୍ଗ ଷ୍ଟାଡ଼ିୟମ । ଡିସିପିଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ୬ ଅତିରିକ୍ତ ଡିସିପି, ୧୪ ଏସିପି, ୩୦ ଇନ୍ସପେକ୍ଟର୍, ୧୦୦ ଅଧିକାରୀ, ୨୪୦ କନେଷ୍ଟବଳ ଓ ୧୫ ପ୍ଲାଟୁନ ଫୋର୍ସ ମୁତୟନ ହେବେ ।

ମ୍ୟାଚ ପୂର୍ବରୁ କଳିଙ୍ଗ ଷ୍ଟାଡିୟମ ପାର୍ଶ୍ବରେ ଥିବା ଅଭ୍ୟାସ ଗ୍ରାଉଣ୍ଡରେ ପ୍ରାକ୍ଟିସ କରି ପ୍ରଶଂସା କରିଛନ୍ତି ବିଭିନ୍ନ ଦେଶର କୋଚ୍ ଓ ଖେଳାଳି । କଳିଙ୍ଗ ଷ୍ଟାଡିୟମ୍ ସହ ଏଠାକାର କ୍ରୀଡା ଭିତ୍ତିଭୂମି ବିଶ୍ବସ୍ତରୀୟ ହୋଇଥିବା ସ୍ବୀକାର କରିଛନ୍ତି ।

ଭାରତୀୟ ଟିମ୍ ରାଜ୍ୟ ସରକାରଙ୍କ କ୍ରୀଡ଼ା ଭିତ୍ତିଭୂମି ଓ ବିଶ୍ବକପ୍‌କୁ ପ୍ରଶଂସା କରିଛନ୍ତି । ଟୁର୍ଣ୍ଣାମେଣ୍ଟରେ ଭାରତ ଭଲ ପ୍ରଦର୍ଶନ କରିବ ବୋଲି ଆଶା ରଖିଛି । ପ୍ରଥମ ଥର ପାଇଁ ମହିଳା ଫୁଟବଲ୍ ବିଶ୍ବକପ୍‌ରେ ଭାରତ ଭାଗ ନେଉଥିବାରୁ ଦଳ ଉତ୍ସାହିତ ରହିଛି ।

ଓଡ଼ିଶା ସମ୍ବାଦ ବ୍ୟୁରୋ
You might also like More from author

Comments are closed.