ନୂଆଦିଲ୍ଲୀ : ଆଜିର ଯୁବପିଢ଼ିଙ୍କୁ ଘାରିଛି ସୋଶିଆଲ ମିଡିଆ ନିଶା । ନିଜ ଜୀବନକୁ ଖାତିର ନକରି ବିଭିନ୍ନ ପ୍ରକାର ଷ୍ଟଣ୍ଟ କରି ସୋଶିଆଲ ମିଡିଆରେ ଚର୍ଚ୍ଚାକୁ ଆସିଥାଆନ୍ତି । ଯାହାକୁ ଦେଖିଲେ ଯେ କେହି ବି ଚକିତ ହେବାଟା ସ୍ୱାଭାବିକ । ତେବେ ଏପରି ଏକ ଷ୍ଟଣ୍ଟ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯାହାକୁ ଦେଖିଲେ ଆପଣଙ୍କ ମୁଣ୍ଡ ବୁଲାଇବ।
ଭିଡିଓଟିରେ ଜଣେ ଯୁବତୀ ସୁନ୍ଦର ଚକାଚକ୍ ରାଜପଥରେ ସାଇକେଲ ଚଳାଉଛନ୍ତି। ସେ କେବଳ ସାଇକେଲ ଚଳାଉ ନାହାନ୍ତି, ସ୍କିପିଂ ମଧ୍ୟ କରୁଛନ୍ତି । ମଲ୍ଟି ଟାସ୍କିଂରେ ପାରଦର୍ଶୀ ଥିବା ଏହି ଯୁବତୀ ସମାନ ସମୟରେ ସାଇକେଲିଂ ଏବଂ ସ୍କିପିଂ ଉଭୟ କାମ କରୁଛନ୍ତି । ଏହାସହିତ ‘୨୦୨୩’ ଲେଖାଯାଥିବା ଏକ ଛୋଟ ପ୍ଲାକାର୍ଡ ମଧ୍ୟ ସେ ବେକରେ ଝୁଲାଇଥିବାର ଦେଖିବାକୁ ମିଳୁଛି। ବିପଦପୂର୍ଣ୍ଣ ଷ୍ଟଣ୍ଟରେ ନିଜର ଜଲଓ୍ୱା ଦେଖାଉଥିବା ଯୁବତୀ ହେଉଛନ୍ତି ବୁଶ୍ରା । ଇନଷ୍ଟାଗ୍ରାମ ୟୁଜର୍ସ ମାନେ ଏହି ଷ୍ଟଣ୍ଟଟିକୁ ଖୁବ୍ ପସନ୍ଦ କରିଛନ୍ତି ।
View this post on Instagram
ଅପରପକ୍ଷେ, ୟୁଜର୍ସମାନେ ଯୁବତୀଙ୍କ ସୁରକ୍ଷାକୁ ନେଇ ପ୍ରଶ୍ନ ଉଠାଇଛନ୍ତି । ଏପରି ଷ୍ଟଣ୍ଟ କରିବା ବିପଦପୂର୍ଣ୍ଣ ବୋଲି କହିଛନ୍ତି । ସୂଚନା ଅନୁଯାୟୀ, ଯୁବତୀଙ୍କର ଇନଷ୍ଟାଗ୍ରାମ ପ୍ରୋଫାଇଲରେ ସେ ନିଜକୁ ‘‘ଆତ୍ମ-ଶିକ୍ଷିତ ନୃତ୍ୟ କଳାକାର ” ଭାବେ ପରିଚୟ ଦେଇଛନ୍ତି । ପୂର୍ବରୁ ସେ ସାଇକେଲ ଚଳାଇବା ସମୟରେ ନୃତ୍ୟ କରୁଥିବାର ଅନେକ ଭିଡିଓ ସେୟାର କରି ଖୁବ୍ ପ୍ରଶଂସା ସାଉଟିଛନ୍ତି।
Comments are closed.