ଭୁବନେଶ୍ୱର:ଏକ ମଦ କମ୍ପାନିର ୯୦୦ ପେଟି ମଦ ହରଣଚାଲ କରିନେଲେ। ୭୫୦ ପେଟି ମଦ ବିକି ଅୟସ କରୁଥିଲେ। ଶେଷରେ ପୁଲିସ ହାତରେ ଧରା ପଡ଼ିଗଲେ। ପରିବହନ ଆଳରେ ଲକ୍ଷ ଲକ୍ଷ ଟଙ୍କାର ମଦ ହରଣଚାଲ କରିଥିବା ଜଣେ ହତ୍ୟା ଅପରାଧୀ ସମେତ ୩ ଜଣଙ୍କୁ ଗିରଫ କରିଛି ତମାଣ୍ଡୋ ଥାନା ପୁଲିସ। ସେମାନେ ହେଲେ ଅନୁଗୋଳ ହେମସରପଡ଼ାର ସୋନୁ କୁମାର ଜେନା(୩୩), ଖୋର୍ଦ୍ଧା ବୋଲଗଡ଼ ଥାନା ଛୋଟରାୟପୁର ପାଟଣାର ଭାସ୍କର ଚନ୍ଦ୍ର ସାମନ୍ତରାୟ(୩୧) ଓ ସେହି ଗ୍ରାମର ବିଶ୍ଵଜିତ
ମହାତି(୧୯) ।
ପୁଲିସ ସେମାନଙ୍କ ଠାରୁ ଏକ ଟ୍ରକ୍ସ ସମେତ ୧୫୦ ପେଟି ମଦ ଜବତ କରିଛି। ଏହି ମାମଲାରେ ସଂପୃକ୍ତ ଅନ୍ୟ ୨ ଅପରାଧୀ ଫେରାର ଅଛନ୍ତି। ସେମାନଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ାଉ ଚଳାଇଛି।
ପୁଲିସ ସୂଚନା ଅନୁଯାୟୀ, ତମାଣ୍ଡୋ ଥାନା ଅନ୍ତର୍ଗତ ଭଗବବାନପୁର ଶିଳ୍ପାଞ୍ଚଳରେ ଷ୍ଟାଇଲ ଓରିଏଣ୍ଟାଲ୍ବ ଟଲିଂ ନାମରେ ଏକ ବିଦେଶୀ ମଦ ଉତ୍ପାଦନକାରୀ କମ୍ପାନି ରହିଛି। ଏହା ପରିବହନ ସଂସ୍ଥା ମାଧ୍ୟମରେ ଓଡ଼ିଶାରେ ଥିବା ବିଭିନ୍ନ ସରକାରୀ ଡିପୋଗୁଡ଼ିକୁ
ପରିବହନ କରୁଛି । ଏହି ପରିବହନ କମ୍ପାନି ମଧ୍ୟରୁ ୱେଲକମ ଏଣ୍ଟରପ୍ରାଇଜେସ୍ ଅନ୍ୟତମ। ଗତ ୫ ତାରିଖରେ ଓରିଏଣ୍ଟାଲ ବଟଲିଂ କାରଖାନା ରାଜ୍ୟର ବିଭିନ୍ନ ସ୍ଥାନକୁ ବିଦେଶୀ ମଦ ପରିବହନ ପାଇଁ ୩ଟି ଦଶ ଚକିଆ ଟ୍ରକ୍ ୱେଲକମ୍ ଏଣ୍ଟରପ୍ରାଇଜେସ୍କୁ ଅର୍ଡର କରିଥିଲା। ୱେଲକମ୍ ଏଣ୍ଟରପ୍ରାଇଜେସ୍ର ପବିତ୍ର କୁମାର ସାହାଣୀ ଓ ତାଙ୍କ ସହ କର୍ମୀ ପ୍ରଭାତ ବିକ୍ରିତା ଭାବେ କାମ କରୁ ଥିଲେ । ଗିରଫ ହେଇଥିବା ସୋନୁ ଜଣେ ପେସାଦାର ଅପରାଧୀ ।
BREAKING NEWS
- ଖଲ୍ଲିକୋଟ ପରେ ପୋଲସରାରେ ଗୁଳିକାଣ୍ଡ, ଯୁବକ ଗୁରୁତର
- ଖଲ୍ଲିକୋଟ ହିଂସାକୁ ନେଇ ୧୪୪ ଲାଗୁ, କାର୍ଯ୍ୟରେ ଅବହେଳା ପାଇଁ ୪ ପୋଲିସ କର୍ମଚାରୀଙ୍କୁ ବଦଳି
- ଶଙ୍ଖ ଭବନରେ ବିଧିବଦ୍ଧ ଭାବେ ବିଜେଡିରେ ମିଶିଲେ ରମାରଞ୍ଜନ ବଳିୟାରସିଂହ
- ଖଲ୍ଲିକୋଟ ହିଂସାକାଣ୍ଡ: ପୋଲିସକୁ ବୋତଲ, ପଥର ମାଡ଼ କଲେ ଉତ୍ତ୍ୟକ୍ତ ଲୋକ
- ସମ୍ବିଧାନ ପରିବର୍ତ୍ତନ କରିବା ବ୍ୟକ୍ତି ଆଜି ସମ୍ବିଧାନର ପ୍ରସଙ୍ଗ ଉଠାଉଛନ୍ତି: କଂଗ୍ରେସ ଉପରେ ସୁଦର୍ଶନ ତ୍ରିବେଦୀଙ୍କ ଆକ୍ରମଣ
- ଏପଟେ ଓଡ଼ିଆ ଅସ୍ମିତାର କଥା କହୁଛନ୍ତି, ସେପଟେ ମୁଖ୍ୟମନ୍ତ୍ରୀଙ୍କୁ ଗାଳି ଦେଉଛନ୍ତି ବାହାର ରାଜ୍ୟର ନେତା: ପାଣ୍ଡିଆନ
- କାର୍ଯ୍ୟରତ ଡାକ୍ତରଙ୍କୁ ନିର୍ଦ୍ଧୂମ ଛେଚିଲେ ରୋଗୀଙ୍କ ସମ୍ପର୍କୀୟ
- ‘କେଜ୍ରିୱାଲ ଭ୍ରଷ୍ଟାଚାର ବୋତଲରେ ମହିଳାଙ୍କ ସମ୍ମାନକୁ ବନ୍ଦ କରି ମଦ ପରଷୁଛନ୍ତି’
- ନାମାଙ୍କନ ଭରିଥିବା ହାସ୍ୟ ଅଭିନେତା ଶ୍ୟାମ ରଙ୍ଗୀଲାଙ୍କ ପ୍ରାର୍ଥିପତ୍ର ଖାରଜ
- ‘ଶପଥ ନେଲା ପରେ ପ୍ରତିଶ୍ରୁତି ପୂରଣ କରୁ, ଏହା ମୋଦୀଙ୍କ ଗ୍ୟାରେଣ୍ଟି’