ଭୁବନେଶ୍ୱର: ଭୁବନେଶ୍ୱରର ପ୍ରଦର୍ଶନୀ ପଡ଼ିଆରେ ଚାଲିଥିବା ଡ଼ଟ୍ ଫେଷ୍ଟର ଶୁକ୍ରବାର ଥିଲା ଷଷ୍ଠ ଦିନ । ସନ୍ଧ୍ୟା ୭ଟାରୁ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶକମାନଙ୍କୁ ବାନ୍ଧି ରଖି ପାରିଥିଲା ଭରପୂର ମନୋରଞ୍ଜନ କାର୍ଯ୍ୟକ୍ରମ । ପ୍ରଥମେ ଓଡ଼ିଆ କଣ୍ଠଶିଳ୍ପୀ ଶଶାଙ୍କ ଶେଖର ମଞ୍ଚକୁ ଆସି ଜଗନ୍ନାଥଙ୍କୁ ସ୍ମରଣ କରି ଗୀତ ଗାଇଥିଲେ । ପରେ ମଞ୍ଚକୁ ଓହ୍ଲାଇଥିଲେ ହାସ୍ୟାଭିନେତା ସୁନୀଲ ଗ୍ରୋଭର । ସେ ଡକ୍ଟର ଗୁଲାଟି ଭାବେ ଆସି ଲୋକଙ୍କ ପାଖକୁ ଯାଇ କଥା ହୋଇ ଖୁବ୍ ହସାଇଥିଲେ । ପରେ ଲୋକଙ୍କୁ ଷ୍ଟେଜ ଉପରକୁ ଡ଼ାକି ‘ଆଚ୍ଛା ପତି’ ବାଛିବା ପ୍ରତିଯୋଗିତା କରିଥିଲେ । ଏମିତି କି ମଞ୍ଚରେ ନିଜେ ବାହା ହୋଇଥିଲେ । ଏସବୁ ଦେଖି ଲୋକମାନେ ହସି ହସି ବେଦମ ହୋଇଥିଲେ । ପରେ ଶିଳ୍ପା ରାଓଙ୍କ ସଙ୍ଗୀତ ପରିବେଷଣ ଯୁବବର୍ଗଙ୍କୁ ରୋଚକ ମନୋରଞ୍ଜନ ଭରି ପାରିଥିଲା । ମଂଚରେ ଗାଇବା ସହ ଶିଳ୍ପା ତଳେ ବସିଥିବା ଦର୍ଶକଙ୍କ ପାଖକୁ ଚାଲି ଆସିଥିବା ଦେଖିବାକୁ ମିଳିଥିଲା । ଏହି ଅବସରରେ ଉତ୍ତର ବିଧାୟକ ସୁଶାନ୍ତ ରାଉତ ସମସ୍ତ କଳାକାରଙ୍କୁ ସମ୍ମାନିତ କରିଥିଲେ ।
Comments are closed.