ପାକିସ୍ତାନକୁ ଆଇନା ଦେଖାଇଲେ ଜାଭେଦ ଅଖତର ..ପ୍ରଶଂସାରେ ଶତମୁଖ ହେଲେ କଙ୍ଗନା

ନୂଆଦିଲ୍ଲୀ:କଙ୍ଗନା ରନୌତ ଏବଂ ଜାଭେଦ ଅଖତରଙ୍କ ମଧ୍ୟରେ  ତୁ ତୁ ମେ ମେ ଲାଗିବା କିଛି ନୂଆ କଥା ନୁହେଁ । ବରିଷ୍ଠ ଗୀତିକାର ଜାଭେଦ ଅଭିନେତ୍ରୀ କଙ୍ଗନାଙ୍କ ବିରୋଧରେ ମାନହାନୀ ମକଦ୍ଦମା ବି କରିଥିବା ନଜରକୁ ଆସିଛି । କଙ୍ଗନାଙ୍କ କଥାବାଣ ଜାଭେଦଙ୍କୁ ବି ଛାଡେନି । ଏବେ  ପୁଣି ଥରେ ଦୁଇ ଗୀତିକାର-ଅଭିନେତ୍ରୀ ମୁହାଁମୁହିଁ ହୋଇଛନ୍ତି । କିନ୍ତୁ ଏଥରକ ମୁହାଁମୁହିଁ ହେବା ସମସ୍ତଙ୍କୁ ଚକିତ କରିଛି । କାରଣ ଏଥର କଙ୍ଗନା ଜାଭେଦଙ୍କୁ ପ୍ରଶଂସା କରିଛନ୍ତି । କଙ୍ଗନା ଜାଭେଦଙ୍କୁ ଲକ୍ଷ୍ୟ କରି କହିଛନ୍ତି, ମା’ ସରସ୍ୱତୀ ଏବେ ତାଙ୍କୁ ଖୁବ କୃପା କରିଛନ୍ତି । ଏପରି ପ୍ରଶଂସା କଙ୍ଗନା ପୁଣି ସୋସିଆଲ ମିଡିଆରେ କରିଛନ୍ତି ।

ତେବେ ଜାଭେଦଙ୍କୁ କାହିଁକି ପ୍ରଶଂସା କଲେ କଙ୍ଗନା । କ’ଣ ଏମିତି ଜାଭେଦ କଲେ ଯାହା କଙ୍ଗନାଙ୍କ ମନକୁ ଛୁଇଁଗଲା ?

କଥା ହେଲା ଜାଭେଦ ନିକଟରେ ଏକ ଭିଡିଓ ସାମ୍ନାକୁ ଆସିଛି । ଏହି ଭିଡିଓକୁ ଟ୍ୱିଟରରେ ତାଙ୍କ ଫ୍ୟାନ୍ସମାନେ ସେୟାର କରିଛନ୍ତି । ଜାଭେଦଙ୍କର ଏହି ଭିଡିଓଟି ପାକିସ୍ତାନର । ଏଥିରେ ଜାଭେଦ ପାକିସ୍ତାନକୁ କଟୁ ଭାଷାରେ ସମାଲୋଚନା କରିଥିବା ଶୁଣିବାକୁ ମିଳିଛି । ଏହି ଭିଡିଓଟିକୁ ରିଟୁଇଟ କରି କଙ୍ଗନା ଜାଭେଦଙ୍କର ଖୁବ ପ୍ରଶଂସା କରିଛନ୍ତି ।

ସେ ତାଙ୍କ ଟୁଇଟରେ ଜାଭେଦଙ୍କ ପାଇଁ ଲେଖିଛନ୍ତି, ମା’ ସରସ୍ୱତୀ ପ୍ରକୃତରେ ତାଙ୍କ ଉପରେ କୃପା କରିଛନ୍ତି ।’ କଙ୍ଗନା ତାଙ୍କର ଏହି ଟୁଇଟକୁ ଜାଭେଦ ଅଖତରଙ୍କୁ ଟ୍ୟାଗ କରି ଲେଖିଛନ୍ତି, ‘ଘର ମେ ଘୁସ କର ମାରା..’ । କଙ୍ଗନା ଜାଭେଦଙ୍କୁ ଏପରି ପ୍ରଶଂସା କରିବା ଦେଖି ତାଙ୍କର ଫ୍ୟାନ୍ସମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ତାଙ୍କର ଫ୍ୟାନ୍ସ ଏବଂ ସୋସିଆଲ ମିଡିଆ ୟୁଜର ତାଙ୍କର ପ୍ରଶଂସା କରିଛନ୍ତି ।

ଏଠି କହିରଖିବୁ, ୨୦୨୧ରେ ଜାଭେଦ ଅଖତର କଙ୍ଗନାଙ୍କର ଏକ ବୟାନକୁ ମିଛ ବୋଲି କହି ତାଙ୍କ ବିରୋଧରେ ମାନହାନି ମକଦ୍ଦମା ଦାଏର କରିଥିଲେ । ଏହା ପରେ ଅଭିନେତ୍ରୀଙ୍କୁ କୋର୍ଟକୁ ଦୌଡିବାକୁ ପଡିଥିଲା ।

Jab main Javed saab ki poetry sunti hoon toh lagta tha yeh kaise Maa Swarsati ji ki in pe itni kripa hai, lekin dekho kuch toh sachchai hoti hai insaan mein tabhi toh khudai hoti hai unke saath mein … Jai Hind @Javedakhtarjadu saab… 🇮🇳
Ghar mein ghuss ke maara .. ha ha 🇮🇳🇮🇳 https://t.co/1di4xtt6QF

— Kangana Ranaut (@KanganaTeam) February 21, 2023