ଭୁବନେଶ୍ୱର: ଡାକ୍ତରମାନଙ୍କୁ ଦିଆଯାଉଥିବା ଷ୍ଟଡି ଲିଭ (ପାଠ ପଢ଼ିବାକୁ ଛୁଟି) ନିୟମରେ ସଂଶୋଧନ କରାଯାଇଛି। ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ପ୍ରଶାସନିକ ନିୟନ୍ତ୍ରଣରେ ଥିବା ଡାକ୍ତରମାନେ ପିଜି ଓ ପିଜି ପରେ ଉଚ୍ଚଶିକ୍ଷା ପାଇଁ ସର୍ଭିସ କ୍ୟାରିୟର ବା ଚାକିରି କାଳରେ ଯଦି ଛୁଟି ନେବା ନିୟମରେ ସଂଶୋଧନ କରିଛନ୍ତି ରାଜ୍ୟ ସରକାରଙ୍କ ସ୍ବାସ୍ଥ୍ୟ ବିଭାଗ। ଜଣେ ଡାକ୍ତର ସର୍ବାଧିକ ୬ ବର୍ଷ ଯାଏ ଜଣେ ଷ୍ଟଡି ଲିଭ୍ ନେଇପାରିବ ବୋଲି ସଂଶୋଧନ କରାଯାଇଛି। ଏ ନେଇ ଏକ ବିଜ୍ଞପ୍ତି ପ୍ରକାଶ ପାଇଛି।
ପୂର୍ବରୁ, ଏହି ନିୟମ ଅନୁସାରେ ଚାକିରି କ୍ୟାରିୟରରେ ସର୍ବାଧିକ ତିନି ବର୍ଷ ପାଇଁ ଅନୁମତି ମିଳୁଥିଲା। ଚିକିତ୍ସା ପ୍ରମାଣପତ୍ର କିମ୍ବା ଅତିରିକ୍ତ ସାଧାରଣ ଛୁଟି ବ୍ୟତୀତ ଅନ୍ୟାନ୍ୟ ପ୍ରକାରର ଛୁଟି ସହିତ ମିଳିତ ଭାବେ ଷ୍ଟଡି ଲିଭର ମୋଟ ଅବଧିକୁ ଏକ ସର୍ତ୍ତ ଆକାରରେ ଦିଯାଉଥିଲା। ଯେଉଁଥିରେ ୩୬ ମାସରୁ ଅଧିକ ସମୟ ଡ୍ୟୁଟିରେ ଅନୁପସ୍ଥିତ ରହିବା ଅନ୍ତର୍ଭୁକ୍ତ ନୁହେଁ ବୋଲି ସର୍ତ୍ତ ଥିଲା।
ଏବେ ସରକାର ନିଷ୍ପତ୍ତି ନେଇଛନ୍ତି ଯେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ପ୍ରଶାସନିକ ନିୟନ୍ତ୍ରଣରେ କାର୍ଯ୍ୟରତ ଥିବା ଡାକ୍ତରମାନଙ୍କୁ ପିଜି ଏବଂ ପିଜି ପରେ ଉଚ୍ଚଶିକ୍ଷା ପାଇଁ ଚାକିରି କ୍ୟାରିୟରରେ ସର୍ବାଧିକ ଛଅ ବର୍ଷ ଯାଏ ଷ୍ଟଡି ଲିଭ୍ ମଞ୍ଜୁର କରାଯାଇପାରେ।
ଚିକିତ୍ସା ପ୍ରମାଣପତ୍ର ବା ଅସାଧାରଣ ଛୁଟି ବ୍ୟତୀତ ଅନ୍ୟାନ୍ୟ ପ୍ରକାରର ଛୁଟିକୁ ମିଶାଇ ମିଳିତ ଭାବେ ଷ୍ଟଡି ଲିଭର ମୋଟ ଅବଧିକୁ ଏହି ସର୍ତ୍ତରେ ବାଧ୍ୟତାମୂଳକ କରାଯାଇଛି। ଏଥିରେ ୭୨ ମାସରୁ ଅଧିକ ସମୟ ଡ୍ୟୁଟିରୁ ଅନୁପସ୍ଥିତ ରହିବା ଅନ୍ତର୍ଭୁକ୍ତ ନୁହେଁ। ଏନେଇ ସରକାରଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।
ଓଡ଼ିଶା ସର୍ଭିସ କୋଡର ରୁଲ୍ ୧୮୦ ଓ ପ୍ରଚଳିତ ନିୟମାବଳୀ ଅନୁଯାୟୀ ଯେଉଁ ଡାକ୍ତରମାନେ ୫ ବର୍ଷ ଚାକିରି ନକରି ଉଚ୍ଚ ଶିକ୍ଷା ପାଇଁ ଯାଉଛନ୍ତି, ସେମାନଙ୍କ ପାଠପଢ଼ା ଅବଧିକୁ ଘରୋଇ କ୍ଷେତ୍ରରେ ଏକ୍ସଟ୍ରା ଅର୍ଡିନାରୀ ଲିଭ୍ (ଇଓଏଲ) ଭାବେ ମଞ୍ଜୁର କରାଯାଇଥିଲା। ଏହି ଅବଧିକୁ ଡାଇନାମିକ ଆସ୍ୟୁରଡ କ୍ୟାରିୟର ପ୍ରୋଗ୍ରେସନ (ଡିଏସପି) ଯୋଜନାରେ ଲାଭ ପ୍ରଦାନ ପାଇଁ ସେବା ଅବଧି ଭାବେ ଗଣତି କରାଯାଇନଥିଲା।
ଡାଇନାମିକ ଆସ୍ୟୁରଡ କ୍ୟାରିୟର ପ୍ରୋଗ୍ରେସନ (ଡିଏସିପି) ଯୋଜନା ଅଧୀନରେ ମେଡିକାଲ ଅଫିସରମାନଙ୍କୁ ଭବିଷ୍ୟତ ପାଇଁ ଡିଏସପିପି ପାଇଁ ଅନୁମତି ଦେବା ଉଦ୍ଦେଶ୍ୟରେ ଘରୋଇ କ୍ଷେତ୍ରରେ ଇଓଏଲ ଭାବରେ ଅନୁମୋଦିତ ଉଚ୍ଚ ଅଧ୍ୟୟନର ଏହି ଅବଧିକୁ ସେବା ଅବଧି ଭାବରେ ଗଣନା କରିବାକୁ ସରକାର ନିଷ୍ପତ୍ତି ନେଇଛନ୍ତି। ଯାହା ବିଜ୍ଞପ୍ତିରେ ଉଲ୍ଲେଖ କରାଯାଇଛି।