ଚଣ୍ଡୀଗଡ:ବିଳମ୍ବିତ ରାତିରେ ଭୟଙ୍କର ଦୁର୍ଘଟଣା । ଶ୍ରଦ୍ଧାଳୁଙ୍କୁ ଦଳିଦେଲା ଟ୍ରକ । ଚାଲିଗଲା ୮ ଜୀବନ । ଅନେକ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଏପରି ମର୍ମନ୍ତୁଦ ଦୁର୍ଘଟଣା ଘଟିଛି ପଞ୍ଜାବର ଗଢଶଙ୍କରଠାରେ । ସବୁଠୁ ହୃଦୟ ବିଦାରକ କଥା ହେଉଛି ସମସ୍ତ ମୃତକ ଗୋଟିଏ ପରିବାରର ।
ମିଳିଥିବା ସୂଚନା ଅନୁଯାୟୀ, ବୁଧବାର ବିଳମ୍ବିତ ରାତିରେ ୫୦ ଜଣ ଶ୍ରଦ୍ଧାଳୁ ବୈଶାଖି ମେଳାରେ ଯୋଗ ଦେବା ପାଇଁ ଚାଲି ଚାଲି ଯାଉଥିଲେ । ଏହି ସମୟରେ ଦ୍ରୁତ ଗତିରେ ଆସୁଥିବା ଏକ ଟ୍ରକ ସେମାନଙ୍କ ଉପରେ ଚଢିଗଲା । ଘଟଣାସ୍ଥଳରେ ୫ ଜଣଙ୍କର ମୃତ୍ୟୁ ଘଟିଥିବାବେଳେ ଡାକ୍ତରଖାନାରେ ଆଉ ୩ ଜଣ ପ୍ରାଣ ହରାଇଛନ୍ତି ।
ମୃତ ପରିବାର ଉତ୍ତର ପ୍ରଦେଶର ମୁଜଫରନଗରର ବୋଲି ଜଣାଯାଇଛି । ଦୁର୍ଘଟଣା ଘଟାଇବା ପରେ ଟ୍ରକ ଚାଳକ ଫେରାର ହୋଇ ଯାଇଛନ୍ତି ।
ବୁଧବାର ଦିନ ଏହି ଇଲାକାରେ ଆଉ ଏକ ଦୁର୍ଘଟଣା ମଧ୍ୟ ଘଟିଥିଲା ଯେଉଁଥିରେ ୩ ଜଣଙ୍କର ମୃତ୍ୟୁ ଘଟିଥିଲା । ୧୦ ଜଣ ଆହତ ହୋଇଥିଲେ । ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଏହି ରାସ୍ତା ଏକ ଜନଗହଳିପୂର୍ଣ୍ଣ ରାସ୍ତା । ହେଲେ ଏହାର ଅବସ୍ଥା ଏତେ ଖରାପ ଯେ ଯାତାୟାତ ବିପଦସଙ୍କୁଳ ହୋଇପଡିଛି । ଏ ନେଇ ଅଞ୍ଚଳବାସୀ ବାରମ୍ବାର ଅଭିଯୋଗ କଲେ ବି କିଛି ସୁଫଳ ମିଳୁନି । ଏହି ଦୁର୍ଘଟଣା ମଧ୍ୟ ଖରାପ ରାସ୍ତା ଯୋଗୁ ହୋଇଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।
Comments are closed.