ବାହାନଗା: ବାଲେଶ୍ୱର ରେଳବାଇ ପୋଲିସ ଷ୍ଟେସନରେ ଗତ ସପ୍ତାହରେ ଘଟିଥିବା ବାହାନଗା ରେଳ ଦୁର୍ଘଟଣାକୁ ନେଇ ଏକ ଏଫ୍ଆଇଆର୍ ରୁଜୁ କରାଯାଇଛି। ଏହି ମାମଲା ଭାରତୀୟ ପିଙ୍ଗଳ କୋଡ୍ ଏବଂ ରେଳ ଆଇନର ବିଭିନ୍ନ ଧାରାରେ ଦାୟର କରାଯାଇଛି। ଯେଉଁଥିରେ ଅବହେଳା, ସୁରକ୍ଷାକୁ ବିପଦରେ ପକାଇବା ଏବଂ ମୃତ୍ୟୁ ଘଟାଇବା ଆଦି ଅଭିଯୋଗ ରହିଛି।
ଜିଆରପି ଏସ ଆଇ ପପୁ ନାୟକ ଏହି ଏଫଆଇଆର ଦେଇଛନ୍ତି।କେସ ନଂ ୦୦୬୪/୦୩.୦୬.୨୩ରେ ୩୩୭,୩୩୮,୩୦୪କ,୩୪,୧୫୩,୧୫୪,୧୭୫ଆଇପିସି ଦଫାରେ ମାମଲା ରୁଜୁ ହୋଇଛି।
ଏହି ରେଳ ଦୁର୍ଘଟଣାରେ ସିବିଆଇ ତଦନ୍ତ ପାଇଁ ରେଳ ମନ୍ତ୍ରାଳୟ ଅନୁରୋଧ କରିଛି। ଡ୍ରାଇଭରଙ୍କ ତ୍ରୁଟି କିମ୍ବା ସିଷ୍ଟମରେ ତ୍ରୁଟିର ସମ୍ଭାବନାକୁ ରେଳବାଇ ଖାରଜ କରିଦେବା ଫଳରେ ଇଲୋକ୍ଟ୍ରୋନିକ ଇଣ୍ଟରଲକିଂ ସିଷ୍ଟମରେ ଅନ୍ତର୍ଘାତୀ ଓ ଟ୍ୟାମ୍ପରିଂର ସନ୍ଦେହ ସୃଷ୍ଟି ହୋଇଛି।
ଇତିମଧ୍ୟରେ ଏଯାବତ 275 ହୋଇଛି ମୃତ୍ୟୁ ସଂଖ୍ୟା। କରମଣ୍ଡଳ ଏକ୍ସପ୍ରେସ ଏକ ମାଲବାହୀ ଟ୍ରେନ ସହ ଧକ୍କା ହେବା ଫଳରେ ଅନେକ ବଗି ଲାଇନଚ୍ୟୁତ ହୋଇ ଅନ୍ୟ ଏକ ଟ୍ରାକରେ ଛିଟକି ହୋଇ ପଡ଼ିଥିଲା। ଫଳରେ ବେଙ୍ଗାଲୁରୁ-ହାଓ୍ୱଡା ଏକ୍ସପ୍ରେସର କିଛି ବଗି ଲାଇନଚ୍ୟୁତ ହୋଇ ଦୁର୍ଘଟଣାର ଶିକାର ହୋଇଛି।
ଉଲ୍ଲେଖଯୋଗ୍ୟ, ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ, ଦୁର୍ଘଟଣାର ମୂଳ କାରଣ ଏବଂ ଅପରାଧ ପାଇଁ ଦାୟୀ ଲୋକଙ୍କୁ ଚିହ୍ନଟ କରାଯାଇଛି। ପଏଣ୍ଟ ମେସିନରେ କାହିଁକି ଓ କିଭଳି ପରିବର୍ତ୍ତନ କରାଗଲା ସେନେଇ ଆଲୋକପାତ କରିବା ପାଇଁ ଏବେ ବିସ୍ତୃତ ତଦନ୍ତ ରିପୋର୍ଟ ପାଇବା ଉପରେ ଗୁରୁତ୍ୱାରୋପ କରାଯାଇଛି। ତେଣୁ ଦେଶର ପ୍ରମୁଖ ତଦନ୍ତକାରୀ ସଂସ୍ଥା ସିବିଆଇକୁ ଏଥିରେ ସାମିଲ କରିବାକୁ ନିଷ୍ପତ୍ତି ନିଆଯାଇଛି। ଆଉ ତଦନ୍ତ କରିବାକୁ ରେଲଓ୍ବେ ବୋର୍ଡ ସୁପାରିଶ କରିଛି।
Comments are closed.