ନୂଆପଡ଼ା: ଖଡିଆଳରେ ପ୍ରଧାନମନ୍ତ୍ରୀ ଆବାସ ଯୋଜନା ସେକ୍ସନର ଯନ୍ତ୍ରୀ ଲାଞ୍ଚ ନେଉଥିବା ବେଳେ ଧରାପଡ଼ିଛନ୍ତି। ଜଣେ ଆବାସ ହିତାଧିକାରୀଙ୍କଠାରୁ ୧୦ ହଜାର ଟଙ୍କା ନେବା ସମୟରେ ଅଭିଯୁକ୍ତ ଦେବ ଚନ୍ଦନ ରାଉତ ଭିଜିଲାନ୍ସ ହାତରେ ଧରାପଡ଼ିଛନ୍ତି।
ଆବାସ ଯୋଜନାର ସେକ୍ସନରେ କନିଷ୍ଠ ଯନ୍ତ୍ରୀ ପଦବୀରେ ଥିବା ଦେବ ଚନ୍ଦନ ରାଉତ ହିତାଧିକାରୀଙ୍କ ଠାରୁ ଲାଞ୍ଚ ଟଙ୍କା ଆଦାୟ ଉଦ୍ୟମ କରିବା ପରେ ତାଙ୍କୁ ହେପାଜତକୁ ନିଆଯାଇଛି। ଏହି ଲାଞ୍ଚର ଉଦ୍ଦେଶ୍ୟ ଥିଲା ପୂର୍ଣ୍ଣାଙ୍ଗ ପ୍ରମାଣପତ୍ର ଦାଖଲକୁ ତ୍ୱରାନ୍ୱିତ କରିବା ଏବଂ ହିତାଧିକାରୀଙ୍କ ପାଇଁ ପିଏମଏଓ୍ୱାଇ-ସହରାଞ୍ଚଳ ଯୋଜନା ଅଧୀନରେ ଚୂଡ଼ାନ୍ତ ବିଲ୍ ପ୍ରଦାନକୁ ସହଜ କରିବା।
ଦେବ ଚନ୍ଦନ ରାଉତଙ୍କ ନିକଟରୁ ସମସ୍ତ ଲାଞ୍ଚ ଟଙ୍କା ଜବତ କରାଯିବା ସହ ସମସ୍ତ ପ୍ରମାଣ ଜବତ ହୋଇଛି। ଏବେ ନୂଆପଡ଼ା ଜିଲ୍ଲାରେ ଦୁଇଟି ସ୍ଥାନରେ ଭିଜିଲାନ୍ସ ଏକକାଳୀନ ଚଢ଼ଉ କରିଛି।
ପୂର୍ବାହ୍ନରେ ଏକ ପୃଥକ ଘଟଣାରେ ଓଡ଼ିଶା ଭିଜିଲାନ୍ସ ବିଭାଗ ଭବାନୀପାଟଣା କେନ୍ଦ୍ରୀୟ ସମବାୟ ବ୍ୟାଙ୍କର ବ୍ୟାଙ୍କିଂ ସହାୟକ ପ୍ରଦୀପ କୁମାର ଚନ୍ଦ୍ରାକରଙ୍କ ବିରୋଧରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗର ତଦନ୍ତ ଆରମ୍ଭ କରିଛି।
Comments are closed.