ନ୍ୟୁୟର୍କ: ବିଶ୍ୱରେ ଅନେକ ନଦୀ ଅଛି ଯାହା ଏତେ ବଡ଼ ଯେ ସେମାନଙ୍କର ଉତ୍ପତ୍ତିରୁ ଶେଷ ପର୍ଯ୍ୟନ୍ତ ପହଞ୍ଚିବାକୁ ଆପଣଙ୍କୁ ଅନେକ ଦିନ ଲାଗିବ । ଗଙ୍ଗା, ଯମୁନା, ବ୍ରହ୍ମପୁତ୍ର, ନର୍ମଦା, ଗୋଦାବରୀ ଭଳି ପ୍ରମୁଖ ନଦୀଗୁଡ଼ିକ ଭାରତର ଗର୍ବ । କିନ୍ତୁ ଏହି ନଦୀଗୁଡ଼ିକ ମଧ୍ୟରୁ କୌଣସିଟି ବିଶ୍ୱର ବୃହତ୍ତମ କିମ୍ବା ଛୋଟ ନଦୀ ନୁହେଁ । ବୃହତ୍ତମ ନଦୀ ରହିଛି ଆଫ୍ରିକାରେ ଥିବା ନୀଳ ନଦୀ । ଆପଣ ଏହା ବିଷୟରେ ନିଶ୍ଚୟ ଶୁଣିଥିବେ । କିନ୍ତୁ ଆପଣ କେବେ ଦୁନିଆର ସବୁଠାରୁ ଛୋଟ ନଦୀ ବିଷୟରେ ଶୁଣିଛନ୍ତି କି? ଜାଣନ୍ତୁ ଏହି ନଦୀ ବିଷୟରେ ।
ଆମେରିକାର ମୋଣ୍ଟାନା ରେ ବିଶ୍ୱର ସବୁଠାରୁ ଛୋଟ ନଦୀ ପ୍ରବାହିତ ହେଉଛି । ମିସୁରୀ ନଦୀ ମଧ୍ୟ ଏଠାରେ ପ୍ରବାହିତ ହୁଏ, ଯାହା ଆମେରିକାର ଦୀର୍ଘତମ ନଦୀ ଭାବରେ ପରିଗଣିତ ହୁଏ । ଏହି ନଦୀର ଅତି ନିକଟରେ ରହିଛି ଦୁନିଆର ସବୁଠୁ ଛୋଟ ନଦୀ । ଏହି ନଦୀର ନାମ ହେଉଛି ରୋ ନଦୀ । ୧୯୮୦ ଦଶକରେ ଲିଙ୍କନ୍ ସ୍କୁଲ୍ ପ୍ରାଥମିକ ଶିକ୍ଷକ ସୁଜାନ୍ ନାର୍ଡିଙ୍ଗର୍ ଏବଂ ତାଙ୍କର ପଞ୍ଚମ ଶ୍ରେଣୀର ଛାତ୍ରମାନେ ରୋ ନଦୀକୁ ଗିନିଜ୍ ୱାର୍ଲ୍ଡ ରେକର୍ଡ ଦ୍ୱାରା ବିଶ୍ୱର ସବୁଠାରୁ ଛୋଟ ନଦୀ ଭାବରେ ସ୍ୱୀକୃତି ଦେବା ପାଇଁ ଏକ ଅଭିଯାନ ଆରମ୍ଭ କରିଥିଲେ ।୧୯୮୯ ରୁ ୨୦୦୦ ପର୍ଯ୍ୟନ୍ତ ଏହି ନଦୀ ଏହି ମାନ୍ୟତା ପାଇଲା ।
ପୂର୍ବରୁ ଓରେଗନେରେ ଥିବା ଡି ନଦୀକୁ ସବୁଠୁ ଛୋଟ ନଦୀର ମାନ୍ୟତା ପାଉ ଆସୁଥିଲା । ଡି ନଦୀର ଲମ୍ବ ମାତ୍ର ୪୪୦ ଫୁଟ ଥିଲା । ଏବେ ରୋ ନଦୀ ସବୁଠାରୁ ଛୋଟ ନଦୀ ଭାବେ ବିବେଚିତ ହୋଇଛି । ରୋ ନଦୀର ଲମ୍ବ ମାତ୍ର ୨୦୧ ଫୁଟ ଅର୍ଥାତ୍ ୬୧ ମିଟର । ଏହି ନଦୀକୁ ମାତ୍ର କିଛି ମିନିଟ୍ ଭିତରେ ଅତିକ୍ରମ କରିପାରିବେ ।
Comments are closed.