ପଟାଙ୍ଗୀ: ଗତକାଲି ସକାଳୁ ଖବର ଆସିଥିବା ଗଞ୍ଜାମ ଦିଗପହଣ୍ଡି ସଡ଼କ ଦୁର୍ଘଟଣାର ଦୁଃଖ ମନରୁ ଲିଭି ନଥିବା ବେଳେ ଆଜି ସକାଳୁ କୋରାପୁଟ ଜିଲ୍ଲା ପଟାଙ୍ଗୀ ନିକଟରେ ପୁଣି ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏକ କାର୍ ସହ ଟ୍ୟାଙ୍କରର ମୁହାଁମୁହିଁ ଧକ୍କା ହେବାରୁ ଘଟଣାସ୍ଥଳରେ ଗୋଟିଏ ପରିବାର ୩ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ତେବେ ଏଯାଏ ମୃତକଙ୍କର ପରିଚୟ ମିଳି ପାରିନାହିଁ।
ଦୁର୍ଘଟଣା ସମ୍ପର୍କରେ ମିଳିଥିବା ସୂଚନା ଅନୁସାରେ, ଆଜି ସକାଳ ପ୍ରାୟ ୬ଟା ବେଳେ ଏହି ଦୁର୍ଘଟଣା ଘଟିଛି। ଜୟପୁରରୁ ଏକ କାର( ଗାଡ଼ି ନମ୍ବର- ଓଡି୧୦ପି ୫୯୧୨) ଯୋଗେ ଗୋଟିଏ ପରିବାରର ବାପାମା ଓ ଛୁଆ ତିନିଜଣ ବିଶାଖାପାଟଣା ଯାଉଥିଲେ। ବିପରତି ପଟରୁ ଏକ ଟ୍ୟାଙ୍କର ବିଶାଖାପାଟଣାରୁ ଦାମନଯୋଡ଼ି ଅଭିମୁଖେ ଆସୁଥିଲା। ଜାତୀୟ ରାଜପଥ-୨୬ର ପୁଙ୍ଗାର ଗାଁ ନିକଟରେ ଏହି ଦୁଇ ଗାଡ଼ି ପରସ୍ପର ମୁହାଁମୁହିଁ ଧକ୍କା ହୋଇଥିଲେ।
ଏହି ଭୟଙ୍କର ଧକ୍କାରେ ଘଟଣାସ୍ଥଳରେ ହିଁ ପରିବାରର ୩ ସଦସ୍ୟଙ୍କର ଅକାଳ ବିୟୋଗ ହୋଇଛି। ଖବର ପାଇ ପଟାଙ୍ଗୀ ଥାନା ପୁଲିସ୍ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ଶବବ୍ୟବଚ୍ଛେଦ ଲାଗି ଡାକ୍ତରଖାନା ପଠାଇଛି। ଦୁର୍ଘଟଣା କେମିତି ଘଟିଲା ସେ ନେଇ ପୁଲିସ ଘଟଣାର ତଦନ୍ତ ଆରମ୍ଭ କରିଛି। ମୃତଦେହ ଚିହ୍ନଟ ନେଇ ମଧ୍ୟ ପ୍ରକ୍ରିୟା ଆରମ୍ଭ କରିଦେଇଛି ପୁଲିସ।
Comments are closed.