ଯେତେବେଳେ ଜଣେ ବ୍ୟକ୍ତିଙ୍କର କୌଣସି ଆବଶ୍ୟକତା ଥାଏ, ସେତେବେଳେ ସେ ନୂତନ ଚିନ୍ତାଧାରା ଆପଣାନ୍ତି । ତା ଉପରେ ନିର୍ଭର କରି ତାଙ୍କର ଆବଶ୍ୟକତା ପୂରଣ କରନ୍ତି । ଏବେ ସୋସିଆଲ ମିଡ଼ିଆରେ ଏମିତି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ସମାନ ଦୃଶ୍ୟ ଦେଖିବାକୁ ମିଳୁଛି । ଜଣେ ଚାଷୀ ତାଙ୍କ ଲୁନାରେ ଅମଳ କରିଥିବା ଫସଲ ବିପଜ୍ଜନକ ଭାବେ ନେଉଥିବା ନଜର ଆସିଛନ୍ତି ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଜଣେ ଚାଷୀ ଏକ ଲୁଙ୍ଗି ପିନ୍ଧି ଦୁଇ ଚକିଆ ଲୁନାରେ ଯାଉଛନ୍ତି । ଆଉ ଲୁନାରେ ଏତେ ଫସଲ ଲଦିଛନ୍ତି ଯେ, ନିଜେ ବସିବାକୁ ବି ଟିକେ ଜାଗା ନାହିଁ । ସେ ଯେଉଁଭଳି ଭାବରେ ପଛ ସିଟ୍ରେ ଗୋଡ଼ ଦୁଇଟି ରଖି ବସି ଗାଡ଼ି ଚଲାଉଛନ୍ତି, ଯଦି ତାଙ୍କର ସନ୍ତୁଳନ ଟିକିଏ ହରାଇବେ, ତେବେ ସେ ଦୁର୍ଘଟଣାର ଶୀକାର ହେବାର ସମ୍ଭାବନା ରହିଛି । ଏତେ ଫସଲ ତାଙ୍କ ଗାଡ଼ିରେ ଲଦିଥିବା ସତ୍ତ୍ୱେ ସେ ବାଇକ୍ ହ୍ୟାଣ୍ଡେଲକୁ ଧରି ଚମତ୍କାର ଉପାୟରେ ଚଳାଉଛନ୍ତି ଏବଂ ଫସଲକୁ ମଧ୍ୟ ସୁରକ୍ଷିତ ରଖିଛନ୍ତି ।
ଏହି ଭିଡ଼ିଓ ଦେଖିବା ପରେ ଅନେକ ଭିନ୍ନ ଭିନ୍ନ ମତ ଦେଇଛନ୍ତି । ଜଣେ କହିଛନ୍ତି ଯେ, ଦାରିଦ୍ର ଏବଂ ବଞ୍ଚିବା ପାଇଁ ସଂଘର୍ଷ କରୁଥିବା ଚାଷୀମାନେ ଏହିସବୁ କରିଥାନ୍ତି । ଆଉ କିଛି ଯୋଗ କରି ଗାଡ଼ି ଚଲାଉଛନ୍ତି ବୋଲି କହିଥିବା ବେଳେ ଏପରି ବିପଜ୍ଜନକ ଭାବେ ଗାଡ଼ି ଚଲାଇବା ଠିକ୍ ନୁହେଁ ବୋଲି ଅନେକ ପରାମର୍ଶ ଦେଇଛନ୍ତି ।
Comments are closed.