ପୁନେ: ବର୍ତ୍ତମାନ ଟମାଟୋ ଦର ଆକାଶ ଛୁଆଁ। ଶହେ ଉପରେ କେଜି। ଯେଉଁଠି ଗ୍ରାହକମାନେ କିଲେ ଲେଖାଏଁ ଟମାଟୋ କିଣନ୍ତି, ଆଜି ସେଠି ହାତଗଣତି ତଥା ଦୁଇ ଶହ, ଅଢେଇ ଶହ ଗ୍ରାମ୍ରେ ମନ ବୁଝେଇବାକୁ ପଡୁଛି । ହେଲେ ଏହି ଟମାଟୋ ବେପାର କରି ମାଲେମାଲ ହୋଇଗଲେ ବ୍ୟବସାୟୀ l ଶହେ କି ହଜାରେ ନୁହେଁ, ଏକାଥରକେ ଦେଢ଼ କୋଟି ଟଙ୍କା ରୋଜଗାର କରି ଚର୍ଚ୍ଚାରେ ଏବେ ଜଣେ ବ୍ୟବସାୟୀ l
ଟମାଟୋ କରିଦେଲା କୋଟିପତି । କଥାଟି ଆଶ୍ଚର୍ଯ୍ୟ ଲାଗଥିଲେ ମଧ୍ୟ ସତ । ମହାରାଷ୍ଟ୍ର ପୁନେ ନାରାୟଣଗଂଜ ଅଂଚଳର ତୁକାରାମ ଭାଗୋଜୀ ଗାୟକର ଏବଂ ତାଙ୍କ ପରିବାର ଏକ ମାସରେ ଟମାଟୋ ବିକ୍ରି କରି ଦେଢ଼ କୋଟି ଟଙ୍କାରୁ ଅଧିକ ରୋଜଗାର କରିଛନ୍ତି । ତୁକାରାମଙ୍କ ପାଖରେ ୧୮ ଏକର ଜମି ରହିଛି । ସେଥିରୁ ୧୨ ଏକର ଜମିରେ ସେ ଟମାଟୋ ଚାଷ କରିଛନ୍ତି । ଏଥିରେ ତାଙ୍କୁ ତାଙ୍କର ପୁଅ ଇଶ୍ୱର ଏବଂ ନାତୁଣୀ ସୋନାଲି ସହଯୋଗ କରନ୍ତି ।
ସାଧାରଣତଃ ଚାଷୀମାନେ ନାରାୟଣଗଞ୍ଜରେ ଦିନକୁ ଗୋଟିଏ କ୍ରେଟ୍ ଟମାଟୋ ବିକି ୨୧ଶହ ଟଙ୍କା ରୋଜଗାର କରିଥାନ୍ତି । କିନ୍ତୁ ଗତ ଶୁକ୍ରବାର ତୁକାରାମ ୯୦୦ କ୍ରେଟ୍ ଟମାଟୋ ବିକି ଦିନକରେ ୧୮ ଲକ୍ଷ ଟଙ୍କା ରୋଜଗାର କରିଛନ୍ତି । ଗତମାସରେ ସେ ଟମାଟୋ କ୍ରେଟ୍ ପିଛା ୨୪୦୦ ଟଙ୍କା ବିକ୍ରି କରିଛନ୍ତି । ଟମାଟୋର କିଶମ ଅନୁଯାୟୀ ଦର ଉପର ତଳ କରି ମଧ୍ୟ ସେ ବିକ୍ରି କରିଛନ୍ତି । ତୁକାରାମଙ୍କ ପରିବାର ଲୋକ କହିଛନ୍ତି ଯେ, ସେ ଉନ୍ନତ କିସମର ଟମୋଟୋ ଉତ୍ପାଦନ କରନ୍ତି । ତାଙ୍କୁ ଫର୍ଟିଲାଇଜର ଏବଂ ପେଷ୍ଟିସାଇଡ୍ସର ଭଲ ଅଭିଜ୍ଞତା ରହିଛି । ତେଣୁ ସେମାନେ ନିଶ୍ଚିତ ଯେ ତାଙ୍କ ଟମାଟୋ ଭଲ ରହିବ ଏବଂ ଏଥିରେ ପୋକ ଲାଗିବ ନାହିଁ ।
ତୁକାରାମଙ୍କ ବ୍ୟତୀତ ପୁଣେର ଅନେକ ଚାଷୀ ଏବେ ଟମାଟୋ ଚାଷ କରି ବିକ୍ରି କରୁଛନ୍ତି । ଆଉ ମାଲେମାଲ ହେଉଛନ୍ତି । ଏହି ଟମାଟୋ ଚାଷୀମାନଙ୍କର ଏକ ସଂଗଠନ ରହିଛି । ସେହି ସଂଗଠନର କହିବାନୁଯାୟୀ, ସେମାନେ ମାସକୁ ଏବେ ୮୦ କୋଟି ଟଙ୍କାର ଟମାଟୋ ବିକ୍ରି କରୁଛନ୍ତି । ଖାଲି ସେତିକି ନୁହେଁ ୧୦୦ ଜଣ ମହିଳାଙ୍କୁ ମଧ୍ୟ ଏଥିରେ ନିଯୁକ୍ତି ମିଳିଛି ।
BREAKING NEWS
- ମେ’ ୩୦ ଯାଏଁ ସିସୋଦିଆଙ୍କ ନ୍ୟାୟିକ ହେପାଜତ ବୃଦ୍ଧି
- ରାଜଧାନୀ ରାସ୍ତାରେ ପାଓ୍ବର ଦେଖାଇବେ ଜେ. ପି ନଡ୍ଡା
- ୧୭ରେ ଓଡ଼ିଶା ଆସୁଛନ୍ତି ଅଭିନେତ୍ରୀ ହେମା ମାଳିନୀ
- ଲତିକାଙ୍କ ରାଲିରେ ମହିଳାଙ୍କୁ ମାଡ ଅଭିଯୋଗ
- ହାରିବା ଭୟରେ ରକ୍ତମୁଖା ବିଜେଡି; ପିତାମ୍ବର ଆଚାର୍ଯ୍ୟ
- ‘ମୁଁ ଚ୍ୟାଲେଞ୍ଜ କରୁଛି, ୪୦୦ କ’ଣ ୨୦୦ ମଧ୍ୟ ପାର କରିପାରିବ ନାହିଁ ବିଜେପି’
- ନ୍ୟୁଜ୍ କ୍ଲିକ୍ ପ୍ରତିଷ୍ଠାତା ପ୍ରବୀର ପୁରକାୟାସ୍ତାଙ୍କ ଗିରଫଦାରୀକୁ ଅବୈଧ ଘୋଷଣା କଲେ ସୁପ୍ରିମ୍କୋର୍ଟ
- ‘କ୍ଷମତାକୁ ଆସିଲେ କୋଟିଏ ଲକ୍ଷପତି ସୃଷ୍ଟି କରିବୁ
- ଲଞ୍ଚ ହେଲା ‘ମୋ ବୁଥ ଆପ୍’
- ହାର୍ଦ୍ଦିକଙ୍କୁ ସମାଲୋଚନା କରିବା ନେଇ ଡିଭିଲର୍ସ, ପିଟରସନଙ୍କ ଉପରେ ରାଗିଲେ ଗମ୍ଭୀର