ସୀମା ପାର ପ୍ରେମ କାହାଣୀ: ପାକିସ୍ତାନରେ ଧର୍ମ ପରିବର୍ତ୍ତନ କରି ଫେସବୁକ ବନ୍ଧୁଙ୍କୁ ବିବାହ କଲେ ଅଞ୍ଜୁ

ନୂଆଦିଲ୍ଲୀ: ସୋସିଆଲ ମିଡିଆରେ ଏବେ ବେଶ ଚର୍ଚ୍ଚାର ବିଷୟ ହୋଇଛି ଦୁଇ ମହିଳା ସୀମା-ଅଞ୍ଜୁଙ୍କ ପ୍ରେମ କାହାଣୀ । ଦୁଇ ମହିଳାଙ୍କର ଏହି ସୀମାପାର ପ୍ରେମ ବେଶ ମନୋରଞ୍ଜନର ଖୋରାକ ଯୋଗାଇଛି । ଜଣେ ନିଜ ଜନ୍ମାମାଟି, ସ୍ୱାମୀ, ଘର ସଂସାର ଛାଡି  ପାକିସ୍ତାନରୁ ଭାରତ ପଳାଇ ଆସିଛି । ଅନ୍ୟଜଣେ ଭାରତରେ ଥିବା ତାଙ୍କର ସୁନ୍ଦର ସଂସାର ଛାଡି ପାକିସ୍ତାନ ପଳାଇଛନ୍ତି । ଏହି ଦୁଇ ମହିଳାଙ୍କ ମଧ୍ୟରୁ  ବେଆଇନ ଭାବେ ସୀମା ପାର କରିଥିବା ସୀମା ହାଇଦର ଏବେ ଭାରତରେ ଆଇନ ଚକ୍ରବ୍ୟୁହ ଭିତରେ ଏକ ପ୍ରକାର ଫସି ଯାଇଛନ୍ତି । ଅନ୍ୟ ପକ୍ଷେ ପାକିସ୍ତାନ ଯାଇଥିବା ଭାରତୀୟ ମହିଳା ଅଞ୍ଜୁ ସେଠାରେ ନିଜ ପ୍ରେମିକଙ୍କ ସହ ବେଶ ରୋମାନ୍ସ କରୁଥିବା ଦୃଶ୍ୟ ନଜରକୁ ଆସିଛି।

ଅଞ୍ଜୁ ସେଠାରେ ଧର୍ମ ପରିବର୍ତ୍ତନ କରି ହୋଇଛନ୍ତି ଫାତିମା । ଏପରିକି ସେ ଧର୍ମ ପରିବର୍ତ୍ତନ କରି ସେଠାରେ ତାଙ୍କ ପ୍ରେମିକ ନସରୁଲ୍ଲାଙ୍କୁ ବିବାହ କରିଥିବା ଶୁଣିବାକୁ ମିଳିଛି । ଅଞ୍ଜୁ ଓ ନସରୁଲ୍ଲାଙ୍କ ସମ୍ପର୍କ ଫେସବୁକରୁ । ତା’ ପର ପ୍ରେମ । ଅଞ୍ଜୁ ଭାରତରୁ ଭିସା, ପାସପୋର୍ଟ ନେଇ ପାକିସ୍ତାନ ଯାଇଥିଲେ । ଯିବାବେଳେ ସେ କହିଥିଲେ, ତାଙ୍କ ବନ୍ଧୁଙ୍କୁ ଭେଟିବାକୁ ଯାଉଛନ୍ତି । କିଛି ଦିନ ପରେ ଫେରି ଆସିବେ ।

ଅଞ୍ଜୁ ଖ୍ରୀଷ୍ଟିଆନ ସଂପ୍ରଦାୟର ଏବଂ ବିବାହିତା ମଧ୍ୟ । ତାଙ୍କର ଦୁଇ ସନ୍ତାନ ମଧ୍ୟ ଅଛନ୍ତି । ପାକ ମିଡିଆ ରିପୋର୍ଟ ଅନୁସାରେ, ଧର୍ମ ପରିବର୍ତ୍ତନ ପରେ ଅଞ୍ଜୁଙ୍କ ଇସଲାମିକ ନାଁ ଫାତିମା ରଖା ଯାଇଥିଲା । ଉଭୟଙ୍କର ବିବାହ ଡିଷ୍ଟିକ କୋର୍ଟରେ ହୋଇଛି । ମାଲକୁନ୍ଦ ଡିଭିଜନ ଡିଆଇଜି ନାସିର ମହମ୍ମୁଦ ଦସ୍ତୀ ଅଞ୍ଜୁ ଏବଂ ନସରୁଲ୍ଲାହଙ୍କ ବିବାହ ସମ୍ପର୍କିତ ଖବର ଦେଇଛନ୍ତି । ସେମାନଙ୍କର ବିବାହ ମାଲକୁନ୍ଦ ଅଦାଲତରେ ହୋଇଥିଲା । ଏହାପରେ ଅଞ୍ଜୁଙ୍କୁ ପୋଲିସ ସୁରକ୍ଷା ମଧ୍ୟରେ ଘରେ ପହଞ୍ଚା ଯାଇଥିଲା ।

ତେବେ ବିବାହ ଖବରକୁ ଅସ୍ୱୀକାର କରିଛନ୍ତି ନିଜେ ନସରୁଲ୍ଲା । ଏପରିକି ଅଞ୍ଜୁ ତାଙ୍କର ଭଲ ବନ୍ଧୁ ଏବଂ ତାଙ୍କ ସହ ପ୍ରେମ ସମ୍ପର୍କ ନାହିଁ ବୋଲି ସେ କହିଛନ୍ତି । ଉଭୟଙ୍କ ନିକାହନାମା ସାମ୍ନାକୁ ଆସିଥିବାବେଳେ ନସରୁଲ୍ଲାହଙ୍କ ଅସ୍ୱୀକାର ଅନେକ ପ୍ରଶ୍ନବାଚୀ ସୃଷ୍ଟି କରିଛି ।

ଯାହା ବି ହେଉ, କୋର୍ଟରେ ଦୁହେଁ ବିବାହ କରିଥିବାର ପ୍ରମାଣ ପତ୍ର ସାମ୍ନାକୁ ଆସିଛି। ଏହା ସହ ଦୁହିଁଙ୍କର ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଲେଖାଯାଇଛି ଅଞ୍ଜୁ ୱେଡସ୍ ନସରୁଲ୍ଲା। ତେଣୁ ଉଭୟ ବିବାହ କରିଥିବା ନେଇ ଚର୍ଚ୍ଚା ହେଉଛି ।

Anju का पाकिस्तान से वीडियो वायरल
पाकिस्तान से अंजू का एक वीडियो वायरल है जिसमें वो नसीरूल्लाह के साथ प्री वेडिंग वीडियो शूट में दिख रही है। वीडियो में ड्रोन का भी इस्तेमाल किया गया है।#ViralVideo #AnjuNasrullah #Anju #Pakistan pic.twitter.com/N5fZ2SgW9H

— raghvendra mishra (@raghvendrapress) July 25, 2023