ମୁମ୍ବାଇ: ପ୍ରଯୋଜନା କରିବେ ବଲିଉଡର ଚକୋଲେଟ୍ ହିରୋ ଅମିର ଖାଁ । ଏହାକୁ ନେଇ ଏବେ ସେ ଚର୍ଚ୍ଚାରେ । ଆଗକୁ ସେ ଅଧିକରୁ ଅଧିକ ଫିଲ୍ମ ନିର୍ମାଣ କରିବାକୁ ଚିନ୍ତା କରୁଛନ୍ତି ।
ଅମିର ଖାନ୍ଙ୍କୁ ଫିଲ୍ମ ଲାଲ ସିଂ ଚଢାରେ ଶେଷ ଥର ଦେଖିବାକୁ ମିଳିଥିଲା । ଏହା ପରେ ସେ ଅଭିନୟ ଦୁନିଆରୁ ବିରତି ନେଇ ତାଙ୍କ ପରିବାର ଏବଂ ପିଲାମାନଙ୍କ ସହିତ ସମୟ ବିତାଉଛନ୍ତି । ଯଦିଓ ତାଙ୍କୁ ଅନେକ ସାଧାରଣ କାର୍ଯ୍ୟକ୍ରମରେ ଦେଖିବାକୁ ମିଳୁଛି, ଯେଉଁଠାରେ ପ୍ରଶଂସକମାନେ ତାଙ୍କୁ ଦେଖି ବହୁତ ଖୁସି ହେଉଛନ୍ତି । କିନ୍ତୁ ପ୍ରଶଂସକମାନେ ଅମିରଙ୍କ ପରବର୍ତ୍ତୀ ପ୍ରୋଜେକ୍ଟ ଘୋଷଣାକୁ ଅପେକ୍ଷା କରିଛନ୍ତି ।
ନିକଟରେ ବୁକ ଇଭେଣ୍ଟରେ ଅମିର ଖାଁ ତାଙ୍କ ପରିବାର ସହିତ ପହଞ୍ଚିଥିଲେ । ତାଙ୍କର ପୂର୍ବତନ ପତ୍ନୀ କିରଣ ରାଓ ଏବଂ ରିନା ପହଞ୍ଚିଥିଲେ । ଦୁହେଁ ଏକାଠି ଫଟୋ ପୋଜ ମଧ୍ୟ ଦେଇଥିଲେ । ଏହି ସମୟରେ ଅମିର କହିଛନ୍ତି ଯେ, ମୁଁ ଏବେ ମୋ ଜୀବନକୁ ବହୁତ ଉପଭୋଗ କରୁଛି । ମୁଁ ମୋ ମାଆ ଓ ପିଲାମାନଙ୍କ ସହିତ ସମୟ ବିତାଉଛି । ଏବେ ମୁଁ ପ୍ରଡକସନ ହାଉସ ପ୍ରତି ମଧ୍ୟ ଧ୍ୟାନ ଦେଉଛି । ଆଗକୁ ଅଧିକ ଫିଲ୍ମ ପ୍ରଯୋଜନା କରିବାକୁ ଯୋଜନା କରୁଛି ।
Comments are closed.