ଗୁଜୁରାଟ: ଭାରତରେ ଗାଈକୁ ମା’ର ମାନ୍ୟତା ଦିଆଯାଏ । ଏହାକୁ ପୂଜା କରାଯାଏ । ଏହି କାରଣରୁ ମା’ର କ୍ଷୀର ପାଇପାରୁ ନ ଥିବା ପିଲାକୁ ଗାଈ କ୍ଷୀର ଦିଆଯାଏ । ଦୁଗ୍ଧ ବ୍ୟବସାୟୀମାନେ ଦୀର୍ଘ ଦିନ ଧରି ଭାରତରେ ବ୍ୟବସାୟ କରୁଛନ୍ତି । କିନ୍ତୁ ସମୟ ସହିତ, ଅଧିକ ଲାଭ ପାଇଁ ଏହି ବ୍ୟବସାୟରେ ଅନେକ ପ୍ରକାରର ଧାରଣା ଗ୍ରହଣ କରିଥାନ୍ତି । ଅନେକ ପ୍ରକାରର ଉଚ୍ଚ ପ୍ରଜାତିର ଗାଈ ପ୍ରସ୍ତୁତ ହେଉଛି ଯାହାକି ଅଧିକ କ୍ଷୀର ଦେଇଥାନ୍ତି । ଏବେ ଗୁଜୁରାଟରେ ସେମିତି ଏକ ଗାଈ ଥରକେ ୮୦୦ ଲିଟର କ୍ଷୀର ଦେଇ ଚର୍ଚ୍ଚାକୁ ଆସିଛି ।
ଗୋଟିଏ ଗାଈ ଯେତେ ଅଧିକ କ୍ଷୀର ଦିଏ, ତାର ଚାହିଦା ସେତେ ଅଧିକ । ଆଜିକାଲି ଏକ ଗୁଜରାଟୀ ଗାଈ ସୋସିଆଲ ମିଡିଆରେ ବହୁତ ଚର୍ଚ୍ଚିତ । ଏହି ଗାଈର ଚାହିଦା ଏହାର ବିଶେଷତା ହେତୁ ହୋଇଥାଏ । ବାସ୍ତବରେ, ଏହା ଥରକେ ଆଠ ଶହରୁ ଅଧିକ ଲିଟର କ୍ଷୀର ଦେଇଥାଏ । ଏଭଳି ପରିସ୍ଥିତିରେ କୃଷକମାନେ ଏହାକୁ ପାଳି ବହୁ ଲାଭ ପାଉଛନ୍ତି ।
ଏହି ଗାଈକୁ ଡ଼ାଙ୍ଗି ଗାଇ ବୋଲି କୁହାଯାଇଥାଏ । ସାଧାରଣତଃ ଏମାନେ ଗୁଜୁରାଟ, ମହାରାଷ୍ଟ୍ର, ଅହମ୍ମଦାବାଦ ଆଦି ଅଞ୍ଚଳରେ ଦେଖିବାକୁ ମିଳିଥାନ୍ତି । ଏହି ଗାଈଗୁଡ଼ିକ ଶାନ୍ତ ଦେବା ସହ ବହୁତ ଶକ୍ତିଶାଳୀ ହୋଇଥାନ୍ତି । ଏମାନଙ୍କ କ୍ଷୀର ଦେବାର କ୍ଷମତା ଅଧିକ ଥିବାରୁ ଏହାକୁ ପାଳିବା ନେଇ ଲୋକଙ୍କ ମଧ୍ୟରେ ଆଗ୍ରହ ବଢୁଥିବା ଦେଖିବାକୁ ମିଳୁଛି । କୁହାଯାଏ, ଯଦି ଏହାର ସଠିକ୍ ଯତ୍ନ ନିଆଯାଏ ଏହି ଗାଈ ୪୫୦ ଲିଟରରୁ ୮୦୦ ଲିଟର କ୍ଷୀର ଦେଇପାରେ । ଏହି ଗାଈ ସ୍ୱଦେଶୀ ହୋଇଥିବାରୁ ଏହାକୁ ଚିହ୍ନିବା କଷ୍ଟକର । ଏମାନଙ୍କର ଉଚ୍ଚତା ୧୧୩ ସେମି ପର୍ଯ୍ୟନ୍ତ । ଏହା ପ୍ରାୟତଃ ଧଳା ରଙ୍ଗର ଏବଂ ଏହା ଉପରେ କଳା ଦାଗ ଥାଏ ।
Comments are closed.