ଦିଲ୍ଲୀ : ରାଜସ୍ଥାନରେ ଥମୁନି ସଡକ ଦୁର୍ଘଟଣା ମାମଲା । ଦୁର୍ଘଟଣାକୁ ରୋକିବାରେ ସରକାର ଓ ପ୍ରଶାସନ ଯେମିତି ବିଫଳ ହୋଇଛନ୍ତି । ରାଜସ୍ଥାନରେ ଆଜି ପୁଣି ଏକ ଦୁର୍ଘଟଣା ଖବର ସାମ୍ନାକୁ ଆସିଛି । ଆଜି ସକାଳେ ରାଜସ୍ଥାନର ଭରତପୁରଠାରେ ଏହି ଭୟଙ୍କର ଦୁର୍ଘଟଣା ଘଟିଛି । ଗୁଜୁରାଟରୁ ୟୁପି ଯାଉଥିବାବେଳେ ଏକ ଯାତ୍ରୀବାହୀ ବସ କୁ ଟ୍ରକ ଧକ୍କା ଦେଇଛି । ଫଳରେ ଦୁର୍ଘଟଣାରେ ୧୧ ଜଣଙ୍କର ମୃତ୍ୟୁ ଘଟିଛି ।
ସୂଚନା ଅନୁଯାୟୀ ଯାତ୍ରୀବାହୀ ବସଟି ରାସ୍ତାକଡରେ ଠିଆ ହୋଇଥିବାବେଳେ ଟ୍ରକଟି ଧକ୍କା ଦେଇଛି । ଏହି ଭୟଙ୍କର ଦୁର୍ଘଟଣାରେ ୧୧ ଜଣଙ୍କର ମୃତ୍ୟୁ ଘଟିଥିବାବେଳେ ୧୨ ଜଣ ଆହତ ହୋଇଥିବା ସୂଚନା ମିଳିଛି । ସେମାନଙ୍କୁ ତୁରନ୍ତ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ପରେ ପୋଲିସ ଘଟଣାସ୍ଥଳରେ ପହଞ୍ଚି ଏକ ମାମଲା ରୁଜ୍ଜୁ କରିଛି ଏବଂ ଅଧିକ ଛାନଭିନ୍ ଜାରି ରଖିଛି ।
Comments are closed.