ନୂଆଦିଲ୍ଲୀ: ଆଜିଠୁ ସଂସଦର ସ୍ବତନ୍ତ୍ର ଅଧିବେଶନ ଆରମ୍ଭ ହେବାକୁ ଯାଉଛି । ଆଜି ପ୍ରଥମ ଦିନର ପ୍ରକ୍ରିୟା ପୁରୁଣା ସଂସଦରେ ଅନୁଷ୍ଠିତ ହେବାକୁ ଥିବାବେଳେ ଆସନ୍ତାକାଲି ନୂତନ ସଂସଦରେ କାର୍ଯ୍ୟ ଆରମ୍ଭ ହେବ । ଏ ନେଇ ଗତକାଲି ନୂତନ ସଂସଦ ଭବନ ପ୍ରାଙ୍ଗଣରେ ଜାତୀୟ ପତାକା ଉତ୍ତୋଳନ କରାଯାଇଥିଲା । ଏହି ଅବସରରେ ଲୋକସଭା ବାଚସ୍ପତି ଓମ ବିର୍ଲା ମଧ୍ୟ ଉପସ୍ଥିତ ରହିଥିଲେ । ତେବେ ୧୦ଜଣ ମହିଳା ସାଂସଦ ପୁରୁଣା ସଂସଦ କୋଠା ସହିତ ଜଡିତ ଥିବା କିଛି ସ୍କୃତିକୁ ବାଣ୍ଟିଛନ୍ତି ।
ସର୍ବପ୍ରଥମେ ସ୍ମୃତି ଇରାନୀ ପୁରୁଣା କୋଠା ସମ୍ବନ୍ଧରେ ନିଜର ସ୍ମୃତି ବାଣ୍ଟିଥିଲେ । ଏବଂ ନୂତନ ବିଲ୍ଡିଂରେ କାମ ଆରମ୍ଭ କରିଥିବାରୁ ତାଙ୍କୁ ଅଭିନନ୍ଦନ ଜଣାଇଥିଲେ। ହରସମ୍ରିତ୍ କୌର ବାଦ ଲେଖିଛନ୍ତି ଏହି ବିଲ୍ଡିଂର ୧୪୪ ସ୍ତମ୍ଭ ସହିତ ଅନେକ ସ୍ମୃତି ଜଡିତ ରହିଛି । ସେହିପରି ଅନୁପ୍ରିୟା ପଟେଲ ଲେଖିଛନ୍ତି, ଯେତେବେଳେ ମୁଁ ପ୍ରଥମ ଥର ଏହି ବିଲ୍ଡିଂରେ ପାଦ ଦେଲି । ସେତେବେଳେ ମୁଁ ଏକ ଏୗତିହାସିକ କୋଠାକୁ ଯାଉଥିବା ଭଳି ଅନୁଭବ କଲି ।
ପୁନମ ମହାଜନ ଲେଖିଛନ୍ତି ଆସନ୍ତୁ ବିଜୟର ଶେଷ ବଜ୍ରପାତ କରିବା, ଚାଲ ପୁଣି ଦୀପ ଜାଳିବା । ରାଜ୍ୟସଭା ସାଂସଦ ପ୍ରିୟଙ୍କା ଚାଟୁର୍ବେଦୀ ଲେଖିଛନ୍ତି, ଏହି ସଂସଦ ଏକ ଶକ୍ତିଶାଳୀ ରାଷ୍ଟ୍ର ଭାବରେ ଆମର ଯାତ୍ରାକୁ ଆକୃଷ୍ଟ କରିଛି । ସେହିପରି ରାମ୍ୟା ହରିଦାସ କହିଛନ୍ତି ସଂସଦର ପୁରୁଣା ଭବନ ହେଉଛି ଗଣତନ୍ତ୍ରର ପ୍ରାସାଦ ଏବଂ ଦୃଢ ନିଷ୍ପତ୍ତିର ଜନ୍ମସ୍ଥାନ ।
ସୁପ୍ରିୟା ସୁଲେ କହିଛନ୍ତି ଯେ ମୋତେ ସଂସଦର ସୁନ୍ଦର ଭବନର ଏକ ଅଂଶ ହେବାର ସୁଯୋଗ ଦେଇଥିବାରୁ ମୁଁ ମହାରାଷ୍ଟ୍ର ଏବଂ ବାରାମାଟିବାସୀଙ୍କୁ କୃତଜ୍ଞତା ଜଣାଉଛି। ନବନୀତ୍ ରାଣା କହିଛନ୍ତି, ମୁଁ ଯେତେବେଳେ ପ୍ରଥମ ଥର ପାଇଁ ପୁରୁଣା ସଂସଦରେ ପାଦ ଦେଇଥିଲେ , ସେ ସ୍ମୃତି ବି ଆଜି ମୋ ମନରେ ସାଇତା ହୋଇ ରହିଛି । ଅନ୍ୟପଟେ ରାଜ୍ୟସଭା ସାଂସଦ ପି.ଟି ଉଷା ଲେଖିଛନ୍ତି ଯେ ୧୯୮୬ ମସିହାରେ ମୁଁ ପ୍ରଥମଥର ପାଇଁ ସଂସଦ ଭବନ ଗସ୍ତ କରିଥିଲି । ୨୦୨୨ ଜୁଲାଇ ୨୦ ତାରିଖରେ ମୁଁ ପ୍ରଥମଥର ରାଜ୍ୟସଭା ସାଂସଦ ଭାବରେ ସଂସଦକୁ ଆସିଥିଲି । ଯାହା ମୋ ପାଇଁ ଏକ ବଡ ଦିନ ଥିଲା । ମହୁଆ ମିତ୍ର କହିଛନ୍ତି ସଂସଦର ପୁରୁଣା କୋଠା ସର୍ବଦା ମୋ ମନରେ ସ୍ବତନ୍ତ୍ର ସ୍ଥାନରେ ରହିବ ।
Comments are closed.