ମୁମ୍ବାଇ: ରଣବୀର କାପୁର ତାଙ୍କର ଆଗାମୀ ଫିଲ୍ମ ରାମାୟଣ ନେଇ ଏକ ବଡ ଘୋଷଣା କରିଛନ୍ତି । ଶ୍ରୀରାମଙ୍କ ଭୂମିକା କରିବା ପର୍ଯ୍ୟନ୍ତ ସେ ନିଶା କିମ୍ବା ନନଭେଜ ଖାଇବେ ନାହିଁ ବୋଲି ନିଷ୍ପତି ନେଇଛନ୍ତି । କୌଣସି ପ୍ରକାରର ଚାପର ବଶୀଭୂତ କିମ୍ବା ପ୍ରଚାର, ପ୍ରସାର ଉଦ୍ଦେଶ୍ୟରେ ଏ ଭଳି ଘୋଷଣା କରି ନ ଥିବା ସ୍ପଷ୍ଟ କରିଛନ୍ତି । ଶ୍ରୀରାମଙ୍କ ଚରିତ୍ର କରିବା ପୂର୍ବରୁ ମୋ ମଧ୍ୟରେ କିଛି ମାତ୍ରାରେ ପବିତ୍ରତା ରହିବା ଜରୁରୀ । ଏହା ଦ୍ୱାରା ମୁଁ ଅଭିନୟ ମନଧ୍ୟାନ ସହକାରେ କରିପାରିବି ବୋଲି ରଣବୀର କହିଛନ୍ତି । ଫିଲ୍ମର ସୀତା ଭୂମିକା କରିବେ ସେ ନେଇ ନିର୍ଦ୍ଦିଷ୍ଟ ଭାବେ କୌଣସି ଘୋଷଣା କରାଯାଇ ନାହିଁ । ସିନେମାର ଶୁଟିଂ ଆସନ୍ତା ବର୍ଷ ଆରମ୍ଭ ହେବ । କେଜିଲଏଫ ଷ୍ଟାର ୟଶ ରାବଣ ଭୂମିକା କରିବେ ବୋଲି ଖବର ପ୍ରକାଶ ପାଇଥିଲା । ତେବେ ଏ ନେଇ ବିଧିବଦ୍ଧ ଭାବେ ମେକର୍ସଙ୍କ ପକ୍ଷରୁ କୌଣସି ଘୋଷଣା କରାଯାଇ ନାହିଁ ।
ଷ୍ଟାରକାଷ୍ଟ ଚୂଡାନ୍ତ ହେବା ପରେ ଫିଲ୍ମର ଶୁଟିଂ ଆରମ୍ଭ ହେବ ବୋଲି ଆଶା କରାଯାଉଛି । ରଣବୀର ପ୍ରଭୂ ଶ୍ରୀରାମଙ୍କ ଚରିତ୍ର ମାଧ୍ୟମରେ ନିଜର ଇମେଜ ସୁଧାରିବାକୁ ଚାହୁଁଛନ୍ତି । ସେ ଜଣେ ନିଶାଗ୍ରସ୍ତ ଅଭିନେତା ଭାବେ ପରିଚିତ ଥିଲେ । ଏବେ ସେ ଏଥିରୁ ଦୂରେଇ କ୍ୟାରିୟର ପ୍ରତି ଧ୍ୟାନ ଦେଉଛନ୍ତି । କଙ୍ଗନା ରାନାୱତ ଏ ନେଇ ବାରମ୍ବାର ରଣବୀରଙ୍କୁ ଟାର୍ଗେଟ କରିଥାନ୍ତି ।
Comments are closed.