ଭୁବନେଶ୍ୱର: ସମଗ୍ର ଓଡିଶାରେ ପିଆଜ ମୂଲ୍ୟରେ ହଠାତ୍ ବୃଦ୍ଧି ଘଟିଥିବା ବେଳେ ହୋର୍ଡିଂ ଏବଂ କଳାବଜାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ରାଜ୍ୟ ସରକାର ରବିବାର ଚେତାବନୀ ଦେଇଛନ୍ତି। ପିଆଜ କଳାବାଜାରି ବ୍ୟବସାୟୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲା ପ୍ରଶାସନକୁ ଖାଦ୍ୟଯୋଗାଣ ବିଭାଗ ନିର୍ଦ୍ଦେଶ ଦିଆଯାଇଥିବା ରାଜ୍ୟ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ଅତନୁ ସବ୍ୟସାଚ୍ଚୀ ନାୟକ କହିଛନ୍ତି।
ବିଭିନ୍ନ କ୍ଷେତ୍ରରେ ପିଆଜ ଦର ୬୦ ପାର ପରେ ଚେତିଲେ ସରକାର। ରାଜ୍ୟ ସରକାର ଏହି ପ୍ରସଙ୍ଗରେ ନିଜର ଆଭିମୁଖ୍ୟକୁ କଡାକଡି କରିବାକୁ ନିଷ୍ପତ୍ତି ନେଇଛନ୍ତି। ପିଆଜର ମୂଲ୍ୟ ୮୦ ଛୁଇଁବା ପରେ ମୂଲ୍ୟ ନିୟନ୍ତ୍ରଣ କରିବା ଲାଗି ପଦକ୍ଷେପ ନେଇଛନ୍ତି ରାଜ୍ୟ ସରକାର।
ପ୍ରାୟ ଏକ ମାସ ପରେ ପିଆଜ ବଜାରକୁ ଆସିବ ବୋଲି ଉଲ୍ଲେଖ କରି ମନ୍ତ୍ରୀ କହିଛନ୍ତି ଯେ ଉତ୍ପାଦନ ଏବଂ ଯୋଗାଣରେ ଏକ ଫାଟ ଅଛି ଯାହା ଗ୍ରାହକଙ୍କୁ ଉଚିତ ମୂଲ୍ୟରେ ପିଆଜ ଯୋଗାଇବା ପାଇଁ ଭଲ ପରିଚାଳନା ହେବା ଆବଶ୍ୟକ।
ଅନ୍ୟ ରାଜ୍ୟରେ ପିଆଜର ମୂଲ୍ୟ ମଧ୍ୟ ବୃଦ୍ଧି ପାଇଛି। କେନ୍ଦ୍ରୀୟ ପୁଲରେ ପିଆଜ ଦର ମଧ୍ୟ ବୃଦ୍ଧି ପାଇଛି । ଫଳସ୍ୱରୂପ, ଏହା ବଜାରରେ ପିଆଜ ମୂଲ୍ୟ ଉପରେ ପ୍ରଭାବ ପକାଉଛି। ଏବେ ଦେଶ ତଥା ରାଜ୍ୟରେ ପିଆଜର ମୂଲ୍ୟ ଅହେତୁକ ଭାବରେ ବୃଦ୍ଧି ପାଇଛି। ଗତ ସପ୍ତାହରେ କିଲୋପ୍ରତି ୩୦ଟଙ୍କାରେ ବିକ୍ରି ହେଉଥିବା ପିଆଜ ଏବେ ୧୦୦ ଟଙ୍କା ଛୁଇଁଲାଣି। ପିଆଜର ଏହି ଚଢାଦରକୁ ନେଇ ଖାଉଟୀଙ୍କ ମୁଣ୍ଡରେ ଚଡକ ପଡିଯାଇଛି।
ଏହା ବ୍ୟତୀତ କିଛି ଅସାଧୁ ବ୍ୟବସାୟୀ ବହୁ ପରିମାଣରେ ପିଆଜ ଜମା କରି କୃତ୍ରିମ ମୂଲ୍ୟ ବୃଦ୍ଧି ଘଟାଉଛନ୍ତି। ମନ୍ତ୍ରୀ କହିଛନ୍ତି ଯେ ପିଆଜ ସଂରକ୍ଷଣ ଏବଂ କଳାବଜାରୀରେ ଜଡିତ ବ୍ୟବସାୟୀଙ୍କ ବିରୋଧରେ ଜିଲ୍ଲା କର୍ତ୍ତୃପକ୍ଷଙ୍କୁ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କୁହାଯାଇଛି। ସୂତ୍ରରୁ ପ୍ରକାଶ ଯେ ଭୁବନେଶ୍ୱରର କେତେକ ପନିପରିବା ବିକ୍ରେତା ପିଆଜକୁ କିଲୋଗ୍ରାମ ପ୍ରତି ୮୦ ଟଙ୍କାରେ ବିକ୍ରି କରୁଛନ୍ତି।
Comments are closed.