ଭଦ୍ରକ: ମୋବାଇଲ୍ ଫୋନ୍ ଚାର୍ଜର ବିସ୍ଫୋରଣରେ ଘରେ ନିଆଁ ଲାଗିଯିବାରୁ ଗୋଟିଏ ପରିବାର ବଡ଼ ଦୁର୍ଘଟଣାରୁ ବର୍ତ୍ତିଯାଇଛି। ଭଦ୍ରକ ଜିଲ୍ଲା ଚାନ୍ଦବାଲି ତହସିଲ ବାଲିଗାଁରେ ଏହି ଅଭାବନୀୟ ଘଟଣା ଘଟିଛି। ଚାର୍ଜରରେ ସଂଯୋଗ ହୋଇଥିବା ମୋବାଇଲରୁ ନିଆଁ ଲାଗିଯିବାରୁ ଏକ ପରିବାର ଅଳ୍ପକେ ବର୍ତ୍ତି ଯାଇଛନ୍ତି। ଗୁରୁବାର ପୂର୍ବାହ୍ନରେ ଘଟିଥିବା ଏହି ବିସ୍ଫୋରଣରେ ଘରର ଆସବାବପତ୍ର, ଲୁଗାପଟା, ପରଦା ଆଦି ଜଳି ଯାଇଥିଲା।
ଅମର ପ୍ରଧାନ ଓ ତାଙ୍କ ପରିବାର ଶୋଇଥିବା ବେଳେ ହଠାତ ଭୋର ପ୍ରାୟ 4ଟା ସମୟରେ ଚାର୍ଜ କରୁଥିବା ମୋବାଇଲଟି ବିସ୍ଫୋରଣ ହୋଇଥିଲା। ନିଆଁ ଦ୍ରୁତ ଗତିରେ ଘରେ ବ୍ୟାପିଥିଲା। ପ୍ରଥମେ ଥିବା ଆସବାପତ୍ର ଏବଂ କପଡାରେ ନିଆଁ ଲାଗିଯିବା ପରେ ହୁ ହୁ ହୋଇ ଜଳି ଉଠିଥିଲା। ଏହି ସମୟରେ ସୌଭାଗ୍ୟବଶତଃ ପରିବାର ଲୋକେ ଘରୁ ବାହାରି ଆସିବାକୁ ସକ୍ଷମ ହୋଇଥିଲେ।
ପରେ ପଡ଼ୋଶୀମାନେ ସେମାନଙ୍କ ସହାୟତା କରିବାକୁ ଧାଇଁ ଆସି ନିଆଁକୁ ସଫଳତାର ସହ ଲିଭାଇବା ସହ ବଡ଼ ଦୁର୍ଘଟଣାକୁ ରୋକିବାରେ ସକ୍ଷମ ହୋଇଥିଲେ। ଟ
ଅମର କହିଛନ୍ତି, ‘ମୋ ସ୍ତ୍ରୀ ମଧ୍ୟରାତ୍ରିରେ ଚାର୍ଜରରେ ମୋବାଇଲ୍ ଲଗାଇଥିଲା, ଭୋର୍ 4ଟା ବେଳକୁ ତାହା ଫାଟି ଯାଇଥିଲା। ନିଆଁ ଦ୍ରୁତ ଗତିରେ ବ୍ୟାପି ଯାଇଥିଲା, କିନ୍ତୁ ଆମେ ରୁମ୍ରୁ ଖସି ପଳାଇବାରେ ସଫଳ ହୋଇଥିଲୁ। ଆମର ପଡ଼ୋଶୀଙ୍କୁ ଧନ୍ୟବାଦ, ନିଆଁ ଅଧିକ କ୍ଷତି ପହଞ୍ଚାଇବା ପୂର୍ବରୁ ଆମେ ଏହାକୁ ନିୟନ୍ତ୍ରଣ କରିବାରେ ସକ୍ଷମ ହୋଇଥିଲୁ।’
Comments are closed.