ନୂଆଦିଲ୍ଲୀ: ମାନବ ଚାଲାଣ ମାମଲାରେ ଜାତୀୟ ଅନୁସନ୍ଧାନ ଏଜେନ୍ସି (ଏନ୍ଆଇଏ ) ୧୦ଟି ରାଜ୍ୟରେ ଚଢାଉ କରି ୪୪ ଅଭିଯୁକ୍ତଙ୍କୁ ଗିରଫ କରିଛି। ଏନଆଇଏ ମୁଖପାତ୍ର ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ମାନବ ଚାଲାଣ ନେଟୱାର୍କକୁ ଭାଙ୍ଗିବା ପାଇଁ ଏନଆଇଏ ବିଏସଏଫ ଏବଂ ରାଜ୍ୟ ପୋଲିସର ମିଳିତ ଅପରେସନରେ ଆଠଟି ରାଜ୍ୟ ଏବଂ ଦୁଇଟି କେନ୍ଦ୍ରଶାସିତ ଅଞ୍ଚଳର ୫୫ଟି ସ୍ଥାନରେ ଚଢାଉ କରିଛି।
ସେହି ରାଜ୍ୟଗୁଡ଼ିକ ହେଲା ତ୍ରିପୁରା, ଆସାମ, ପଶ୍ଚିମବଙ୍ଗ, କର୍ଣ୍ଣାଟକ, ହରିୟାଣା, ତାମିଲନାଡୁ, ତେଲଙ୍ଗାନା, ପୁଡୁଚେରୀ, ରାଜସ୍ଥାନ ଓ ଜାମ୍ମୁକାଶ୍ମୀର। ଏହି ମାମଲାରେ ଜାତୀୟ ଅନୁସନ୍ଧାନ ଏଜେନ୍ସି ଦ୍ୱାରା ଗିରଫ ହୋଇଥିବା ୪୪ ଅଭିଯୁକ୍ତଙ୍କ ମଧ୍ୟରୁ ୨୧ ଜଣ ତ୍ରିପୁରାରୁ, ୧୦ ଜଣ କର୍ଣ୍ଣାଟକ, ୫ ଜଣ ଆସାମ,୫ ଜଣ ପଶ୍ଚିମବଙ୍ଗ, ତାମିଲନାଡୁର ୨ଜଣ ଏବଂ ତେଲୁଙ୍ଗାନା, ପୁଡୁଚେରୀ ଏବଂ ହରିୟାଣାରୁ ଜଣେ ଲେଖାଁଏ ଅଭିଯୁକ୍ତ ଅଟନ୍ତି। ଏହି ମାମଲାରେ ଆହୁରି କିଛି ଲୋକଙ୍କୁ ଅଟକ ରଖାଯାଇଛି। ଏହି ସମୟ ମଧ୍ୟରେ ଅଭିଯୁକ୍ତ ମୋବାଇଲ୍ ଫୋନ୍, ସିମ୍ କାର୍ଡ, ପେନ୍ ଡ୍ରାଇଭ୍, ଡିଜିଟାଲ୍ ଡିଭାଇସ୍, ନକଲି ଆଧାର କାର୍ଡ ଏବଂ ପାନ୍ କାର୍ଡ, ୨୦ ଲକ୍ଷ ନଗଦ, ୪୫୫୦ ଆମେରିକୀୟ ଡଲାର ସମେତ ଅନେକ ଜିନିଷ ଜବତ କରାଯାଇଛି।
ଏନଆଇଏ ଅଫିସରମାନେ ତାମିଲନାଡୁର ଅନେକ ସ୍ଥାନରେ ଚଢ଼ଉ କରିଛନ୍ତି। ଏହି ମାମଲାରେ ବାଙ୍ଗଲାଦେଶର କିଛି ଶ୍ରମିକଙ୍କୁ ଜେରା କରାଯାଉଛି। ସୋମନେ ଚେଙ୍ଗାଲପେଟ୍ ଜିଲ୍ଲାରେ ଆବଶ୍ୟକ ଠାରୁ ଅଧିକ ସମୟ ପର୍ଯ୍ୟନ୍ତ ରହିଛନ୍ତି। ଏହି ମାମଲାରେ ଦୁଇଜଣ ଲୋକଙ୍କୁ ଗିରଫ କରାଯାଇଛି। ସେମାନେ ତ୍ରିପୁରାରୁ ନକଲି ପରିଚୟ ପତ୍ର ସଂଗ୍ରହ କରିଥିଲେ। ଏ ସଂପର୍କରେ ତଦନ୍ତ ଜାରି ରହିଛି ।
Comments are closed.