ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ: ୧୦ଟି ପ୍ରସ୍ତାବକୁ ଅନୁମୋଦନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ । ଏହି କ୍ୟାବିନେଟ୍ ବୈଠକରେ ମୁଖ୍ୟମନ୍ତ୍ରୀ ୧୦ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବରେ ମୋହର ମାରିଛନ୍ତି ।

ଯେଉଁସବୁ ପ୍ରସ୍ତାବ ଗୁଡ଼ିକୁ ମୁଖ୍ୟମନ୍ତ୍ରୀ ଅନୁମୋଦନ କରିଛନ୍ତି ସେନେଇ ସୂଚନା ପ୍ରଦାନ କରି ରାଜ୍ୟ ସରକାରଙ୍କ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ କହିଛନ୍ତି ଯେ, ୨୦୧୯-୨୦ ଆର୍ଥୀକ ବର୍ଷର ଖରିଫ ଧାନ ସଂଗ୍ରହ ଲକ୍ଷ୍ୟକୁ ବେଶ୍ ଗୁରୁତ୍ୱ ଦିଆଯାଇ ପ୍ରସ୍ତାବକୁ ଅନୁମୋଦନ କରାଯାଇଛି ।

ଏହି ପ୍ରସ୍ତାବରେ ନିଆଯାଇଥିବା ନିଷ୍ପତ୍ତି ଅନୁଯାୟୀ, ଏବେ ରାଜ୍ୟର ଧାନଚାଷୀମାନେ ୨୪ରୁ ୪୮ ଘଣ୍ଟା ମଧ୍ୟରେ ବିକ୍ରି କରିଥିବାର ଧାନର ମୂଲ୍ୟ ପାଇପାରିବେ । ସେହିପରି ମିଲର୍ ମାନଙ୍କ ଲାଗି କଟକଣା କରାଯାଇ, ଯଦି ଯେଉଁ ମିଲରମାନେ ବକେୟା ରଖିଥିବେ ତେବେ ସେମାନେ ଧାନ କ୍ରୟ କରିପାରିବେ ନାହିଁ ।

ଧାନ କ୍ରୟରେ ଏବେ ମହିଳା ସ୍ୱୟଂ ସହାୟିକା ଗୋÂୀ (ଏସଏସଜି) ମଧ୍ୟ ସାମିଲ୍ ହେବେ ବୋଲି ମୁଖ୍ୟ ଶାସନ ସଚିବ ସୂଚନା ପ୍ରଦାନ କରିଛନ୍ତି ।

ଚଳିତ ରବି ଓ ଖରିଫ ଋତୁରେ ସରକାର ୬୦ ମେଟ୍ରିକ୍ ଟନ୍ ଚାଷୀଙ୍କଠାରୁ ଧାନ କ୍ରୟ କରିବାର ଯୋଜନା ରଖିଛନ୍ତି ।

ଧାନ ସଂଗ୍ରହ ଅବଧି:

ଖରିଫ ଧାନ ଚାଷୀଙ୍କ ଠାରୁ ନଭେମ୍ବର ୨୦୧୯ରୁ ମାର୍ଚ୍ଚ ୨୦୨୦ ମଧ୍ୟରେ ସଂଗ୍ରହ କରାଯିବ । ସେହିପରି ରବି ଋତୁର ଧାନ ଚାଷୀମାନେ ସରକାରଙ୍କୁ ମେ ମାସରୁ ଜୁନ ୨୦୨୦ ମଧ୍ୟରେ ପ୍ରଦାନ କରିପାରିବେ । ଜିଲ୍ଲାର ବିଭାଗୀୟ କର୍ତ୍ତୃପକ୍ଷ ସଠିକ୍ ସମୟରେ ଧାନ ମଣ୍ଡି ମାଧ୍ୟମରେ ଚାଷୀଙ୍କଠାରୁ ଧାନ ସଂଗ୍ରହ କରିପାରିବେ ।

ଚାଷୀ ପଞ୍ଜିକରଣ ଅବଧି:

ପଞ୍ଜିକୃତ ଚାଷୀଙ୍କଠାରୁ ହିଁ ସରକାର ଧାନ ସଂଗ୍ରହ କରିବେ । ଅନଲାଇନ ପୋର୍ଟାଲ୍ ମାଧ୍ୟମରେ ଚାଷୀମାନେ ସେମାନଙ୍କ ଧାନ ବିକି୍ରି କରିପାରିବେ । ରାଜ୍ୟ ସରକାରଙ୍କ ଭୂଲେଖ ଡ଼ାଟାବେସ ଦ୍ୱାରା ରାଜସ୍ୱ ବିଭାଗ ଏହି ପଞ୍ଜିକରଣ ଦାୟିତ୍ୱ ବୁଝିବେ ।

ଏହି କୃଷକ ପଞ୍ଜିକରଣ ସମୟରେ ଚାଷୀମାନେ ସେମାନଙ୍କର ଆଧାର କାଡର଼୍କୁ ପ୍ରମାଣ ପତ୍ର ଭାବେ ବ୍ୟବହାର କରିବେ ।

ଧାନର ସର୍ବନିମ୍ନ ସହାୟକ ମୂଲ୍ୟ (ଏମଏସପି):

କେନ୍ଦ୍ର ସରକାରଙ୍କ ଦ୍ୱାରା ହୋଇଥିବା ଧାନର ସର୍ବନିମ୍ନ ସହାୟକ ମୂଲ୍ୟ (ଏମଏସପି) ଅନୁଯାୟୀ ଧାନ ସଂଗ୍ରହ କରାଯିବ । ସାଧାରଣତଃ ଏସଏସପି କ୍ୱିଣ୍ଟାଲ ପିଛା ୧୮୧୫ ଟଙ୍କା ମୂଲ୍ୟରେ ଚାଷୀମାନେ ସେମାନଙ୍କର ଧାନ ବିକ୍ରି କରିପାରିବେ । ତେବେ ଏ-ଗ୍ରେଡ଼ ଧାନର ଏମଏସପି ମୂଲ୍ୟ ୧୮୩୫ ଟଙ୍କା ରହିଛି ।

ସେହିପରି ଆଜିର ଏହି କ୍ୟାବିନେଟ ବୈଠକରେ ଭୁବନେଶ୍ୱରସ୍ଥିତ ବରମୁଣ୍ଡା ବସଷ୍ଟାଣ୍ଡ ଲାଗି ଚୁକ୍ତିକୁ କ୍ୟାବିନେଟ ମଞ୍ଜୁରୀ ମିଳିଛି । ବସଷ୍ଟାଣ୍ଡ ନିର୍ମାଣ ଲାଗି ଖର୍ଚ୍ଚ ହେବ ସମୁଦାୟ ୧୬୦.୬୬ କୋଟି ଟଙ୍କା ।

ବାଲେଶ୍ୱରଠାରେ ମେଡ଼ିକାଲ କଲେଜ ଲାଗି ୧୪୪.୯୮ କୋଟି ଟଙ୍କା ଏବଂ ବଲାଙ୍ଗୀରଠାରେ ମେଡ଼ିକାଲ କଲେଜ ପ୍ରତିÂା ଲାଗି ୧୪୨.୪୬ କୋଟି ଟଙ୍କା ବ୍ୟୟ ହେବ ବୋଲି ନିଷ୍ପତ୍ତି ଗ୍ରହଣ କରାଯାଇଛି । ଆସନ୍ତା ଅଢେଇ ବର୍ଷ ମଧ୍ୟରେ ଏହି ଦୁଇଟି ମେଡ଼ିକାଲ୍ କଲେଜର କାର୍ଯ୍ୟ ଚୂଡ଼ାନ୍ତ ରୂପରେଖ ନେବ ବୋଲି ମୁଖ୍ୟ ଶାସନ ସଚିବ ସୂଚନା ପ୍ରଦାନ କରିଛନ୍ତି ।

କ୍ୟାବିନେଟ ବୈଠକରେ କେନ୍ଦ୍ରୀୟ ବିଦ୍ୟାଳୟ ସଂଗଠନକୁ ୨.୪୭୮ ଏକର ମାଗଣାରେ ଜମି ପ୍ରଦାନ କରାଯିବା ସହିତ ଖୋର୍ଦ୍ଧା ବାଙ୍କୁଆଳଠାରେ ଆଞ୍ଚଳିକ ପ୍ରତିଷ୍ଠାନ ନିର୍ମାଣ ପାଇଁ ଜମି ମଞ୍ଜୁର କରାଯିବାର ନିଷ୍ପତ୍ତି ଗ୍ରହଣ କରାଯାଇଛି ।

ଯାଜପୁରର ଟମକା ମଙ୍ଗଳପୁର ୪ଲେନ ବିଶିଷ୍ଟ ୨୬ କିଲୋମିଟର ଦୂରତାର ରାସ୍ତା ଲାଗି ଡ଼ିଏମଏଫରୁ ୧୧୭ କୋଟି ଟଙ୍କା ବ୍ୟୟ ହେବ ।