ନୂଆଦିଲ୍ଲୀ: ବର୍ତ୍ତମାନ ଇନଷ୍ଟା ହଉ କି ଫେସବୁକ ରିଲ୍ ତିଆରି କରିବାର ଭୂତ ସମସ୍ତଙ୍କୁ ଘାରିଛି । ପିଲାଠୁ ବୁଢା ଯାଏଁ ସମସ୍ତେ ଏହି ରୋଗରେ ପୀଡିତ । ବିଶେଷ କରି ଯୁବପୀଢି ମାନେ ନିଜ ଜୀବନକୁ ମଧ୍ୟ ବିପଦରେ ପକାଇବାକୁ ପଛଉନାହାନ୍ତି । ଏହିପରି ଭାବେ ଅନେକ ଖବର ସାମ୍ନାକୁ ଆସୁଥିବାବଳେ ଆଉ ଏକ ଭିଡିଓ ସାମ୍ନାକୁ ଆସିଛି ଯେଉଁଥିରେ ଜଣେ ଯୁବତୀ ଦ୍ରୁତ ଗତିରେ ଯାଉଥିବା ଏକ କାର ର ଓ୍ବିଣ୍ଡୋ ବାହାରକୁ ଆସି ଷ୍ଟଣ୍ଟ ପ୍ରଦର୍ଶନ କରୁଥିବା ଦେଖିବାକୁ ମିଳିଛି । ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓ ଆଧାରରେ ଟ୍ରାଫିକ ପୋଲିସ ଗାଡିର ନମ୍ବର ଦେଖି ୨୩ ହଜାର ୫୦୦ ଟଙ୍କା ର ଚାଲାଣ କାଟିଛି ।
ଶନିବାର ସାମ୍ନାକୁ ଆସିଥିବା ଏହି ଭିଡିଓରେ ଦିଲ୍ଲୀ ନମ୍ବର ଲାଗିଥିବା କାରଟି ଦ୍ରୁତ ଗତିରେ ଯାଉଥିବା ଦେଖିବାକୁ ମିଳିଥିଲା । ଯୁବତୀ ଜଣଙ୍କ ଚଳନ୍ତା କାର ଭିତରୁ ବାହାରି ଷ୍ଟଣ୍ଟ କରୁଥିଲେ । ଏହି ସମୟରେ ପଛରୁ ଆସୁଥିବା ଜଣେ ବ୍ୟକ୍ତି ଏହି ଦୃଶ୍ୟର ଭିଡିଓ ପ୍ରସ୍ତୁତ କରି ଏକ୍ସ ରେ ପୋଷ୍ଟ କରିଥିଲେ । ଏହାସହ ଯୁବତୀଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ନେବାକୁ ୟୁପି ପୋଲିସ ଓ ଟ୍ରାଫିକ୍ ପୋଲିସକୁ ଅନୁରୋଧ କରିଥିଲେ ।
ग्रेनो वेस्ट में चलती गाड़ी में युवती की स्टंट बाजी
चलती हुई गाड़ी की खिड़की से बाहर निकल कर स्टंट करते हुए युवती की वीडियो हुई वायरल,
गथाना बिसरख @noidapolice @noidatraffic pic.twitter.com/ZwqhYrwsxX
— PRIYA RANA (@priyarana3101) December 2, 2023
ଏହି ଭିଡିଓଟି 29 ସେକେଣ୍ଡର ଥିବାବେଳେ, ଏହା ନୋଏଡାର ଗ୍ରେନୋ ଓ୍ବେଷ୍ଟ ଅଞ୍ଚଳର ବୋଲି କୁହାଯାଉଛି । ଭିଡିଓ ଭାଇରାଲ ହେବା ପରେ ନୋଏଡା ପୋଲିସ ଟ୍ୟୁଟ୍ କରି କହିଛି ଯେ, ଉପରୋକ୍ତ ଅଭିଯୋଗକୁ ଦୃଷ୍ଟିରେ ରଖି ନିୟମ ଅନୁଯାୟୀ ଇ-ଚାଲାଣ ୨୩ ହଜାର ୫୦୦ ଟଙ୍କା ଜୋରିମାନା ଜାରି କରି ଟ୍ରାଫିକ୍ ନିୟମ ଉଲ୍ଲଂଘନ କରି ସମ୍ପୃକ୍ତ ଗାଡି ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହା ସହିତ ଟ୍ରାଫିକ ପୋଲିସ ଲୋକମାନଙ୍କୁ ଏପରି ଷ୍ଟଣ୍ଟ ନକରିବାକୁ ନିବେଦନ କରିଛି । ଏହା ଏକ ଦୁର୍ଘଟଣାକୁ ନିମନ୍ତ୍ରଣ କରିବା ପରି ଅଟେ ।
Comments are closed.