ସକାଳେ ‘ହାତ’ ଛାଡ଼ିଲେ, ସନ୍ଧ୍ୟାରେ ଏକନାଥ ସିନ୍ଦେଙ୍କ ଧନୁତୀର ଧରିଲେ ମିଲିନ୍ଦ

ନୂଆଦିଲ୍ଲୀ: ମହାରାଷ୍ଟ୍ର କଂଗ୍ରେସକୁ ଏକ ବଡ଼ ଝଟକା ଦେଇଥିବା ଭେଟେରାନ ନେତା ମିଲିନ୍ଦ ଦେଓରା ଶେଷରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଉପସ୍ଥିତିରେ ଶ୍ରୀ ଦେଓରା ଶିବସେନାରେ ଯୋଗ ଦେଇଥିଲେ। ପୂର୍ବତନ କେନ୍ଦ୍ରମନ୍ତ୍ରୀ ମିଲିନ୍ଦ ଦେଓରା ଆଜି ସକାଳେ କଂଗ୍ରେସର ହାତ ଛାଡ଼ିଥିଲେ। ମିଲିନ୍ଦ ଦେଓରାଙ୍କ ପିତା ମୁର୍ଲି ଦେଓରା କଂଗ୍ରେସର ଜଣେ ବଡ ନେତା ଥିଲେ। କୁହାଯାଉଛି ଯେ ମିଲିନ୍ଦ ଦେଓରା ଦକ୍ଷିଣ ମୁମ୍ବାଇ ଲୋକସଭା ଆସନରୁ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁଥିଲେ, କିନ୍ତୁ କଂଗ୍ରେସ ଏହି ଆସନକୁ ଉଦ୍ଧବ ଠାକୁରଙ୍କ ଶିବସେନା (ୟୁବିଟି) କୁ ଦେଉଥିଲା। କ୍ରମାଗତ ଦୁଇଥର ଏଠାରେ ପରାସ୍ତ ହୋଇଥିବା ଦେଓରା ଏଥିରେ ସହମତ ହୋଇନଥିବା ନେଇ ସୂଚନା ରହିଛି। ଏହା ପରେ ମଧ୍ୟ କଂଗ୍ରେସର କିଛି ନେତା ଦକ୍ଷିଣ ମୁମ୍ବାଇର ଲୋକସଭାର ପୂର୍ବତନ ସଦସ୍ୟ ଦେଓରାଙ୍କୁ ତାଙ୍କ ନିଷ୍ପତ୍ତିର ପୁନର୍ବିଚାର କରିବାକୁ ଅନୁରୋଧ କରିଥିଲେ। କିନ୍ତୁ ଆଜି ସେ କଂଗ୍ରେସ ପରିବାର ସହିତ ତାଙ୍କର ୫୬ ବର୍ଷର ସମ୍ପର୍କକୁ ସମାପ୍ତ କରିଛନ୍ତି।

ନିକଟରେ ତାଙ୍କୁ ଅଲ ଇଣ୍ଡିଆ କଂଗ୍ରେସ କମିଟିର ମିଳିତ କୋଷାଧ୍ୟକ୍ଷ କରାଯାଇଥିଲା। ଶିବସେନା (ଅବିଭାଜିତ)ର ଅରବିନ୍ଦ ସାୱନ୍ତ ୨୦୧୪ ଏବଂ ୨୦୧୯ ସାଧାରଣ ନିର୍ବାଚନରେ ​​ମିଲିନ୍ଦ ଦେଓରାଙ୍କୁ ପରାସ୍ତ କରିଥିଲେ। ସାୱନ୍ତ ବର୍ତ୍ତମାନ ଉଦ୍ଧବ ଠାକରେ ଅଛନ୍ତି। କଂଗ୍ରେସରୁ ବିଦାୟ ନେବା ପରେ ମିଲିନ୍ଦ ଦେଓରା ଆଜି ‘ଏକ୍ସ’ (ଟ୍ୱିଟର) ରେ ଲେଖିଛନ୍ତି, ଆଜି ମୋର ରାଜନୈତିକ ଯାତ୍ରାର ଏକ ଗୁରୁତ୍ୱପୂର୍ଣ୍ଣ ଅଧ୍ୟାୟର ସମାପ୍ତ ହୋଇଛି। ମୁଁ କଂଗ୍ରେସର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛି ଏବଂ ଏହା ସହିତ ମୋର ପରିବାରର ୫୫ ବର୍ଷ ପୁରୁଣା ସମ୍ପର୍କ ସମାପ୍ତ ହୋଇଛି। ବର୍ଷ ବର୍ଷ ଧରି ସେମାନଙ୍କର ନିରନ୍ତର ସମର୍ଥନ ପାଇଁ ମୁଁ ସମସ୍ତ ନେତା, ସହକର୍ମୀ ଏବଂ କର୍ମୀଙ୍କୁ କୃତଜ୍ଞ ବୋଲି ସେ ନିଜ ସୋସିଆଲ ମିଡ଼ିଆ ଆକାଉଣ୍ଟରେ ସୂଚନା ଦେଇଥିଲେ।

ସେ ଆହୁରି ମଧ୍ୟ କହିଛନ୍ତି କି କଂଗ୍ରେସ ସେ ଅଣନିଶ୍ୱାସୀ ହୋଇ ପଡ଼ିଥିଲେ। ସେହିପରି ଶିବସେନାର ଜଣେ ବରିଷ୍ଠ ନେତା କହିଛନ୍ତି କଂଗ୍ରେସର ନେତାମାନେ ଉଦ୍ୟୋଗପତି, ବ୍ୟବସାୟୀମାନଙ୍କୁ ବିନା କାରଣରେ ଗାଳିଗୁଲଜ କରୁଛି। ସେମାନଙ୍କୁ ଦେଶଦ୍ରୋହୀ କହୁଛି ବୋଲି ଉକ୍ତ ନେତା ଜଣକ ପ୍ରକାଶ କରିଥିଲେ। ସେପଟେ ମିଲିନ୍ଦଙ୍କ ଇସ୍ତଫା ପରେ କଂଗ୍ରେସର ବରିଷ୍ଠ ନେତା ଜୟରାମ ରମେଶ କହିଛନ୍ତି କି ଦଳରୁ ଜଣେ ମିଲିନ୍ଦ ଗଲେ ଆମକୁ ଲକ୍ଷେ ମିଲିନ୍ଦ ମିଳିଯିବେ। କଂଗ୍ରେସର ସଂଗଠନ ଓ ବିଚାରଧାରାରେ ବିଶ୍ୱାସ କରୁଥିବା ଅନେକ ନେତା ଦଳରେ ଯୋଗଦେବାକୁ ଇଚ୍ଛୁକ ରହିଛନ୍ତି। ସେ ମିଲିନ୍ଦଙ୍କୁ ବିଜେପିର କାଠ କଣ୍ଢେଇ ବୋଲି କହିଛନ୍ତି।