‘ପ୍ରଧାନମନ୍ତ୍ରୀ ମୋଦି ଏବେ ‘ପୁଜାରୀମାନଙ୍କ ସମ୍ରାଟ’ରେ ପରିଣତ ହୋଇଛନ୍ତି’

ନୂଆଦିଲ୍ଲୀ: ଦୀର୍ଘ ୩୧ ବର୍ଷ ପରେ ଜ୍ଞାନବ୍ୟାପି ମସଜିଦର ତଳ ମହଲାରେ ହିନ୍ଦୁ ପକ୍ଷଙ୍କ ପୂଜା କରାଯିବାକୁ ନେଇ ମୋଦି ସରାକରଙ୍କ ଉପରେ ବର୍ଷିଛନ୍ତି ଏଆଇଏମ୍ଆଇଏମ୍ ସଭାପତି ଅସଦୁଦ୍ଦିନ ଓବେସି । ମୁସଲମାନ ସଂଗଠନ ସହ ଭେଦଭାବ କରୁଥିବା କହିଛନ୍ତି ଓବେସି । ଓବେସି ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରି କହିଛନ୍ତି ଯେ, ଆଜି ଭାରତର ୧୭ କୋଟି ମୁସଲମାନ ଭାରତର ପ୍ରଧାନମନ୍ତ୍ରୀଙ୍କ ଉପରେ ବିଶ୍ୱାସ କରନ୍ତି ନାହିଁ । ଏଥିରୁ ଜଣାପଡୁଛି ଯେ ମୋଦି ପ୍ରଧାନମନ୍ତ୍ରୀ ନୁହଁନ୍ତି ବରଂ ‘ପୁଜାରୀମାନଙ୍କ ସମ୍ରାଟ’ ହୋଇଯାଇଛନ୍ତି ।

ଓବେସି ଆହୁରି କହିଛନ୍ତି ଯେ, ‘ଆପଣ ପ୍ରତ୍ୟେକ ମସଜିଦ କୁ ଛଡ଼େଇ ନେବାକୁ ଚାହୁଁଛନ୍ତି । ଆପଣ ଯେଉଁ ଚାଦର ଛଡ଼େଇ ନେବାକୁ ଚେଷ୍ଟା କରୁଛନ୍ତି ତାହା ହେଉଛି ମୋର ମସଜିଦ । ୧୭ କୋଟି ମୁସଲମାନମାନଙ୍କୁ କେଉଁ ବାର୍ତ୍ତା ଦେଉଛନ୍ତି? ଏମୟୁରେ ସୁପ୍ରିମକୋର୍ଟରେ ଶୁଣାଣି ଉପରେ ନେଇ ଅସନ୍ତୋଷ ପ୍ରକାଶ କରି ଓବେସି କହିଛନ୍ତି, ‘ଆଲିଗଡ ମୁସଲିମ ବିଶ୍ୱବିଦ୍ୟାଳୟ ପ୍ରତି ଏତେ ଘୃଣା କାହିଁକି? ହିନ୍ଦୁ ଭାଇମାନେ ମଧ୍ୟ ସେଠାରେ ଅଧ୍ୟୟନ କରୁଛନ୍ତି ।

ଅଯୋଧ୍ୟାରେ ରାମ ଲଲାଙ୍କ ପ୍ରାଣ ପ୍ରତିଷ୍ଠା ଉପରେ ଓବେସି ମଧ୍ୟ ନିଜର କ୍ରୋଧ ପ୍ରକାଶ କରିଛନ୍ତି । ସେ କହିଛନ୍ତି, ‘୨୨ ଜାନୁୟାରୀ ୨୦୨୪ ରେ ଅଯୋଧ୍ୟାରେ ଯାହା ଘଟିଲା, ୧୯୮୬ ରେ ତାଲା ଖୋଲି ଏହାର ମୂଳଦୁଆ ପକାଯାଇଥିଲା । ଏହାର ଭିତ୍ତିପ୍ରସ୍ତର ତତ୍କାଳୀନ ମନ୍ତ୍ରୀ ଜି.ବି ପନ୍ତ ରଖିଥିଲେ । ଡିସେମ୍ବର ୬ ତାରିଖ ୧୯୯୨ ରେ ଯାହା ଘଟିଲା, ତାହା ସମଗ୍ର ବିଶ୍ୱ ଦେଖିଲା’ ।

CAA ଉପରେ ଏଆଇଏମ୍ଆଇଏମ୍ ମୁଖ୍ୟ କହିଛନ୍ତି, ‘ଜଣେ ମନ୍ତ୍ରୀ କହିଛନ୍ତି ଯେ ଆମେ ୮ ଦିନ ମଧ୍ୟରେ CAA କାର୍ଯ୍ୟକାରୀ କରିବାକୁ ଯାଉଛୁ । କିନ୍ତୁ ଏହାପୂର୍ବରୁ ଆପଣ CAA ସହିତ ଧର୍ମର ପାର୍ଥକ୍ୟକୁ ସମାପ୍ତ କରିବା ଉଚିତ୍ । ଯଦି ଆପଣ ଏହାକୁ ଧର୍ମ ସହିତ ସଂଯୋଗ କରନ୍ତି ତେବେ ଆପଣଙ୍କର ଉଦ୍ଦେଶ୍ୟ ଖରାପ ଅଟେ । ଭାରତର ମୁସଲମାନ ଏବଂ ଦଳିତଙ୍କୁ ହଇରାଣ କରିବାର ଉଦ୍ଦେଶ୍ୟ ଅଛି । ଆମେ କାହିଁକି CAA ବିରୋଧରେ? CAA କୁ ଧର୍ମ ସହିତ ଯୋଡିବା ଭୁଲଥିଲା, ଏହାକୁ ହଟାନ୍ତୁ ।

ଓବେସି ପ୍ରଧାନମନ୍ତ୍ରୀ ମୋଦିଙ୍କୁ କହିଛନ୍ତି, ‘ଆପଣ ନିର୍ବାଚନରେ ​​ଜିତନ୍ତୁ କିମ୍ବା ହାରିଯାଆନ୍ତୁ, ଯଦି ଆପଣ ୧୭ କୋଟି ଲୋକଙ୍କ ମଧ୍ୟରେ ଅବିଶ୍ୱାସର ପରିସ୍ଥିତି ସୃଷ୍ଟି କରନ୍ତି, ତେବେ ଏହା ଦେଶର ହିତରେ ରହିବ ନାହିଁ । ଆମେ ଆଶା କରୁଛୁ ଯେ କୋର୍ଟ ଧାର୍ଯ୍ୟ ପ୍ରକ୍ରିୟା ଅନୁସରଣ କରିବେ । ଯଦି କୋର୍ଟ ଏକପାଖିଆ ନିଷ୍ପତ୍ତି ନିଅନ୍ତି ତେବେ ଏହା ଭୁଲ୍ ହେବ ।