ଧର୍ମଶାଳା: ଏଠାରେ ଆରମ୍ଭ ହୋଇଥିବା ଅନ୍ତିମ ତଥା ୫ମ କ୍ରିକେଟ ଟେଷ୍ଟର ପ୍ରଥମ ଦିବସ ଖେଳ ଶେଷ ସୁଦ୍ଧା ଭାରତ ଦୃଢ଼ ସ୍ଥିତିରେ ରହିଛି । ପ୍ରଥମେ ବ୍ୟାଟିଂ କରି ଇଂଲଣ୍ଡ ୨୧୮ ରନ କରି ଅଲଆଉଟ ହୋଇ ଯାଇଥିଲା । ଜ୍ୟାକ କ୍ରାଉଲେ ସର୍ବାଧିକ ୭୯ ରନ କରିଥିଲେ । ଅନ୍ୟ କୌଣସି ବ୍ୟାଟ୍ସମ୍ୟାନ ଭାରତୀୟ ବୋଲରଙ୍କ ଉଚିତ ମୁକାବିଲା କରିପାରି ନ ଥିଲେ । କୂଲଦୀପ ଯାଦବ ୫ଟି, ରବିଚନ୍ଦ୍ରନ ଅଶ୍ୱୀନ ୪ଟି ଓ ରବୀନ୍ଦ୍ର ଜାଡେଜା ଗୋଟିଏ ୱିକେଟ ହାସଲ କରିଥିଲେ । ଅଶ୍ୱୀନ ତାଙ୍କ ୧୦୦ତମ ଟେଷ୍ଟରେ ପ୍ରଭାବୀ ବୋଲିଂ ପ୍ରଦର୍ଶନ କରିଥିଲେ ।
ଜବାବରେ ଭାରତ ଷ୍ଟମ୍ପସ ଅପସାରଣ ବେଳକୁ ଗୋଟିଏ ୱିକେଟ ହରାଇ ୧୩୫ ରନ ସଂଗ୍ରହ କରି ନେଇଛି । ଦଳ ଏବେ ବି ଇଂଲଣ୍ଡ ସ୍କୋରଠାରୁ ୮୩ ରନ ପଛରେ ରହିଛି । ଯଶସ୍ୱୀ ଜୈସୱାଲ ୫୭ ରନ କରି ଆଉଟ ହୋଇଛନ୍ତି । ସେ ଟେଷ୍ଟ କ୍ରିକେଟରେ ୧୦୦୦ରନ ପୂର୍ଣ୍ଣ କରିଛନ୍ତି । ରୋହିତ ଶର୍ମା ୫୨ ଓ ଶୁଭମନ ଗିଲ ୨୬ ରନ କରି ଅପରାଜିତ ରହିଛନ୍ତି । ଇଂଲଣ୍ଡ ପକ୍ଷରୁ ଶୋବଏ ବଶୀର ଗୋଟିଏ ୱିକେଟ ନେଇଛନ୍ତି । ୫ ମ୍ୟାଚ ବିଶିଷ୍ଟ ମୁକାବିଲାରେ ଭାରତ ୩-୧ରେ ଅଗ୍ରଣୀ ରହି ଆଗୁଆ ସିରିଜ ଜିତିନେଇଛି ।
Comments are closed.