ନୂଆଦିଲ୍ଲୀ: ଆମ୍ ଆଦମୀ ପାର୍ଟି (ଆପ୍)ର ଆବାହକ ତଥା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ଅନ୍ୟମାନଙ୍କ ସହ ମିଶି ଷଡ଼ଯନ୍ତ୍ର କରିଥିଲେ ଏବଂ ଅପରାଧରୁ ମିଳିଥିବା ଅର୍ଥକୁ ବ୍ୟବହାର କରିବାରେ ସକ୍ରିୟ ଭାବେ ସମ୍ପୃକ୍ତ ଥିଲେ ବୋଲି ମଙ୍ଗଳବାର ଦିନ ଦିଲ୍ଲୀ ହାଇକୋର୍ଟ କହିଛନ୍ତି।
ଅବକାରୀ ଦୁର୍ନୀତି ସହ ଜଡ଼ିତ ମନି ଲଣ୍ଡରିଂ ମାମଲାରେ ତାଙ୍କ ଗିରଫଦାରୀକୁ ଚ୍ୟାଲେଞ୍ଜ କରି ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଆବେଦନ ଉପରେ ହାଇକୋର୍ଟ ରାୟ ଶୁଣାଇଥିବା ବେଳେ ଏହି ରାୟ ଆସିଛି। ଏଥିସହ କେଜ୍ରିଓ୍ବାଲଙ୍କ ଗିରଫଦାରୀ ଚ୍ୟାଲେଞ୍ଜକୁ ଖାରଜ କରିଛନ୍ତି କୋର୍ଟ। ଏବେ ଆପ୍ ସୁପ୍ରିମକୋର୍ଟ ଯିବ ବୋଲି ଜଣାପଡ଼ିଛି।
ଏହି ମାମଲା ଅରବିନ୍ଦ କେଜ୍ରିୱାଲ ଏବଂ ଇଡି ମଧ୍ୟରେ ବୋଲି ହାଇକୋର୍ଟ ବିଚାରପତି ରାୟ ଦେଇଛନ୍ତି। କେନ୍ଦ୍ର ସରକାର ଓ ଦିଲ୍ଲୀ ସରକାରଙ୍କ ମଧ୍ୟରେ କୌଣସି ବିବାଦ ନାହିଁ। ରାଜନୀତି ସରକାରଙ୍କୁ ପ୍ରଭାବିତ କରେ। ରାଜନୈତିକ କାରଣ ଅଦାଲତକୁ ପ୍ରଭାବିତ କରେ ନାହିଁ।
ଏହାବ୍ୟତୀତ ହାଇକୋର୍ଟ ତାଙ୍କ ରାୟରେ ଉଲ୍ଲେଖ କରିଛନ୍ତି ଯେ ବର୍ତ୍ତମାନ ରଦ୍ଦ ହୋଇଥିବା ମଦ ନୀତି ପ୍ରଣୟନ ଏବଂ ଲାଞ୍ଚ ଦାବିରେ କେଜ୍ରିୱାଲ ବ୍ୟକ୍ତିଗତ ଭାବରେ ସମ୍ପୃକ୍ତ ଥିଲେ। ଆପର ରାଷ୍ଟ୍ରୀୟ ଆବାହକ ଭାବେ କେଜ୍ରିୱାଲ ଏହି ଦୁର୍ନୀତି ସହ ଜଡ଼ିତ କାର୍ଯ୍ୟକଳାପରେ ଅଂଶଗ୍ରହଣ କରିଥିବା ଅଭିଯୋଗ ହୋଇଛି।
ରାୟ ଶୁଣାଇବା ପୂର୍ବରୁ କୋର୍ଟ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଏହି ନିଷ୍ପତ୍ତି ଜାମିନରେ ନୁହେଁ ବରଂ କେଜ୍ରିୱାଲଙ୍କ ଗିରଫଦାରୀ ଉପରେ। ରାୟରେ ଅଦାଲତ କହିଛନ୍ତି ଯେ ମୁଖ୍ୟମନ୍ତ୍ରୀ ଓ ସାଧାରଣ ଲୋକଙ୍କ ପାଇଁ ଆଇନ ସମାନ। ଅଦାଲତ ଆଇନ ଅନୁଯାୟୀ ଯାଆନ୍ତି। ତଦନ୍ତ ଓ ତଦନ୍ତରୁ କାହାରିକୁ ମୁକ୍ତ କରାଯାଇପାରିବ ନାହିଁ।
ରାୟ ଶୁଣାଇ ଜଷ୍ଟିସ ସ୍ୱର୍ଣ୍ଣକାନ୍ତ ଶର୍ମା କହିଛନ୍ତି ଯେ ନିର୍ବାଚନ ପ୍ରଚାରକୁ ରୋକିବା ପାଇଁ କେଜ୍ରିୱାଲଙ୍କୁ ଗିରଫ କରାଯାଇଛି ବୋଲି କୋର୍ଟ ବିଶ୍ୱାସ କରନ୍ତି ନାହିଁ। ମୁଖ୍ୟମନ୍ତ୍ରୀ ଓ ସାଧାରଣ ଲୋକଙ୍କ ପାଇଁ ଆଇନ ସମାନ। ଅବକାରୀ ଦୁର୍ନୀତିରେ କେଜ୍ରିୱାଲଙ୍କ ସମ୍ପୃକ୍ତି ଥିବା ଇଡି ଦାବି କରିଛି।
ଇଡି ମାର୍ଚ୍ଚ ୮ ରେ ଗୋଆର ଆମ୍ ଆଦମୀ ପାର୍ଟି ପ୍ରାର୍ଥୀଙ୍କ ବୟାନ ରେକର୍ଡ କରିଥିଲା। ଏହାବ୍ୟତୀତ ରାଘବ ରେଡ୍ଡୀଙ୍କ ବୟାନ ପିଏମଏଲଏ ଧାରା ଅଧୀନରେ ଦିଆଯାଇଥିଲା । ଜଷ୍ଟିସ ସ୍ୱର୍ଣ୍ଣକାନ୍ତ ଶର୍ମା କହିଛନ୍ତି ଯେ ସରକାରୀ ସାକ୍ଷୀଙ୍କୁ ବୟାନ ରେକର୍ଡ କରାଯାଉଥିବା ବେଳେ ସରକାରୀ ସାକ୍ଷୀଙ୍କ ବୟାନ ଅଦାଲତରେ ଲେଖାଯାଇଛି। ଯଦି କୌଣସି ସାକ୍ଷୀଙ୍କୁ ବୟାନ ଉପରେ ପ୍ରଶ୍ନବାଚୀ ସୃଷ୍ଟି କରାଯାଉଛି ଏହାର ଅର୍ଥ ଅଦାଲତ ଉପରେ ପ୍ରଶ୍ନ ଉଠାଯାଉଛି। ଅଦାଲତ କହିଛନ୍ତି ଯେ ସରକାରୀ ସାକ୍ଷୀ କରିବାର ଆଇନ ୧୦୦ ବର୍ଷ ପୁରୁଣା।
Comments are closed.