ମୁମ୍ବାଇ: ‘ବାହୁବଳୀ’, ‘ବାହୁବଳୀ ୨’ ପରେ ଏବେ ଧୁମ ମଚେଇବ ‘ବାହୁବଳୀ, ଦ କ୍ରାଉନ ଅଫ୍ ବ୍ଲଡ୍’ । ଖୁବଶୀଘ୍ର ଆସିବାକୁ ଯାଉଛି ‘ବାହୁବଳୀ, ଦ କ୍ରାଉନ ଅଫ୍ ବ୍ଲଡ୍’ । ଏସ୍ ଏସ୍ ରାଜାମୌଲୀଙ୍କ ‘ବାହୁବଳୀ’ ଏବଂ ‘ବାହୁବଳୀ ୨’ ର ବଡ ସଫଳତା ପରେ ଏବେ ସେ ତାଙ୍କର ପ୍ରଶଂସକମାନଙ୍କୁ ପୁଣି ଏକ ବଡ ଉପହାର ଦେବାକୁ ଯାଉଛନ୍ତି । ବାସ୍ତବରେ ରାଜାମୌଲୀ ତାଙ୍କର ଆଗାମୀ ସିରିଜ୍ ‘ବାହୁବଳୀ, ଦ କ୍ରାଉନ୍ ଅଫ୍ ବ୍ଲଡ୍’ର ଘୋଷଣା କରିଛନ୍ତି । ଏହି ସିରିଜର ଘୋଷଣା ପରେ ପ୍ରଶଂସକଙ୍କ ମଧ୍ୟରେ ଉତ୍ସହ ଖେଳିଯାଇଛି । ତେବେ ଏହି ସିରିଜ ସବୁଠାରୁ ବିଶେଷ କଥା ହେଉଛି ଯେ, ଏହି ସିରିଜଟି ସମ୍ପୂର୍ଣ୍ଣ ଆନିମେଟେଡ୍ । ‘ବାହୁବଳୀ, ଦ କ୍ରାଉନ୍ ଅଫ୍ ବ୍ଲଡ୍’ର ଘୋଷଣା କରିବା ବେଳେ ଖୁବ୍ ଶୀଘ୍ର ଏହାର ଟ୍ରେଲର ଆସିବାକୁ ଯାଉଛି ବୋଲି ମଧ୍ୟ କହିଛନ୍ତି ଏସଏସ ରାଜାମୌଲୀ ।
ନିର୍ଦ୍ଦେଶକ ଏସଏସ ରାଜାମୌଲୀ ତାଙ୍କର ନୂତନ ସିରିଜ୍ ‘ବାହୁବଳୀ: ଦ କ୍ରାଉନ୍ ଅଫ୍ ବ୍ଲଡ୍’ ଘୋଷଣା କରିବା ସହ ଏହା ସହ ଜଡିତ କିଛି ବିଶେଷ କଥା ମଧ୍ୟ କହିଛନ୍ତି । ଯଦିଓ ଏହାର କାହାଣୀ କ’ଣ ହେବ ଏବଂ କେଉଁ ଅଭିନେତା ଏଥିରେ ଅଭିନୟ କରିବେ ତାହା ଏପର୍ଯ୍ୟନ୍ତ ଘୋଷଣା କରାଯାଇନାହିଁ । ତେବେ ‘ବାହୁବଳୀ: ଦ କ୍ରାଉନ୍ ଅଫ୍ ବ୍ଲଡ୍’ ଘୋଷଣା ପରେ ପ୍ରଶଂସକଙ୍କ ମନରେ ଉତ୍ସାହ ଖେଳିଯାଇଛି ।
ରାଜାମୌଲୀ ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି କହିଛନ୍ତି । ଯାହାର ବ୍ୟାକଗ୍ରାଉଣ୍ଡରେ ବାହୁବଳୀର ମ୍ୟୁଜିକ ଶୁଣିବାକୁ ମିଳୁଛି । ଭିଡିଓଟିକୁ ସେୟାର କରି ନିର୍ଦ୍ଦେଶକ କ୍ୟାପସନରେ କହିଛନ୍ତି, “ଯେତେବେଳେ ମାହିଷ୍ମତୀର ଲୋକମାନେ ତାଙ୍କ ନାମ ଜପ କରନ୍ତି, ତେବେ ବ୍ରହ୍ମାଣ୍ଡର କୌଣସି ଶକ୍ତି ସେମାନଙ୍କ ପ୍ରତ୍ୟାଗମନକୁ ରୋକି ପାରିବ ନାହିଁ । ଖୁବଶୀଘ୍ର ‘ବାହୁବଳୀ, ଦ କ୍ରାଉନ ଅପ୍ ବ୍ଲଡ୍’ର ଏକ ଆନିମେଟେଡ୍ ସିରିଜର ଟ୍ରେଲର ରିଲିଜ ହେବାକୁ ଯାଉଛି ।
ସୂଚନା ଥାଉ କି, ୨୦୧୫ ମହିହାରେ ରାଜାମୌଲୀଙ୍କ ‘ବାହୁବଳୀ: ଦ ବିଗନିଙ୍ଗ’ ରିଲିଜ ହୋଇଥିଲା । ଏଥିରେ ମୁଖ୍ୟ ଚରିତ୍ରରେ ଅଭିନୟ କରିଥିଲେ ସାଉଥ୍ ସୁପରଷ୍ଟାର୍ ପ୍ରଭାସ୍ । ଏହି ଚଳଚ୍ଚିତ୍ରର ଅଦମ୍ୟ ସଫଳତା ପରେ ନିର୍ମାତାମାନେ ୨୦୧୭ରେ ‘ବାହୁବଲୀ ୨’ର ରିଲିଜ୍ ହୋଇଥିଲା । ବର୍ତ୍ତମାନ ରାଜାମୌଲି ବାହୁବଳୀଙ୍କୁ ଏକ ଆନିମେଟେଡ ସିରିଜ ସହ ଦର୍ଶକଙ୍କୁ ମନୋରଞ୍ଜନ କରିବାକୁ ଯାଉଛନ୍ତି ।
Comments are closed.