ନୂଆଦିଲ୍ଲୀ: ଗୋଟେ ପଟେ ସ୍ୱାଧୀନତା ଦିବସ ଅବସରରେ ସରକାରୀ ବିଜ୍ଞାପନରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଫଟୋ ନ ଛାପିବା ନେଇ ଦିଲ୍ଲୀ ସରକାରଙ୍କ ମନ୍ତ୍ରୀ ଏବଂ ଅଧିକାରୀଙ୍କ ମଧ୍ୟରେ ବିବାଦ ଲାଗି ରହିଛି, ଅନ୍ୟପକ୍ଷରେ କେତେକ ଅଞ୍ଚଳରେ ଆଜି ଏହି ହୋର୍ଡିଂ ମାନ ଲଗାଯାଇଛି ।
ମନୀଷ ସିସୋଦିଆ ଆସିଛନ୍ତି, କେଜ୍ରିୱାଲ ଆସିବେ… ଆମ୍ ଆଦମୀ ପାର୍ଟି ଏହି ନାରା ଦେଇ ଏକ ନୂଆ ଅଭିଯାନ ଆରମ୍ଭ କରିଛି । ଏହି ନାରା ସହିତ ଦିଲ୍ଲୀ ରାସ୍ତାରେ ହୋର୍ଡିଂ ମାନ ଲଗାଯାଇଛି । ଅରବିନ୍ଦ କେଜ୍ରିୱାଲଙ୍କ ଫଟୋ ଏବଂ ‘କେଜ୍ରିୱାଲ ଆସିବେ’ ନାରା ସହିତ ଏହି ହୋର୍ଡିଂ ଚାରିଆଡେ ଲଗାଯାଇଛି ।
ସୂଚନାଯୋଗ୍ୟ, କଥିତ ମଦ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତିହାର ଜେଲରେ ଅଛନ୍ତି । ମାର୍ଚ୍ଚ ୨୧ ରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଅରବିନ୍ଦ କେଜ୍ରିୱାଲଙ୍କୁ ଗିରଫ କରିଥିଲା ଏବଂ ସିବିଆଇ ତାଙ୍କୁ ଜୁନ୍ ୨୬ ରେ ନ୍ୟାୟିକ ହେପାଜତରୁ ଗିରଫ କରିଥିଲା । ଇଡି ମାମଲାରେ ଅରବିନ୍ଦ କେଜ୍ରିୱାଲଙ୍କୁ ସୁପ୍ରିମକୋର୍ଟରୁ ଅନ୍ତରୀଣ ଜାମିନ ମିଳିଥିବାବେଳେ ଅଗଷ୍ଟ ୨୩ ଅର୍ଥାତ୍ ଆସନ୍ତାକାଲି ସିବିଆଇ ମାମଲାର ଶୁଣାଣି କରିବେ ସୁପ୍ରିମକୋର୍ଟ ।
Comments are closed.