ହାଇଦ୍ରାବାଦ: ସାଉଥ ସୁପରଷ୍ଟାର ଜୁନିଅର ଏନଟିଆର ଷ୍ଟାରର ଫିଲ୍ମ ‘ଦେବରା: ପାର୍ଟ ୱାନ’ ବକ୍ସ ଅଫିସରେ ଭଲ ଇନକମ କରିଥିଲା । ଏହି ଚଳଚ୍ଚିତ୍ର ସାରା ବିଶ୍ୱରେ ୩୦୦ କୋଟିରୁ ଅଧିକ ଟଙ୍କା ସଂଗ୍ରହ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଜୁନିଅର ଏନଟିଆରଙ୍କ ସହିତ ଜାହ୍ନବୀ କପୁର ଏବଂ ସୈଫ ଅଲ୍ଲୀ ଖାନ୍ ମଧ୍ୟ ଏହି ଫିଲ୍ମରେ ନଜର ଆସିଥିଲେ ।
ବର୍ତ୍ତମାନ ଏହି ଚଳଚ୍ଚିତ୍ରଟି ଓଟିଟି ପ୍ଲାଟଫର୍ମରେ ରିଲିଜ୍ ପାଇଁ ପ୍ରସ୍ତୁତ । ରିପୋର୍ଟ ମୁତାବକ, ଦେବରା ନଭେମ୍ବର ୮ରେ ନେଟଫ୍ଲିକ୍ସରେ ମୁକ୍ତିଲାଭ କରିବାକୁ ଯାଉଛି । ନେଟଫ୍ଲିକ୍ସ ଏହି ଚଳଚ୍ଚିତ୍ରର ଓଟିଟି ରାଇଟସ କିଣିଥିଲା ।
ବର୍ତ୍ତମାନ ସାଉଥ ସୁପରଷ୍ଟାର ଜୁନିଅର ଏନଟିଆର ମଧ୍ୟ ତାଙ୍କ ବଲିଉଡ ଡେବ୍ୟୁ ପାଇଁ ପ୍ରସ୍ତୁତ ହେଉଛନ୍ତି । ଦକ୍ଷିଣରେ ଅନେକ ସୁପରହିଟ୍ ଫିଲ୍ମ ଦେଇଥିବା ଜୁନିଅର ଏନଟିଆରଙ୍କର ଏହା ପ୍ରଥମ ବଲିଉଡ ଫିଲ୍ମ ହେବ । ଆଗାମୀ ଚଳଚ୍ଚିତ୍ର ‘ଓ୍ବାର୍-୨’ରେ ଏନଟିଆର୍ ଦେଖିବାକୁ ମିଳିବେ । ଏହି ଚଳଚ୍ଚିତ୍ରଟି ଓ୍ବାର୍ ର ସିକ୍ୱେଲ ହେବ, ଯାହା ବକ୍ସ ଅଫିସରେ ହିଟ୍ ହୋଇଥିଲା । ଏହି ଚଳଚ୍ଚିତ୍ରରେ ଜୁନିଅର ଏନଟିଆରଙ୍କ ସହିତ ମୁଖ୍ୟ ଭୂମିକାରେ ହ୍ରିତିକ ରୋଶନ ନଜର ଆସିବେ ।
ତେବେ ଏହି ଚଳଚ୍ଚିତ୍ରର ରିଲିଜ୍ ତାରିଖ ଏପର୍ଯ୍ୟନ୍ତ ରିଲିଜ୍ ହୋଇନାହିଁ । କିନ୍ତୁ ଏନଟିଆରଙ୍କର ପ୍ରଶଂସକମାନେ ଏହି ଚଳଚ୍ଚିତ୍ର ପାଇଁ ବହୁତ ଉତ୍ସାହିତ ଅଛନ୍ତି । ଏବେ ଏହା ଦେଖିବାକୁ ପଡ଼ିବ ଯେ ଏହି ଚଳଚ୍ଚିତ୍ରଟି ବକ୍ସ ଅଫିସରେ ଓ୍ବାର୍ ପରି ସେତିକି ସଫଳତା ସୃଷ୍ଟି କରିପାରିବ କି ନାହିଁ ।
Comments are closed.