ମୁମ୍ବାଇ: ନିକଟରେ ସୋନାକ୍ଷୀ ସିହ୍ନାଙ୍କ ଲାଳନପାଳନ ଓ ସଂସ୍କାରକୁ ନେଇ ତାଙ୍କ ବାପାଙ୍କୁ ଟାର୍ଗେଟ କରିଥିଲେ ‘ଶକ୍ତିମାନ’ର ମୁକେଶ ଖାନ୍ନା। ଯାହାର ଜବାବ ଦେଇଥିଲେ ଅଭିନେତ୍ରୀ।
ସୋନାକ୍ଷୀ ସିହ୍ନାଙ୍କ ପୋଷ୍ଟ ପରେ ମୁକେଶ ଖାନ୍ନା ସୋସିଆଲ ମିଡିଆରେ ପୁଣି ଏକ ଲମ୍ବା ପୋଷ୍ଟ ଲେଖି ସଫେଇ ଦେଇଛନ୍ତି। ଏଥିରେ ସେ ଲେଖିଛନ୍ତି, ‘ମୁଁ ଆଶ୍ଚର୍ଯ୍ୟ ହୋଇଛି ଯେ ଆପଣ ପ୍ରତିକ୍ରିୟା ଦେବାରେ ଏତେ ସମୟ ନେଲେ। ମୁଁ ଜାଣିଥିଲି ଯେ କେବିସିର ସେହି ଘଟଣା ବିଷୟରେ କହି ମୁଁ ତାଙ୍କୁ ଅପମାନିତ କରୁଥିଲି କିନ୍ତୁ ସତ କହିବାକୁ ଗଲେ ମୋର କିମ୍ବା ତାଙ୍କ ପିତାଙ୍କୁ ବଦନାମ କରିବାର ମୋର ଉଦ୍ଦେଶ୍ୟ ନଥିଲା। କାରଣ ସେ ମୋର ସିନିୟର | ତାଙ୍କ ସହିତ ମୋର ଭଲ ସମ୍ପର୍କ ଅଛି।
ଅଧିକ ପଢନ୍ତୁ– ‘ଶକ୍ତିମାନ’ର ମୁକେଶ ଖାନ୍ନାଙ୍କୁ କାହିଁକି ଏଭଳି କହିଲେ ସୋନାକ୍ଷୀ
ମୁକେଶ ଖାନ୍ନା ଆହୁରି ଲେଖିଛନ୍ତି- ଆଜିର ପିଢିକୁ ଉଦାହରଣ ଦେବା ପାଇଁ ମୁଁ ଏଭଳି କହିଥିଲି। ବର୍ତ୍ତମାନର ପିଢି ଗୁଗୁଲ୍ ଜଗତ ଏବଂ ମୋବାଇଲ୍ ଫୋନର ଏକପ୍ରକାର ଦାସ ପାଲଟି ଗଲେଣି। ତାଙ୍କର ଜ୍ଞାନ ଉଇକିପିଡ଼ିଆ ଏବଂ ୟୁଟ୍ୟୁବରେ ଯୋଡି ହେବାରେ ସୀମିତ ହୋଇଯାଇଛି। ଏହା ମୋ ପାଇଁ ଏକ ହାଇ-ଫାଇ ମାମଲା ଥିଲା ଯାହାକୁ ମୁଁ ଅନ୍ୟମାନଙ୍କୁ ଶିକ୍ଷା ଦେବା ପାଇଁ ବ୍ୟବହାର କରିପାରିବି। ଆଉ ହଁ, ମୁଁ ଏକରୁ ଅଧିକ ସାକ୍ଷାତକାରରେ ଏହି ବିଷୟରେ ଆଲୋଚନା କରିଛି। ଯେଉଁଥିପାଇଁ ମୁଁ ଦୁଃଖିତ। ତେବେ ଏହି ଘଟଣାର ଆଉ ପୁନରାବୃତ୍ତି ହେବ ନାହିଁ ବୋଲି ସେ ପ୍ରକାଶ କରିଛନ୍ତି।