ମେଲବୋର୍ଣ୍ଣ: ଭାରତୀୟ କ୍ରିକେଟର ମହାନ ଖେଳାଳି ବିରାଟ କୋହଲି ଗାବା ଟେଷ୍ଟରେ ଭଲ ପ୍ରଦର୍ଶନ କରି ନ ଥିଲେ । ସେ ମାତ୍ର ୩ ରନ କରି ଆଉଟ ହୋଇଥିଲେ । ଏବେ ଅଷ୍ଟ୍ରେଲିଆ ବିପକ୍ଷ ବକ୍ସି ଡେ ଟେଷ୍ଟ ପାଇଁ ଟିମ ଇଣ୍ଡିଆ ମେଲବୋର୍ଣ୍ଣରେ ପଂହଚିଛି । ସେଠାରେ କୋହଲି ମଧ୍ୟ ପରିବାର ସହିତ ପଂହଚିଥିଲେ । ଚ୍ୟାନେଲ ୭ର କ୍ୟାମେରା ପର୍ସନ କୋହଲିଙ୍କ ପରିବାରର ଫଟୋ ଉଠାଉଥିଲେ । ବିରାଟ ବାରମ୍ବାର ମନା କରିବା ସତ୍ୱେ ସେ ନ ଶୁଣିବାରୁ କୋହଲି ରାଗି ଯାଇଥିଲେ । ସର୍ବସାଧାରଣ ସ୍ଥାନରେ ଫଟୋ ନେବା ଭୁଲ ନୁହେଁ ବୋଲି ଉକ୍ତ କ୍ୟାମେରା ପର୍ସନ ଯୁକ୍ତି କରିଥିଲେ ।
ଏହି ଘଟଣା ଏବେ ବିବାଦୀୟ ପରିସ୍ଥିତି ସୃଷ୍ଟି କରିଛି । ସେ ତାଙ୍କ ପିଲାମାନଙ୍କ ଫଟୋ ନ ନେବା ପାଇଁ ସର୍ବଦା ଅନୁରୋଧ କରିଥାନ୍ତି । ରବିଚନ୍ଦ୍ରନ ଅଶ୍ୱୀନ ଅବସର ନେବା ପରେ କୋହଲି ତାଙ୍କ ସମ୍ପର୍କରେ ଭାବପ୍ରବଣରେ ଭରା ପୋଷ୍ଟ କରିଥିଲେ । କୋହଲି ଚଳିତ ସିରିଜରେ ୩ଟି ମ୍ୟାଚରେ ୩୧.୫୦ ଆଭରେଜରେ ୧୨୬ ରନ ସଂଗ୍ରହ କରିଛନ୍ତି । ପର୍ଥ ଟେଷ୍ଟରେ ସେ ଶତକ ମାରିଥିଲେ ।