Latest Odisha News

ଗିରଫ ହେଲେ ବୋରିଗୁମ୍ମା ତହସିଲ ଏଆରଆଇ ସୁରେନ୍ଦ୍ର କୁମାର ତନ୍ତି

କୋରାପୁଟ: ଗିରଫ ହେଲେ ବୋରିଗୁମ୍ମା ତହସିଲ ଏଆରଆଇ ସୁରେନ୍ଦ୍ର କୁମାର ତନ୍ତି l ଆୟ ବହିର୍ଭୂତ ସମ୍ପତ୍ତିଠୁଳ କରିବା ଅଭିଯୋଗରେ ସୁରେନ୍ଦ୍ର କୁମାର ତନ୍ତିଙ୍କୁ ଗିରଫ କରିଛି ଭିଜିଲାନ୍ସ l ଗତ ଗୁରୁବାର ସକାଳୁ ଭିଜିଲାନ୍ସ ଟିମ୍ ତାଙ୍କ ବାସଭବନ ଓ କାର୍ଯ୍ୟାଳୟ ସମେତ ୮ଟି ସ୍ଥାନରେ ଚଢ଼ାଉ କରିଥିଲା । ଜୟପୁର ଭିଜିଲାନ୍ସ ସ୍ୱତନ୍ତ୍ର ବିଚାରପତିଙ୍କ ଦ୍ୱାରା ଜାରି କରାଯାଇଥିବା ସର୍ଚ୍ଚ ୱାରେଣ୍ଟ ଆଧାରରେ ୩ ଜଣ ଡିଏସପି, ୭ ଜଣ ଇନ୍ସପେକ୍ଟର, ୫ ଜଣ ଏଏସଆଇ ଏବଂ ଅନ୍ୟାନ୍ୟ ସହାୟକ କର୍ମଚାରୀଙ୍କ ନେତୃତ୍ୱରେ ଭିଜିଲାନ୍ସ ଚଢ଼ାଉ କରିଥିଲା । ଶେଷରେ ଆଜି ତାଙ୍କୁ ଗିରଫ କରିଛି ଭିଜିଲାନ୍ସ l

ଗତ ଗୁରୁବାର ରେନ୍ଦ୍ର ତନ୍ତୀଙ୍କର ବୋରିଗୁମାରେ ଅବସ୍ଥିତ ଆବାସିକ ଦ୍ୱି ମହଲା କୋଠା, ବୋରିଗୁମା ଠାରେ ତାଙ୍କ ଝିଅଙ୍କର ଆବାସିକ ଭଡ଼ା ଘର, ରଣସପୁରରେ ତାଙ୍କ ପୈତୃକ ଘର, ଗ୍ରାମ ହୋସ୍, ପି-ବୋରିଗୁମା, ଡିଷ୍ଟ-କୋରାପୁଟ , କୁମୁଟାରେ ଥିବା ସଂପର୍କୀୟଙ୍କ ଘର, ବୋରିଗୁମା ଠାରେ ତାଙ୍କ ସମ୍ପର୍କୀୟଙ୍କର ଦୁଇଟି ମହଲା କୋଠା, ବୋରିଗୁମା ଠାରେ ଦୁଇଟି ମହଲା ବଜାର କମ୍ପ୍ଲେକ୍ସ, ବୋରିଗୁମା ଠାରେ ତାଙ୍କର କୋଠା ଓ ବୋରିଗୁମାର କୁମୁଲି ଠାରେ ଶ୍ରୀ ତନ୍ତୀଙ୍କ ଅଫିସ୍ ଚାମ୍ବର ଆଦି ସ୍ଥାନଗୁଡ଼ିକରେ ଚଢ଼ାଉ କରାଯାଇଥିଲା । ଚଢ଼ଉ ବେଳେ ସୁରେନ୍ଦ୍ରଙ୍କ ଘରୁ ୧୫୦ ଗ୍ରାମର ସୁନା ଗହଣା, ୩ଟି କାର, ଗୋଟିଏ ବାଇକ୍, ବିଭିନ୍ନ ବ୍ୟାଙ୍କରେ ଜମା ଏବଂ ନଗଦ ୧ ଲକ୍ଷ ୫୫ ହଜାର ଟଙ୍କା, ୧୮ଟି ପ୍ଲଟ ଏବଂ ଏକ ୩ ତଳ ବିଶିଷ୍ଟ କୋଠା ଠାବ କରିଥିଲା ଭିଜିଲାନ୍ସ l

ସେପଟେ କିନ୍ତୁ ଗୋଟିଏ ପଟେ ଭିଜିଲାନ୍ସ ଚଢ଼ାଉ ଚାଲିଥିବା ବେଳେ ଅନ୍ୟ ପଟେ ଡିପୋଜିଟ୍ ଟଙ୍କା ଫେରି ପାଇବାକୁ ଘର ଆଗରେ ଧାରଣା ଦେଇଥିଲେ ଜମାକାରୀ l ସ୍ୱାମୀ ସୁରେନ୍ଦ୍ର ତନ୍ତୀ ଭିଜିଲାନ୍ସ ହାତରେ ପଡ଼ିଥିବା ବେଳେ ସ୍ତ୍ରୀଙ୍କୁ ଘେରିଥିଲେ ଜମାକାରୀ । ବିଭିନ୍ନ ପ୍ରକାରର ପ୍ରଲୋଭନ ଦେଖାଇ ଗ୍ରାମବାସୀଙ୍କ ଠାରୁ ଲକ୍ଷାଧିକ ଟଙ୍କା ନେଇଛନ୍ତି ସୁରେନ୍ଦ୍ରଙ୍କ ପତ୍ନୀ । କିନ୍ତୁ ଟଙ୍କା ଫେରସ୍ତ ବେଳକୁ ଧରା ଛୁଆଁ ଦେଉନାହାନ୍ତି । ତେଣୁ ତାଙ୍କ ଘରେ ଭିଜିଲାନ୍ସ ରେଡ ଚାଲିଥିବା ଜାଣି ଧାରଣା ଦେଇଥିଲେ ଜମାକାରୀ ।

Leave A Reply

Your email address will not be published.